بعيدا عن موضوع التسارع فقط انا حبيت اناقش كام نقطة وجدتها فى الموضوع اذا سمحتولى انى اوضحهم اولا اظن الكفة الراجحة والفيصل هو السعر المقدم بية كل سيارة من دول لو حابين السيراتو تبقى زى الهوندا يبقى زود سعر السيارة 138.000 زودها 38.000 ومؤكد انها حتكون افضل
ثانيا : لا ننسى ان لكل سيارة فئة سعرية وتوكيل بينزل كماليات على مزاجة لاكن لو السيارات فى مصر بتنزل زى الخارج حيكون الوضع مختلف كتقييم ل : Reliability -Safety- Interior -Performance- Exterior
*نجد الترتيب كالاتى
2012 Hyundai Elantra
2012 Ford Focus
2012 Mazda3
2012 Kia Cerato
2012 Honda Civic
2012 Volkswagen Jetta
ودة المفروض التكون محددات للشراء لكل شخص مقبل على شراء سيارة جديدة بس للاسف فى مصر صعب :oops2:
ثالثا : تسارع السيارة ممكن يكون فى نسبة بتشترى علشانة واخرى بتحتاج الامان او الشكل والكماليات كل فرد لية اعتبارات شخصية بيرجح كفة السيارة البيشتريها
انما الشراء فى مصر بيكون على حسب عدة اسباب بعكس الذكرتها فى الاعلى وهى اولهم السعر واخرهم الامان ودة سياسة تسويقية الكل يعتبر مبياخدش بالدفعة ! فالعاوز سيارة امكانياتها تسارع وفرامل قوية عندة بسعر عالى وفى بنفس السعر واقل وبتقضى نفس الغرض بصورة اقل بشكل نسبى
رابعا واخيرا : موضوع الاعتمادية ان الكورى مش اد كدة كل السيارات بتدخل اختبارات لقياس مدى الاعتمادية والامان ودة متاحة للكل ممكن يطلع عليها وحنلاقى ان مفيش فرق كبير بين درجات التقييم بين السيارات المذكورة وهكذا هى دة الحال الطبيعى لكل الشركات المهم انت محتاج من السيارة اية وتقدر تدفع كام
مفيش شركة بتقف عند حد معين الكل بيطور من نفسة ليصل للافضل ومينفعش نغفل ان السيارات دة بتطور مع تطور باقى الشركات الاخرى مبتقفش عند حد معين عقبال مصر : )
طبعا كل واحد ولية حرية الراى وقناعة الشخصية بس دة حاجة انا شايفها على الواقع ومقتنع بيها .