شوية تعديلات بسيطة في عربيتي - أبيزا 2009
السلام عليكم
انا حابب اشارككوا الحاجات اللي غيرتها في عربيتي يمكن حد يستفيد منها انا هاقول كل حاجة و صورة ليها و اقول عيوبها و مميزاتها .
هابدأ بالترتيب من الاقدم للاجدد:
١- فرش جلد لونه رمادي فاتح اوي نفس لون الفيبر و السقف اللي داخل صالون السيارة بس ده للاسف مش عندي له صورة انا كنت عامله في الحرفيين عند واحد اسمه رضا هو قدام بيومي بتاع الاستيراد كان متكلف ٧٠٠ جنيه هو كان كويس بس الفينش بتاعه مش حلو اوي كان عادي يعني .
٢- رينجات نيكل علي الهوايات بتاعت التكييف بتركب مكان الهوايات الجراي كان قدامي اختيارات في التوكيل موجود احمر و اصفر و نيكل بس انا اخترت النيكل و شكله زي الصورة دي بس من غير الجزء الاحمر اللي في النص ده
http://i285.photobucket.com/albums/l...2/P1030965.jpg
بصراحة عجبتني جدا فرقت في شكل التابلوه
٣- بعد كده جبت فلتر هوا كيه اند ان بس اللي هو بيركب زي الاوريجنال بالظبط جوه العلبة
و دي صورته
http://www.ppcgb.com/uploads/images/...ter/332920.gif
اول ما ركبته حسيت بفرق كبير في سحب العربية بس بعد شوية شيلته و ركبت الاصلي عشان انضفه فاكتشفت ان علي الار بي ام القليل و السرعة القليلة عموما الفلتر الاصلي افضل لكن علي السرعات العالية التاني افضل بكتييييير
٤- جبت فوانيس امامية day led زي دي
http://www.dvbcaraudio.co.uk/images/...mb_180x105.jpg
غيروا شكل العربية تماما شكلهم تحفة وهما منورين خصوصا ان لو العربية بعيد شوية و هما منورين صعب جدا تقدر تميز هي نوعها ايه بس عيبهم الوحيد انهم زي اي فوانيس اسبور نورهم ضعيف
٥- جبت دي في دي بايونير دبل دين شكله حلو اوي في التابلوه خصوصا ان فيه تحكم في لون الزراير بتاعته فانا عامله احمر لون اضاءة التابلوه برده ده من الحاجات اللي حسستني باختلاف في العربية و دي صوره زيه
http://www.pioneer.co.uk/images/prod...a_1_medium.jpg
و طبعا كنت جبت قبل ما اشتريه ٤ سماعات و صب سوني اكسبلود و ٢ جي ام بس هما كانوا عندي من العربية القديمة
٦- و اخيرا جبت الجنوط جبت مومو ١٧ خدته استعمال من واحد صاحبي بس ما شاء الله كانوا حالتهم نضيفة جدا و ده شكلهم
http://caraudiosecurity.com/shop/ima...w200_th200.jpg
و مقاس الكاوتش ١٧/٢٠٥/٤٠
و بعدها جبت سوست كوني عشان اوطي العربية شوية
لسه في حاجات كتيير اوي عايز اجيبها للعربية بس لسه شوية و كمان لما تتصلح الاول :dzey: