الموضوع: مشكلة في ابيزا ٢٠٠٩

لو العربية ماشيه بدون حدف و لا صوت فى العجل --> يبقى مشكلة باور فاصل

المشاركة الأصلية كتبت بواسطة janjon1978

لو العربية ماشيه بدون حدف و لا صوت فى العجل --> يبقى مشكلة باور فاصل

هو فعلا مافيش حدف ولا صوت في العجل بس هي فيها حدفة سنة صغيرة اوي اوي بس دي من فترة كبيرة قبل الموضوع ده

المشاركة الأصلية كتبت بواسطة SYD

اولا اهلا بيك من جديد في قسم سيات
انا سعيد جدا اني اشوف حضرتك رجعت تاني تعمل مواضيع في القسم

انا شوفت لحضرتك اكتر من موضوع هنا في القسم
انت ومحمد ابيزا وكل الناس القدام

بالنسبة لمشكلة حضرتك
انا اعتقد الباور عندك كهرباء ، صح ؟؟
هل حطيتها علي الكمبيوتر وشوفت الأعطال ؟؟؟
هل راجعت علي الفيوزات ؟؟؟
اعتقد الباور الكهرباء بيبقي ليه حساسات عند العجل ، هل نظفتها قريب ؟؟؟

برجاء تحكيلنا اخر حاجات عملتها في العربية
واخر سيرفيس كان امتي ؟؟؟

لكم مني كل التحية
والف حمد لله علي السلامة

والله المستعان
،
،

يا باشا ربنا يخليك و الف مبروك عليك التنسيق و بجد برافو عليك انك قدرت تخلي القسم نشيط كده

- هو الباور فعلا عندي كهربا الاسكاترا كهربا
- لا لسه هاروح التوكيل الاسبوع اللي جاي ان شاء الله بس كنت عايز اطمن منكوا قبلها
- لا مارجعتش علي الفيوزات هو واحد صاحبي قالي احتمال تكون فيوز بس انا استبعدت ده لان الدركسيون اتقل من العربيات اللي مافيهاش باور بس يمكن يكون كده فعلا و عشان الجنوط كبيره مخلياه تقيل اوي كده

-لا مانظفتهاش لاني اول مره اعرف المعلومه دي منك بس لما اروح التوكيل هاشوف كده بس هل تعتقد الموضوع هايكون حاجة كبيرة ولا لا

- اخر سيرفس عملته كان شهر ٨ اللي فات تصدق من زمان اوي

اخر حاجات عملتها في العربية ان شاء الله هاعمل عنها موضوع منفصل عشان يبقي مرجع للناس

المشاركة الأصلية كتبت بواسطة ehab_mansour

ازيك يا سامح بيك فينك يا باشا وحشتنا جدا
يا سيدي نفسنا الناس تشاركنا و تتفاعل معانا لتنشيط القسم و نتعرف عليك عن قرب و نتقابل زي ما بنعمل اليومين دول علي العموم لعل يكون المانع عندك خير و نتمني لك التوفيق و السدادا دائما

علي العموم انا اللي اعرفه او فاكره تقريبا ان الباور عندك هيدروليك و كهرباء (ياريت تتأكد و تقلنا هو ايه بالضبط) الاتنين مع بعض لكن عموما ايا ان كان فحضرتك عندك الباور فاصل و لازم تحط العربية اولا علي الجهاز قبل عمل اي شيء لأنه اكيد هتعرف من خلاله فين مشكلتك

علي فكرة الباورلما بيفصل بيكون اثقل بكتيييييييير من الربية اللي مافيهاش باور اصلا

ازيك يا باش مهندس ايهاب واحشني جدا جدا والله و ان شاء الله نتقابل قريب نعمل مشاركة لقسم سيات و نتعرف علي بعض و ممكن نضم قسم فولكس كمان عشان نبقي عدد كبير

هو فعلا الباور عند الاتنين ( هيدروليك و كهربا )

طيب انا عمري ما عملت حاجة في العربية بره التوكيل بس انا مستعجل عشان اعرف ايه المشكلة ممكن اروح لميكانيكي اعرفه عنده جهاز كشف يعرفلي بس المشكلة فين ولا بلاش عك بس انا دايما بشوف عنده عربيات اوكتافيا و باسات

الموضوع مش متكرر ده دائم يعني هو بقي عي طول كده
و بيحصل في الاتجاهين

و بالنسبة للصيانة هي اه من حوالي سنة بس انا منتظم علي الجدول يعني كل ١٠ الاف كيلو بروح التوكيل اعمل الصيانة و هي حاليا عاملة ٥٩ و كسور فا هاروح اعمل صيانة ال ٦٠ ان شاء الله

و متشكر جدا جدا علي زوقك و ان شاء الله نتقابل قريب