الموضوع: رادار وهمى

يااه انت بتقول فيها ...
لسه ممسوك من ايام معدودة على 96 كم على حسب كلامهم..و انا ماقلتش عن140 اساسا طول الطريق لانه كان الجمعة صباحا..على الطريق الزراعي
اللي يضحك بقه ان في الفترة اللي الامين يروح يودي الرخصة لكبير المطاريد كانت
العربيات بتعدي عادي و بعدين يقوم راجع موقف عربية حلوة كده و يسحب الرخص و هكذا دواليك ..
و الضابط اللي كان واقف باين عليه انه كان امين و كمل بقه ضابط ..يا اما نسي الاحترام في بيتهم..
بس انت ما قولتش خدوا الرخصة ولا لاءة :)

ودفعت كام ؟

علي فكرة يا جماعة انا و اعوذ بالله من هذه الكلمة اول من اكتشفت موضوع الرادارات الوهمية علي الكورنيش في اسكندرية و عملت موضوع خاص بالمشكلة دي لاني رخصتي اتسحبت و انا ما عدتش 60 لان كان معايا والدتي كنت بوصلها للبيت و انا راجع لقيت عربية الرادار الوهمي واقفة عند اليو ترن اللي قدام سان ستفانو و نزلت لقيت واحد لابس ملكي قاعد في العربية و قولت له انا عايز اشوف الرادار عشان انت بتقول انني اتصورت علي 80 و انا ما عدتش 60 و لو ما ورتنيش الفيلم مش حيصلك كويس ..المهم الراجل انهار و قالي يا بيه هي جت في حضرتك اهه زي ما حضرتك شايف مافيش رادار و لا حاجة
روحت للباشا الظابط و قولتله يا باشا من فضلك عايز الرخص بتاعتي عشان انا اتصلت بمسئول و اخبرني ان اقولك ان ممكن الجهاز يعلق و طبعا حضرتك عارف بيعلق ازاي عشان انا ما عدتش 60 و اتصورت فالمهم الباشا ارتبك و قالي طب هات الوصل و اداني الرخصة بعصبية محذرني و ناصح لي اني اخلي بالي بعد كده و انا ماشي بعد كده
يا باشا انت في بلد سيادة القانون


محمد فهمي

اداني الرخصة بعصبية محذرني و ناصح لي اني اخلي بالي بعد كده و انا ماشي بعد كده

جامده قوي دي