الموضوع: "عيادة طب الاطفال للإستشارة " الجزء التانى

السلام عليكم ورحمة الله وبركاته

دكتور محمود

عندي ابني 6 شهور وجاله دور برد وبلغم شديد وكحة وانسداد في الانف
ودينه لدكتورة في مستشفى تبارك وكتبتلي على الادوية التالية وفي تحسن ملحوظ

ميكوفيلين
xilon
سينوك
سيفيدين
فنيستيل نقط

معرفش ايه كمية الادوية دي كلها ولكن زي ما قلت لحضرتك هو تحسن نوعا ما

المشكلة اني من تلات ايام لاقيت لون البراز تحول للون زهري غامق وتاني يوم بقى لونه احمر دموي مع اسهال طبعا واتخضيت جدا كلمت الدكتورة قالتلي ده طبيعي نتيجة البلغم الي في صدره بينزل مع البراز فبيسبب اللون ده وقالتلي استمر على نفس الادوية ولكن مع تقليل جرعة دواء ال xilon الى مرتين بس يوميا بدل تلات مرات وده دواء حساسية حسب ماهو مكتوب عليه وكتبتلي على مطهر معوي اضافي اسمه دياكس

قريت الورقة الي بتيجي مع الدوا الزيلون ده لاقيت تحذير ان يجب ابلاغ الطبيب فور ظهور بعض الاعراض ومن ضمنها البراز الدموي ده، طبعا انا وقفت دوا الزيلون ده نهائي بسبب التغير الغريب

فمش عارف اعمل ايه يا دكتور ياريت حضرتك تنصحني وايه موضوع البراز الدموي ده ومخاطره ايه وايه سببه وهل دواء الزيلون ده تسبب في مشكلة داخلية عند الولد ولا ايه ارجو الافادة على وجه السرعة جزاء الله خيرا

المشاركة الأصلية كتبت بواسطة د.محمود صلاح

الزيلون هو البريدنيزولون prednisolone وهو كورتيزون متوسط المفعول يستخدم في حالات الربو الرئوي وفي حالات الاتهاب الحنجري ولا اعرف لم تم وصفه لك وفعلا من ضمن اعراضه الجانبية تقرحات في جدار المعدة واوقف العلاج به طبعا وراقب الحالة والبراز جيدا ان استدعى الامر بعض ادوية القرحة مثل مضاد الحموضة وغيرها

شكرا جزيلا لك يا دكتور على الافادة

طيب معنى كلامك ده ان سبب تغير لون البراز للون الدموي ان الولد حصلتله مشكلة تقرحات في المعدة بسبب الزيلون ولا ايه؟ انا وقفت الزيلون من 48 ساعة وفي تحسن بسيط في لون البراز للطبيعي ولكن هل ده معناه ان الولد حاليا حصلتله مشكلة بسبب الدواء ده ولا ايه؟ طيب اتصرف ازاي او ايه الي اعمله بالضبط علشان اطمن ان مفيش حاجات مش كويسة لا قدر الله حصلت علشان اعالجها وايه الدواء الي اديهولو علشان اعالج المشكلة الي سببها الزيلون

ياريت حضرتك تفيدني بشيئ من التفصيل جزاك الله خيرا