سوال يخصوص انتر فيو

**minicooper20** · 27-05-2012 03:49 AM

ههههههههههههههههههههههههه هه
اه فيه بس فى السكرته كده
ربنا بقويه و متضعش من ايدو

**abd_el_7amid** · 27-05-2012 03:59 AM

انا حصل معايا نفس الموضوع
بس بعد اول انترفيو حطونى فى الاحتياطى
و اتصلوا بيا تانى بعدها ب5 اشهر و رحت الانتر فيو التانى و بصراحة كنت بايع القضية ... بس سبحان الله اتقبلت
ودخلوا معايا فى التفاصيل

صاحبك مقداموش غير انه يروح مش هيخسر حاجة... بس ممكن يكسب

**minicooper20** · 27-05-2012 04:11 AM

يعنى ايه الاحتياطى يا فندم
و بعدين حطوه فى الاحتياطى يعنى قبلوه ايه لزمتو يمتحنوه تانى
و ايه هى التفاصيل بقا و هل النتيجه بتبان على طول ولا بعدو اسبوعين زى معملو معاه اول مره

**abd_el_7amid** · 28-05-2012 04:52 AM

المشاركة الأصلية كتبت بواسطة minicooper20

يعنى ايه الاحتياطى يا فندم
و بعدين حطوه فى الاحتياطى يعنى قبلوه ايه لزمتو يمتحنوه تانى
و ايه هى التفاصيل بقا و هل النتيجه بتبان على طول ولا بعدو اسبوعين زى معملو معاه اول مره

بص يا باشا بالنسبة لى انا كانت شركة خدمات بترولية "سبرى صن" و كان عندهم شغل جديد فى اليمن فكانوا محتاجين ناس... فخدوا كمية الاول .. وبعدين الشغل زاد معاهم .. فاحتاجوا ناس كمان فخدوا من اللى جم قبل كده.. وامتحنوهم تانى.. وكنت انا منهم
العجيب بقى فعلا انى كنت فى اول مرة مذاكر كويس بس مكنتش هادىء فى الانتر فيو كنت متوتر.... و متقبلتش
المرة التانية كنت سهران برة و رجعت متاخر .. وبابا قالى عندك امتحان بكرة الساعة تسعة... الشركة اتصلت بيك و انت برة
ورحت وكنت مكبر دماغى تماما .. كنت عارف انى مش هاتقبل.. ولا كنت مذاكر ولا اى حاجة... بس كنت هادىء جدا فى الانتر فيو واللى معرفوش اقول له مش عارف.. وفى اخر الانتر فيو لاقيته بيتكلم معايا فى الفلوس و الشغل والذى منه... فسبحان الله نصيب..
اللى يضحكك اكتر ان الراجل تعب وعيى فترة طويلة و فى الاخر اتصلوا بيه بعد ما كنت اشتغلت مع شركة تانية

من الاخر خلى صاحبك يروح هو مش خسران حاجة ... واللى خلاه ينجح اول مرة .. يبنجح تانى... ومفيش حد بياخد اكتر من نصيبه

**minicooper20** · 28-05-2012 05:44 AM

بس الشركه دى فى مصر يا فندم
وفعلا خلوه عمل اتنين انتر فيو و نجح
انا قلتلو روح و لما يكلموك فى المرتب لو نجحت اطلب فى العالى

**abd_el_7amid** · 28-05-2012 06:25 AM

المشاركة الأصلية كتبت بواسطة minicooper20

بس الشركه دى فى مصر يا فندم
وفعلا خلوه عمل اتنين انتر فيو و نجح
انا قلتلو روح و لما يكلموك فى المرتب لو نجحت اطلب فى العالى

ايوه الشركة فى مصر
بالنسبة لموضوع المرتب.. لو صاحبك لسه جديد ... يقبل المرتب اللى هيتقاله... وبعد كده بالخبرة ممكن يروح لاى شركة منافسة بالسعر اللى عايزه
لكن لو معاه خبرة فى المجال ... و متمكن .. ممكن يطلب مرتب عالى

**Screenplays** · 28-05-2012 06:27 AM

ممكن يكون هيمتحنوه ... احتمال كبير موضوع الامتحان ده و خليه يستعد

**أحمد كمال** · 28-05-2012 08:55 AM

ميني كوبر

اسمح لي ادلي بدلوي ..... انا متخرج بقالي 9 سنين و عملت انترفيوز بعدد شعر راسي

اولا اغلب الشركات بتعمل بدل الانترفيو 2 و 3 و ممكن اكتر .... و بالذات المالتي ناشيونالز .....

ثانيا قول لصاحبك بلاش التوتر و الترقب لان دول اكتر حاجتين ممكن ينفخوه في دماغه

ثالثا الموضوع مش هيبقى امتحان لان لو فيه امتحان هيقولوا انه امتحان

رابعا هما لو مش عايزينه محدش فاضي اساسا محدش كان كلمه على انترفيو تاني من الاساس يعني موضوع انه مقلق ده مالوش لزمة ......

خامسا بلاش موضوع اضرب في العالي في المرتب لو دي اول شغلانة ليه ....... يشوف المتوسط بتاع الناس الجديدة في شغله في الشركة دي كام و يطلب اكتر من المتوسط ........

**minicooper20** · 28-05-2012 05:07 PM

المشاركة الأصلية كتبت بواسطة abd_el_7amid

ايوه الشركة فى مصر
بالنسبة لموضوع المرتب.. لو صاحبك لسه جديد ... يقبل المرتب اللى هيتقاله... وبعد كده بالخبرة ممكن يروح لاى شركة منافسة بالسعر اللى عايزه
لكن لو معاه خبرة فى المجال ... و متمكن .. ممكن يطلب مرتب عالى

جزاك الله خير يا فندم

الموضوع: سوال يخصوص انتر فيو

LinkBack

أدوات الموضوع

عرض

-

-

-

-

المواضيع المتشابهه

عندي انتر فيو في بنك

عندي انتر فيو يوم الاحد

مساعده فى انتر فيو عاجل

مركز صيانة البرقان انتر ناشيونال

مركز خدمه وصيانة البرقان انتر ناشيونال

الكلمات الدلالية لهذا الموضوع

المفضلات

المفضلات

ضوابط المشاركة