الموضوع: حد يعرفني الفرق من اهل الخبرة

المشاركة الأصلية كتبت بواسطة tananybasha

هو حسن سرى اللى معاه واحده
هاشوف تليفونه و اخليه يخش يرد عليك

طنانى باشا و الله واحشنى جدا و المنتدى واحشنى جدا

متخفش مش محتاج تلف عليا انا موجود اه
انا عارق انى مختفى من فتره بس ده لظروف عندى بس والله بخش من فتره للتانية اشوف لو حد محتاج حاجة وأقدر اساعده بيها بس بصراحة الناس هنا بلقيها عملت الواجب و زيادة

بس مصدقتش انى لحقت موضوع محدش لسه محدش كتب فيه اى حاجة عشان الحق ارغى فيه براحتى

عموما loveman_88 انا بجد بحب العربية ديه جدا جدا و بجد انا بكون مبسوط و انا سايقها قوى بكون مستمتع جدا و هرد على أسئلتك زى النقط اللى انت كتبها

1- الأنجوى هيا أعلى فئة فى الأسترا و بصراحة العربية ديه متتركبش غير فى الفئة ديه عشان تستمتع بيهاو اسنتيا هيا الفئة اللى أقل منها و على ما أتذكر الفرق مبينهم ان الاسنتيا مكنش فيه المالتى فنكشن كى ولا شاشة عرض البيانات و مكنشتش بجنوط بصراحة انا مش فاكر قوى فبلاش افتى فى ديه .

2- الألمانى غالى بس قطع غيار الأوبل أرخص الألمانى ديه اول حاجة و معمره و بعدين لما تيجى تشترى دور على عربية حالتها كويسه انا عربيتى لحد دلوقتى مفتحتش بقها و الحمد لله و ماشى بيها لحد دلوقتى 102500 كم و كل اللى بعمله الصيانات العادية , بس مش هنكر لو قلتلك ان قطع غيارها اغلى من الكورى و اليابانى بس بجد ركوبه
اه فيها قطع غيار غاليه و فيها قطع غيار رخيصه أو معقوله
ممكن ابقى أقولك على أسعار الحاجات اللى عملتها فيه بس معلش مره تانيه عشان هحتاج اجيب الأجنده بتاعتى من العربية اللى بكتب فبها أسعار الحاجة .
و بصراحة أكتر واحد اتعاملت معاه فى عربيتى و بيفهم هوه محمد و احمد عبد الراضى فى صقر قريش بيفهموا جدا و مصنعيتهم معقولة و بمريحين جدا فى التعامل يعنى اخر مره روحتلوا عشان يغيرلى التيل اللى ورا مرضاش قالى امشى عليه 10000 كم كمان مع انى هشترى من عنده قطعت الغيار و هيكسب فيها و يحاسبنى على مصنعية بس مش بيرضى طالما الحاجة مش مستاهله هوه بس مشكلته الوحيدة ان بيغلى شوية فى قطع الغيار اللى عندوا فانت بس تكون سألت فى اى حته عشان تكون عارف سعرها كام عشان ممكن تفاصل معاه شوية .


3- عربية عائلية هممممممممم مظنش ممكن عيله صغيره , بص هيا العربية مش واسعه يعنى انا لو مرجع الكرسى بتاعى للأخر اللى هيعد ورايا مش بيكزن مستريح و شنتطها مش كبيره قوى بس هيا لو على أقد انت و مراتك مثلا و بيبى صغير عادى ممش هتكون مضايق عموما جرب اركبها انت و احكم ععلى الوسع بتاعها

بص ركوبت العربية ديه مزاج فيه ناس تقولك انا عايز اى عربية و السلام اخلص بيها مشاويرى و خلاص على قد كده مش مستنى حاجة من العربية اكتر من كده و لو ديه دماغك يبقى ابعد عن العربية ديه
طبعا لو عربية زيرو إحتمالية مصاريفها هتكون أقل
بس أعمل حسابك برضه ان العربيات ديه هيكون تعاملك مع التوكيل بس فهتدفع برضه فلوس مش قليله
بس اكيد الأسترا من حيث الأمكانيات احسن من الرينو و الساجا

4- طبعا 2007 احسن من 2008 عشان منصور الحرامى شال حجات كتير من 2008 و باع العربية بنفس السعر
الحاجات اللى موجوده فى 2007 و مش موجوده فى 2008
التكيف فيه تكه اوتوماتيك شالها من 2008
الجنوط 16 و جامده جدا فى 2007 اما 2008 فجنوط زباله 15
الفرامل اللى ورا سكاكين فى 2007
الطنابير فى 2007 خمس اخرام , 2008 4 اخرام
فيه شوية سنسورز متشاله فى 2008 زى لما ماية المساحات تخلص يطلعلك رساله تقولك
الفرش بتاع 2007 اجمد بيكون لونين و شكلوا صايع
ده اللى فكروا دلوقتى بس اجمالا العربية هايله

و سعر العربية فعلا نزل انا بشوف ناس بتبعها ب 75 الف و بصرحه انا اتصدمت لما عرفت كده و مش عارف ليه الناس مموته سوق العربيه ديه كده ليه بجد بلد غريبه


اهم حاجة من ده كله ان تجرب تسوق العربية و تجرب بذات سواقت الايزى ترونيك عشان مش اى حد بيعجب بسوقته

و يا رب اكون افدتك و شوف لو عايز حاجة تانية هتلاقينى معاك