أنا بقي أحكي لكم عن موقف زي الزفت
هي طبعا غلطتي بالرغم من أني حريص جداىفي السواقة بس أرادة ربنا
كنت لسه شاري الفراديرو قبلها بيوم واحد فقط و كانت أول مرة أخرج بيه
المهم شغلت الموتور أشتغل تمام و أنطلقت لسه جوه الجراج (نسيت أرفع الشفاط أو بالأصح ما كنتش أعرف أن مكانه فوق الدبرياج) و جيت في أخر الجراج في لفة حادة مع مطلع شديد و جت في اللفة دي و راحت طافية تماما و أحاول أسندها برجلي طبعا أنسي لأن وزنها فوق ال250كجم ده غير أنها عالية موت و أن طولي 175سم و عموما الفراديرو لو مالت أنسي أنك تقدر تسندها
و طبعا كانت واقعة تاريخية كوميدية و أتهبد علي رجلي لدرجة أني معرفتش أقوم من تحتيه
و أنادي علي البهوات أللي شغالين في الجراج أن حد يعبرني مافيش و البنزين عمال يخر (كنت لسه ماليه بعد ما أخذته من المعرض الليلة الماضية) المهم بشوية أرادة و قوة تمكنت و لوحدي من تسليك نفسي و عدلته لوحدي
و طبعا علشان ما تجيليش عقدة منه رحت ركبته فورا بالرغم من الألام الفظيعة في كل رجلي و أنطلقت بيه و بأقصي سرعة و رحت مشوار طويل حتي حلوان (ما أنا ساكن في المعادي) و جلست علي قهوة علشان أضرب حجرين معسل و طلبت واحد صاحبي جه أخد الموتوسيكل و روحه البيت علشان الألأم كانت غير محتملة
الخسائر كانت كدمات بشعة برجلي اليمني شفيت بعد حوالي أسبوعين و شوية خرابيش في الجانب اليمين للموتوسيكل
و من ساعتها لازم أدور بأستعمال الشفاط و أسيبه الموتوسيكل يسخن شوية قبل ما أطلع بيه
و الحمدلله علي كل شيئ
الف سلامة علليك اول انا اخدت واحدة زى دى وانا بطلع البايك على سلم العمارة مرة واحدة وراح طافى ورمى عليا اخدته كر البايك والسلم على رجلى بس جت سليمة الحمد لله
لس قولى ايه سبب اختيارك للفيادرو مع انها متوحشة زى ما انا شايف مش كانت tdm احسن
المفضلات