Koni ,, Apex ,, Eibach !! انهي الاحسن في السوست ؟؟

السلام عليكم ورحمة الله وبركاته

بفكر في سوست اسبور للياريس

نزلت لفيت لفة كدة عند ارابكوم وحماده غوزي ومحمد عثمان

اللى لقيته

عند ارابكوم سوست كوني ب 1080 جنيه

عند حماده غوزي سوست Apex ب 1400 جنيه وسوست حاجة كدة اسمها مريود مش عارف ده ايه بالظبط او ممكن انا سمعتها غلط المهم دي ب 1200 جنيه وقالي دي هولندي

سالت على ال Eibach بس للاسف مالقتهاش بس ممكن ادور عليها لو هي احسن والفرق يستاهل

انا حاليا خايف جدا من موضوع ان العفشة تنشف لان اصلا الجنط نشفها بزيادة فمش ناقصه يعني + ايه اخبار العربية مع الحمولة والمطبات في حالة السوست الاسبور هيبقى عامل ازاي ؟؟

السوست الاستوك العربية بتهبط جامد مع الحمولة بس برضوا قليل لما بتحك لانها اصلا عالية عن الارض فتفتكرو مع السوست الاسبور ممكن تهبط مثلا لدرجة انها تحك في الكارتيرات مع الحمولة ؟؟؟

وعايز منكم مقارنة بسيطة كدة مابين الانواع المذكورة من حيث

هتنشف العفشة قد ايه مقارنة بغيرها
هتهبط العربية قد ايه
كذلك الفرق في الاداء

وياترى مثلا فرق ال 400 جنيه اللى مابين الكوني وال Apex فيه في المقابل فرق في الاداء يستاهل فرق الفلوس ؟؟؟

1-eibach
2-koni
3-apex
4-fk
5-merwede
كل كيت مكتوب عليه بيوطى العربية قد ايه

اقتباس:

---

المشاركة الأصلية كتبت بواسطة Ghamrawy

1-eibach
2-koni
3-apex
4-fk
5-merwede
كل كيت مكتوب عليه بيوطى العربية قد ايه

---

ياراجل !! انت متاكد ان الكوني احسن من ال Apex !!! ؟

ده ال Apex اغلى ببتاع 400 جنيه الى غير ان الكوني دلوقتي بقى صيني وبينشف العفشة بغباء !! ؟

متقلقش من النشوفية... مش هتبقى زى ما انت متخيل يعنى

MMamdouh

اقتباس:

---

المشاركة الأصلية كتبت بواسطة MMamdouh

متقلقش من النشوفية... مش هتبقى زى ما انت متخيل يعنى

MMamdouh

---

طيب حضرتك ترشحلي انهي نوع من السوست يا باشمهندس ممدوح ؟

انا كدة قدامي كل الانواع تقريبا لاني لقيت ال eibach عند محمد عثمان بس لسه مش عارف سعرها

اتوقع هيبقى في حدود 1500/1600

بصراحة انا استبعدت المريود والكوني وحاليا محتار مابين ال Apex وال Eibach !

ايه رايك ؟

Eibach دوووووس يا برنس

من خلال خبرتي المتواضعة لازم تحدد عاوز سوست تثبت و تنشف معاك فالغرز و الأمركة و الدخول عالمطبات
ولا عاوز سوست طرية و تنعم ركوبة هادية و مريحة
الاختيار صعب بس مختلفين تماما !!!

اقتباس:

---

المشاركة الأصلية كتبت بواسطة haitham1985

eibach دوووووس يا برنس

---

مانا عارف والله ياحج بس المشكلة اني مش لاقيها

لو لقتها بسعر معقول اكيد هدوووس

اقتباس:

---

المشاركة الأصلية كتبت بواسطة hegazio

من خلال خبرتي المتواضعة لازم تحدد عاوز سوست تثبت و تنشف معاك فالغرز و الأمركة و الدخول عالمطبات
ولا عاوز سوست طرية و تنعم ركوبة هادية و مريحة
الاختيار صعب بس مختلفين تماما !!!

