المشاركة الأصلية كتبت بواسطة rosebox
سلام عليكم يا دكتور اولا جزاك الله خيرا على مجهودك و جعله الله فى ميزان حسناتك
انا قاعده اذاكر فى الموضوع ده و الموضوع اللى فات انما عندى كام سؤال كده
ربنا رزقنى بولد عنده دلوقتى 50 يوم يرضع لبن صناعى babelac1 او aptomil
1- التكريع صعب جدا جدا فى يوم الدكتور كتبله على اكوابلس و لما قريت المكونات لقيت فيها بيكلابونات صوديوم استبشرت خير و قرت هو ده اللى حيسهل عمليه تكريع شويه و منه غازات كمان و فعلاا جاب نتيجه و بعدين ما بقالوش اى تأثير. هل فى حاجه تسهل عملية التكريع شويه؟
ماتديلوش اي حاجة خالص ، ربتي على كتفه فقط في وسط الرضاعة وفي آخرها اثناء حمله على كتفك
2- و هو نايم تسمع كل الاصوات اللى فى الدنيا انما المهم بيتلوى جامد جدا جدا و وهو صاحى كمان. انا بفهم موضوع التلوى ده على انه جوع او مغص. هو التلوى ده تعبير عادى؟ و عن ايه؟
طبيعي اول 4-5 شهور ولا داعي للقلق
3- اديناله التطعيمات الاضافيه بتاعة شهرين من يومين ولاحظت انه سخن و البراز بتاعه بقى لونه اخضر. اللون ده عشان التطعيم ولا سبب تانى؟ من بين التطعيمات دى الروتا و سمعت انى لازم اخد بالى و انا بغيرله و اطهر ايدى بعد التغيير عشان الميكروب بينزل مع البراز . الكلام ده صح؟
لون البراز الاخضر طبيعي مع الرضاعة في الشهور الاولى , والحرارة اكيد من التطعيمات
4- انا بحطله كل ادويته مع بيبى درينك هل في تعارض فى مفعول الادويه؟ خصوصا سيتال؟
بيبي درنك ولا ليه اي لازمة ويقع تحت طائلة الأدوية المهدئة لقلق الام وليس الطفل ( لايضر ولا ينفع ) وقللي من اي ادوية تدخل فم الطفل بدون داعي
5- الدكتور اداله دوا كحه balsam و من بين المكونات عسل نحل و انا عارفه انه ممنوع فى اول سنه اديهوله و لا لا؟
لا داعي لأي ادوية للطفل نهائي مالهاش لازمة
6- ان شاء الله حيعمل عملية الطهاره قريبا فيه نصايح لتخفيف الالام؟
لا شيء الا ما يققره له دكتور الجراحة من مراهم وممنوع لبوس الدولفين تماما
7-افضل وضع للنوم؟
على الظهر وممنوع النوم على البطن نهائي لثبوت ارتباطه بمرض SIDS
8- ايه افضل انواع اللبن الصناعى؟ و هما يفرقوا عن بعضهم فى ايه بالضبط؟
افضل لبن هو الطبيعي ولا انصح باي البان لحد سن 6 شهور وافضلهم الخالي من زيت النخيل
9- هل اقدر اديل غذاء ملكات النحل مثلا و لا اى حاجه عشان المناعه خصوصا انه بيرضع لبن صناعى؟
لا تعطيه الا رضاعة طبيعية مطلقة
10- ايه الافضل الببرونه البلاستيك براند زى مثلا avent او chicco و لا الازاز؟
لا ننصح بالرضاعة الصناعية من اساسه وان كنتي فاعله فاعطيه بكوب وملعقة لتجنب تلوث الببرونات مهما بلغت نظافتها
فيه انواع نضيفه من الببرونات الازاز؟ هل لازم وجود المعقم؟
11- ابتدى من امتى ادور له على لعب؟ و ايه يبتدى بيه؟
5-6 شهور من محلات الاطفال الرضع ستجدي ما هو مناسب لكل مرحلة
انا خايفه لأكون طولت و لا حاجه :angelme:
على عموم انا بستغل كرمك اسوأ استغلال
8-