السلام عليكم ورحمة الله وبركاته
النهارده الصبح قولت انزل ابص على بطارية الماروتى (سائله وكمان كنت عاوز اخد كهرباء لمروحة الردياتير من البطاريه علطول وليس ع الكونتاكت لان العربيه لو حد بطلها والمروحة شغاله بتعمل رجه جامده اوى )
المهم ببص لاقيت القاعده متآكله وطبعا بسبب المياه اللى بتنزل من البطاريه
لاقيت اخواننا اليابانيين ربنا يباركلهم عاملين القاعده دى بتتفك وتركب ب 5 مسامير 10 (يعنى مش ملحومه فى العربيه)
فكيتها وصنفرتها طبعا من الصدأ وجبت بويه ودهنتها من تانى ومستنيها تنشف واركبها بإذن الله
نصيحه اللى يجى يغير البطاريه يكمل على تمنها شويه ويجيبها جافه علشان صاج العربيه ميبوظش لان كان عندى المشكله دى برضه ف الشاهين مع اول بطاريتين جبتهم وكانوا سائلين