---

اكيد عايز سوست تحسن الاداء في الغرز والملفات لان العربية اصلا عفشتها ناعمة ومريحة

اقتباس:

---

المشاركة الأصلية كتبت بواسطة Ahmod

عند حماده غوزي سوست Apex ب 1400 جنيه وسوست حاجة كدة اسمها مريود مش عارف ده ايه بالظبط او ممكن انا سمعتها غلط المهم دي ب 1200 جنيه وقالي دي هولندي
سالت على ال Eibach بس للاسف مالقتهاش بس ممكن ادور عليها لو هي احسن والفرق يستاهل

هتنشف العفشة قد ايه مقارنة بغيرها
هتهبط العربية قد ايه
كذلك الفرق في الاداء

وياترى مثلا فرق ال 400 جنيه اللى مابين الكوني وال Apex فيه في المقابل فرق في الاداء يستاهل فرق الفلوس ؟؟؟

---

أكيد الـEibach أفضلهم، بس الصراحة أكثرهم نشوفية.. (عن تجارب لأصحابى فـ جولف5 و307.. معرفش عندك هيبقى أيه)؟؟!!!
بس المفروض التويوتا (كورولا وياريس) عربيات فعلا عفشتها ناعمة، يعنى لسه عندك Window أوسع للتعديل لدرجة ان يتقال عليها عفشة ناشفة..؟!!
(بالمقارنة بـ عربيات تانى، الجولف4 والبرافو عفشتهم أنشف كتير من الكورولا مثلا، المهم انت اتعودت على أيه)؟؟؟!!

آه.. فـ عربية بيمر 318 مفرقتش كتير فـ النشوفية عن الستوك؟؟!! كأنه نافخ الكاوتش زيادة سيكا؟!! :cool:

اقتباس:

---

المشاركة الأصلية كتبت بواسطة Ahmod

ياراجل !! انت متاكد ان الكوني احسن من ال Apex !!! ؟
ده ال Apex اغلى ببتاع 400 جنيه الى غير ان الكوني دلوقتي بقى صيني وبينشف العفشة بغباء !! ؟

---

هو الـKoni أحسن من الـApex فـ المساعدين والـKitــات الكاملة (الـCoilover)..
لكن أعتقد ان الـApex أحسن فـ السوست..؟؟!!!

- فيه برضه الـKW دى ألمانى وجاااااااااامدة جدا، بس صعب تلاقيها للياريس (ممكن حد يجيبهالك استيراد)، متوفرة أكثر للأوروبى.
- فيه ماركة اسمها KYB (دى يابانى) شفت كذا واحد مركبينها فـ مازدا3 وشارك.. بيشكروا فيها أوى..؟؟!!! :go:

Edit: بالنسبة للتوطية (التهبيط)؛
لازم تشوف المقاس اللى عـ الكيت.. 30/30 ولا 30/45 ولا أيه؟؟
الـ30/45 مثلا بتوطى العربية قدام 3 سم، وورا 4.5 سم.. وكده، مش هتلاقى أقل من كده (مالقيناش كيت توطى العربية 2 أو 2.5 سم فقط)؟؟!!!
رأيى: الياريس مش محتاجة أكثر من 2-3 سم توطية، وياريت طبعا توطى ورا أكثر.. بس بيبقى مزعج فـ التحميل والشنطة مليانة.. :dzey:
- خليك فـ كيت تكون 30/30، واليابانى بيضبط أكثر مع الـApex عن الـEibach
(معظم اللى شفتهم مغيرين عفشة فـ الأوروبى بيركبوا إيباخ وكونى، والعكس فـ اليابانى أبيكس وكده)..؟!!
معرفش عشان اللى بيركبوا يابانى مش بيستوعبوا نشوفية العفشة مع الـEibach، ولا بتوع الأوروبى بيتعاملوا مع نشوفية العفشة عادى؟؟؟!!
(تعود ونسبية يعنى).. :grin28:

