أبن اخويا فتحه عنده 4 شهور وفتحه دماغه قفلت وقولت للدكتور قالى ده عادى وانا اعرف انها بتقفل عند سنه ونصف
عايز اطمن منك يادكتور
عرض للطباعة
أبن اخويا فتحه عنده 4 شهور وفتحه دماغه قفلت وقولت للدكتور قالى ده عادى وانا اعرف انها بتقفل عند سنه ونصف
عايز اطمن منك يادكتور
السلام عليكم
ازيك يا دكتور محمود
ابني عنده 4شهور ونص في مشكلتين :
الاولى : الامساك باستمرار وممكن يقعد لحد 3 ايام متواصل وبعد كده بديله اقماع جلسرين بيفك الامساك فورا نصحنا الدكتور بالماء بعد كل رضعة لكن مابتجيبش نتيجة غالبا وبعد كده نصحني صيدلي بدواء اسمه pico في السعودية لكن خايف ادهوله مراتي طبيبة بتقولي ليه آثار جانبية ممكن تضره ومش عارف ايه الحل للامساك ده
الثانية : هي شك في عملية الطهار انا علمتهاله عند استاذ جراحة اطفال في مستشفى النزهة الدولي وبعد كده طبيب الاطفال شافها قال العملية ممتازة بس الملاحظ ان رأس القضيب داخل لجوه الجلد ويكاد يختفي القضيب بالكامل داخل الخصية ولما سالنا الدكتور الجراح قال لما نيجي نغير البامبرز نزق الجلدة لجوة بايدينا لحد لما تثبت ماصحة هذا الكلام؟
الادوية المستنمر عليها حاليا
بيبي فيت - نص قطارة مرة واحدة يوميا
بيديكال - نص سم مرة واحدة يوميا
دينتينوكس - 4 مرات يوميا 2.5 سم
ماء غريب (وقفناه لما ملقناش المستورد والمصري الموجود في السعودية بدون نتيجة تذكر)
بيبتون (للزوم فقط اثناء الكحة) 2 سم
نقط بيبي سلاين (للزوم اثناء الرشح وكتم الانف)
معلش على الاطالة واسف على بعض الالفاظ بس لا حياء في العلم
الأمساك - مش امساك ولا حاجة - ده تصرف طبيعي لأمعاء الطفل في السن ده ممكن كل اسبوع مرة وممكن كل يوم اكثر من مرة ومافيش داعي لقائمة الادوية دي تماما ، كما ان الرضاعة الطبيعية والتعرض للشمس الطبيعية اطراف النهار كافية لفيتامين د والكالسيوم ولا داعي لبيديكال
---- ادوية الكحة كلها ضاااااااااااااااارة وممنوعة على الأطفال تحت سنتين والأفضل هو الوقاية بالتدفئة الجيدة وعدم تبريد الغرفة الشديد بالمكيف والرضاعة الطبيعية فقط بدون ماء او اي اضافات ...
موضوع الطهارة ارجو انك تراجع طبيب الجراحة المعالج وان كان في الغالب الوصف ده طبيعي وكل ما يكبر الطفل تختفي تلك الظاهرة
ياباشا ربنا يكرمك وردك ده طمني
بالنسبة للامساك بتوصل معاه انه بعد يومين صراخ باستمرار وضم رجليه على بطنه وعدم نوم لمدة تتعدى 20 ساعة ولو نام أخره نص ساعة ويوقم يصرخ تاني لحد لما ياخد اقماع الجلسرين بيقدر ينام بعدها براحة ولمدة طويلة ويقوم فايق الموضوع حاسه بيتحسن مع الدينتينوكس (يمكن بيتهيئلي)
بالنسبة للادوية انا حاسس اني ماشي بمعمل كيماويات في ايدي
بالنسبة للطهار انت بس كنت بطمئن والحمد لله انت طمنتني
الدنتينوكس او السيميثيكون بيشفط الغازات ولكن الادوية دي مش موصوفة في امهات كتب طب الاطفال نهائيا ..
كما ان لبوس الجليسرين لا ضرر منه فهو عبارة عن جلسرين اللي هو من السكريات وكما قلت لك ده وضع طبيعي في الاطفال لحد سن 4-5 شهور مع اكتمال انزيمات الهضم ونمو الجهاز الهضمي
د. محمود
سلام عليكم ورحمة الله
عندى شوية استفسارات
أنا كنت وريتك فى الجزء الأول نتيجة رسم المخ لابنى واللى شخصت انه عنده قابلية للصرع واتكتبله على الديباكين كدواء لمدة 3 سنين
وبعدين لما روحنا لدكتورة الاطفال كتبتله على دواء الاوميجا علشان يحافظ على كبده من الديباكين وطلبت تحليل انزيمات الكبد كل 6 شهور
المهم أنا ملاحظ ان ابنى لما بياخد الدوائين دايما بيشرق فحد قالنا ان ممكن نخفف الديباكين بالماء هل ده صح ؟ وايه الحل فى موضوع الشرق ده؟
الحاجة التانية ابنى نومه قليل ومتقطع يعنى نومه الليلى حوالى 5 ساعات وبعدين يفضل صاحى ساعة أو اتنين ويرجع ينام 4 أو 5 ساعات تانى .... اما القيلولة النهارية بتبقى فى حدود نص ساعة إلى ساعة بالكتير ... فموضوع النوم ده مش مريحنى خالص وحاسس انه مابيخدش كفايته
الحاجة التالتة فيه طفح جلدى ظهر عنده بحجم المانجا فى وركه فاحنا افتكرنا انه من البامبرز وغيرنا النوع لانواع تانية مختلفة بس برضو فضل الطفح يروح ويرجع لغاية اما لقيته ظهر فى حتة تانية عند السمانة فهل ده ليه علاقة بالبامبرز ولا الادوية اللى بياخدها ؟
الحاجة الرابعة والاخيرة ابنى بقاله حوالى شهرين بيمشى ولغاية دلوقتى اتزانه فى المشى مش عاجبنى خالص وبيقع كتير جدا فهل فيه مقياس للموضوع ده وهل ممكن يكون ليه علاقة بالفلات فوت؟
وأنا اسف لو طولت عليك بالاسئلة
بعد إذنك يا دوكتور..ولد (ذكر) 3 سنوات وماعندوش مشاكل في السمع..نعمل ايه علشان نعرف إن متأخر في الكلام او مظبوط المرحلة إللي هو فيها؟؟؟
- في نهاية السنة الثانية : يجب أن ينطق الطفل جملة مؤلفة من 2 الى 3 كلمات و ترديد الكلمات التي يسمعها و يتبع التعليمات التي يسمعها
- مع نهاية السنة الثالثة : سيكون الطفل قادراً غلى إتباع ما سمعه من تعليمات مؤلفة من مرحلتين أو ثلاث مراحل و يكون قادراً على تمييز كل الأشياء و الصور الموجودة حوله , و يفهم أغلب ما يقال له و يتكلم بطريقة يفهمها أفراد من خارج العائلة
- مع نهاية السنة الرابعة : يجب أن يبدأ الطفل بتوجيه السؤال : لماذا ؟ و أن يفهم معاني متعددة لموضوع واحد , و يبدأ بتعلم قواعد اللغة , و يتكلم بطلاقة و لكنه قد يسيء اللفظ كثيراً و هذا طبيعي
الموضوع هنا فيه الكثير من الشرح المفيد
[url=http://www.childclinic.net/psychology/speech_problems.html]