بالتوفيق يا باشا isA،

اقتباس:

---

المشاركة الأصلية كتبت بواسطة formulator

أكيد الـEibach أفضلهم، بس الصراحة أكثرهم نشوفية.. (عن تجارب لأصحابى فـ جولف5 و307.. معرفش عندك هيبقى أيه)؟؟!!!
بس المفروض التويوتا (كورولا وياريس) عربيات فعلا عفشتها ناعمة، يعنى لسه عندك Window أوسع للتعديل لدرجة ان يتقال عليها عفشة ناشفة..؟!!
(بالمقارنة بـ عربيات تانى، الجولف4 والبرافو عفشتهم أنشف كتير من الكورولا مثلا، المهم انت اتعودت على أيه)؟؟؟!!

آه.. فـ عربية بيمر 318 مفرقتش كتير فـ النشوفية عن الستوك؟؟!! كأنه نافخ الكاوتش زيادة سيكا؟!! :cool:

والله يا دكتور هي العربية فعلا عفشتها ناعمة جدا بس للاسف من بعد ماركبت جنط 16 مع كاوتش 195/50 !! العربية نشفت جامد ومابقاش ينفع يتقال عليها ناعمة

حتى اي حد بيركب معايا بيلاحظ الموضوع ده !! فانا مش عايزها تنشف زيادة عن كدة لان اعتقد سعتها هتبقى متعبة ومش مريحة في الركوب خالص

هو الـKoni أحسن من الـApex فـ المساعدين والـKitــات الكاملة (الـCoilover)..
لكن أعتقد ان الـApex أحسن فـ السوست..؟؟!!!

- فيه برضه الـKW دى ألمانى وجاااااااااامدة جدا، بس صعب تلاقيها للياريس (ممكن حد يجيبهالك استيراد)، متوفرة أكثر للأوروبى.
- فيه ماركة اسمها KYB (دى يابانى) شفت كذا واحد مركبينها فـ مازدا3 وشارك.. بيشكروا فيها أوى..؟؟!!! :go:

Edit: بالنسبة للتوطية (التهبيط)؛
لازم تشوف المقاس اللى عـ الكيت.. 30/30 ولا 30/45 ولا أيه؟؟
الـ30/45 مثلا بتوطى العربية قدام 3 سم، وورا 4.5 سم.. وكده، مش هتلاقى أقل من كده (مالقيناش كيت توطى العربية 2 أو 2.5 سم فقط)؟؟!!!
رأيى: الياريس مش محتاجة أكثر من 2-3 سم توطية، وياريت طبعا توطى ورا أكثر.. بس بيبقى مزعج فـ التحميل والشنطة مليانة.. :dzey:
- خليك فـ كيت تكون 30/30، واليابانى بيضبط أكثر مع الـApex عن الـEibach
(معظم اللى شفتهم مغيرين عفشة فـ الأوروبى بيركبوا إيباخ وكونى، والعكس فـ اليابانى أبيكس وكده)..؟!!
معرفش عشان اللى بيركبوا يابانى مش بيستوعبوا نشوفية العفشة مع الـEibach، ولا بتوع الأوروبى بيتعاملوا مع نشوفية العفشة عادى؟؟؟!!
(تعود ونسبية يعنى).. :grin28:

بالتوفيق يا باشا isA،

---

هو حسب ماسالت الكوني هتنزل العربية 3.5 cm

الايبكس لقيت في المانويل بتاعها بتنزل 3 او 3.5 cm مش متذكر اوي

الايباخ مش عارف بتنزل قد ايه !!

هو انا مش خايف اوي من موضوع التهبيط لان العربية عالية بغباء !!

عايز اقولك يا دكتور انا بدخل ايدي فوق العجل وبفردها شبر كامل وبرضوا مش بلمس الكارتيرات !! ؟ تخيل ان المسافة مابين العجل والكراتيرات عندي تقريبا حوالي شبرين ؟؟؟؟ انا عارف انك مش هتصدق بس فعلا هي عالية كدة لدرجة اني في المقابلة اللى فاتت في ناس كانت فاكرة اني مركب عاليات !! مش مصدقين ان العربية نازلة بالارتفاع ده استوك !!!!

وعلى حسب ماسمعت برضوا ان السوست الاسبور بتحافظ على نفس ارتفاع العربية حتى مع الحمولة يعني مش هتهبط زيادة مع الحمولة

------

بس حضرتك متاكد ان الايباخ اكتر واحدة فيهم بتنشف العفشة ؟؟ ده انا سمعت انها الافضل من حيث الاداء والاقل نشوفية !!

وياترى الفرق مابينها ومابين الايبكس في الاداء كبير ؟؟ لان انا قدامي الايبكس دلوقتي وعاملة 1400 وممكن اخلص فيها

وهي الايبكس صناعتها ايه ؟؟

متابع
خصوصاً ان عربيتي اعلى عربية في الدنيا كلها
بروتون واجا
على الاقل عايز اوطيها 5 سم عشان احس بفرق :))
وكمان كنت عايز اعرف عناوين حمادة غزي في القاهرة

اقتباس:

---

المشاركة الأصلية كتبت بواسطة Ahmod

ياراجل !! انت متاكد ان الكوني احسن من ال Apex !!! ؟

ده ال Apex اغلى ببتاع 400 جنيه الى غير ان الكوني دلوقتي بقى صيني وبينشف العفشة بغباء !! ؟

---

حاقولك على حاجة
مش بالسعر :W_030:

و كمان مش لازم توطى اكتر من 3.5 سم سواء ورا او قدام علشان حاجتين
المساعدين حاتضرب بدرى بدرى
مش حاتستحمل النشوفية لانك مش متعود عليها

بالنسبة للكونى هى وسط بين الeibach &apex
بالنسبة للنشوفية و التهبيط
انا مركبها من زمان و ماكانتش صينى

عثمان هتلاقي الي عنده مش إيبخ بجد ولو بجد هتاقي سعره نار
هبعتلك صور العلبه الي جاتلي فيها الحاجة عشان تقارن
وapex أحسن من الكوني حاليا لو موديل قديم الكوني أحسن
الإيباخ في منها 35مم وفيه 45 أو 50 وبعد كده بقى كويلات ودي أسعارها وهميه

اقتباس:

---

المشاركة الأصلية كتبت بواسطة eng f3lix

متابع
خصوصاً ان عربيتي اعلى عربية في الدنيا كلها
بروتون واجا
على الاقل عايز اوطيها 5 سم عشان احس بفرق :))
وكمان كنت عايز اعرف عناوين حمادة غزي في القاهرة

---

حماده غزي في مدينة نصر في شارع النصر

اول ماتعدي طيبة مول هتلاقي صيدلية البرلسي على يمينك هو في الشارع اللى الصيدلية على نصيته ادخل جوة كدة هتلاقي المحل

اقتباس:

---

المشاركة الأصلية كتبت بواسطة Ghamrawy

حاقولك على حاجة
مش بالسعر :W_030:

و كمان مش لازم توطى اكتر من 3.5 سم سواء ورا او قدام علشان حاجتين
المساعدين حاتضرب بدرى بدرى
مش حاتستحمل النشوفية لانك مش متعود عليها

بالنسبة للكونى هى وسط بين الeibach &apex
بالنسبة للنشوفية و التهبيط
انا مركبها من زمان و ماكانتش صينى

---

هو عموما انا لو السوست هتوطي اكتر من 3.5 cm مش هركبها

بس السؤال : هل المساعدين تضرب بدري بدري لو وطيت اكتر من 3.5cm ولا حتى لو موطي مثلا 3 او 3.5 فقط برضوا هتضرب بدري بدري ؟؟

اقتباس:

---

المشاركة الأصلية كتبت بواسطة yoko

عثمان هتلاقي الي عنده مش إيبخ بجد ولو بجد هتاقي سعره نار
هبعتلك صور العلبه الي جاتلي فيها الحاجة عشان تقارن
وapex أحسن من الكوني حاليا لو موديل قديم الكوني أحسن
الإيباخ في منها 35مم وفيه 45 أو 50 وبعد كده بقى كويلات ودي أسعارها وهميه

---

يعني ايه مش ايبخ بجد ؟؟ يعني مضروبة مثلا ؟

وبرضوا السؤال ال apex تفرق كتير عن الايبخ في الاداء ؟ وانهي بتنشف اكتر ؟

يعني الفرق يستاهل اني ادور على الايبخ الاوريجنال لحد مالاقيها ولا اتوكل على الله واجيب ال Apex !! ؟ ولا اشوف الموريود ؟

إيبخ قارنتها بكوني إيبخ أحسن بمراحل كجوده ركوب وخامات
والفكره مش مضروب ولا لأ بس بلاش عثمان لن ناس كتير إتنصب عليهم منه (على كلامهم)

اقتباس:

---

المشاركة الأصلية كتبت بواسطة yoko

عثمان هتلاقي الي عنده مش إيبخ بجد ولو بجد هتاقي سعره نار
هبعتلك صور العلبه الي جاتلي فيها الحاجة عشان تقارن
وapex أحسن من الكوني حاليا لو موديل قديم الكوني أحسن
الإيباخ في منها 35مم وفيه 45 أو 50 وبعد كده بقى كويلات ودي أسعارها وهميه

---

الكويلات دى كتات كفره .. بتوع السيفيا عند tps بيدوا من 5000 جنيه
ولو هاجبهم 6000 جنيه مش غير شحن ولا اى نيله .. :d

غزالي فين محل tps???

فى الحرفيين فى الشارع اللى فى ضهر الثلاثى بتاع الزجاج... بس الثلاثى اللى ناحية مدينة السلام مش شارع جمال عبد الناصر

MMamdouh

اقتباس:

---

المشاركة الأصلية كتبت بواسطة الغزالى

الكويلات دى كتات كفره .. بتوع السيفيا عند tps بيدوا من 5000 جنيه
ولو هاجبهم 6000 جنيه مش غير شحن ولا اى نيله .. :d

---

ههههههههههههههههههههه
سألت عليهم لعربيتي عملو 7400 بالتركيب والشحن

انا عايز حد يقولي ايه الكتات دي سوست بس ولا سوست وطاحات ومساعدين

وعايز اعرف هل كل العفشات ناشفه الرياضيه طبعا لاني اسمع الكوني ده لل دراج ريس عشان كده بيتنطط جامد في شوارعنا المحروسه

انما هل في فعلا عفشات رياضيه مريحه مش ناشقه وفي نفس الوقت ثابته

مستنى اجابة على سؤال حماده, و مبروك الصنى يا معلم.

اقتباس:

---

المشاركة الأصلية كتبت بواسطة حماده المصري

انا عايز حد يقولي ايه الكتات دي سوست بس ولا سوست وطاحات ومساعدين

وعايز اعرف هل كل العفشات ناشفه الرياضيه طبعا لاني اسمع الكوني ده لل دراج ريس عشان كده بيتنطط جامد في شوارعنا المحروسه

انما هل في فعلا عفشات رياضيه مريحه مش ناشقه وفي نفس الوقت ثابته

---

فيه وفيه يعني أنا جايب سوست بس
لكن الكويلات بتبقى سوسته ومساعد وممكن تتحكم في الإرتفاع وفي النشوفيه
ومفيش رياضيه وناعمه لازم هتكون أنشف من الأصليه بتوع العربيه ولازم سنه تنطيط لو مش مع مساعد سبور