عاجباني اوي حكاية الموتسكل ده يمكن يسهل علي احسن من العربيه

السلام عليكم اخواني في المنتدي
http://www.nilemotors.net/Nile/image...i_3%5B1%5D.gif
اولا انا لا افقه شئ عن الموتسكلات بس عاجبني اوي حتة

اني اركب موتسكل ريس يمكن علشان شكله:scooter: وبعد ما

جبت العربيه واللي بشوفه طبعا في شوارع قاهرة المعز http://www.nilemotors.net/Nile/image...653%5B1%5D.gif

وانا بالعربيه فقررت انضم الي عائلتكم الكريمه بس فيه

مشكله انا مابعرفش اسوق هههههههههه بس جازفت

واتصلت باتامركو محل موتسكلات وسألته عن اللي عنده

قالي اقل حاجه عنده هوندا 954 موديل سنة 2003 وسعره 45000
جنيه وده استعمال الخارج حتي قالي تعالي اتفرج علي

الطبيعه وطبعا لاني من عين شمس فقررت اني اروح

واشوف يمكن يكون عنده حاجه كويسه مع اني بردو مابفهمش فيهم :shyy:

محتاج مساعدتكم في سؤال كده بحكم خبرتكم

*انا طولي 187سم علي فكره بلعب كره طايره

هههههههههههه ووزني حوالي 92 ك فهل ده هايعوق اني

اركب ريس والا الحجم ده عادي في مكن يناسبني وماحدش يتريق لو سمحت هههههههه http://www.nilemotors.net/Nile/image...7_7%5B1%5D.gifولو فيه حاجه تناسبني هاتكون ايه يعني من حيث سعة الموتور والسعر وكده انا مش هاقولكم لاني للأسف ماعرفش حاجه خالص :dzey::untitled:
واسف اني طولت عليكم اخواني الكرام وشكرا ليكم:top_posters:

يا فندم اولا يشرفنا انضمامك لاسرة القسم
ثانيا
فعلا هو منظر واستايل وحجات كتيرة جدا ولا زحمه ولا كل دا
بس الاهم ان حضرتك تكون حابه

ثالثا بقي حكاية التعليم ان شاء الله متشيلش همها انوي بس حضرتك واحنا واحدة واحدة مع بعض وان شاء الله هيكون سهل
المهم التوازن عدم التسرع وناخد خلفيه الاول قبل مانخش علي العملي

رابعا بقي حكاية الطول وكل الكلام دا عادي في بيكات كبيرة زي التسعميات
وانا برح ال919 من ناحية كل حاجة
ثالثا هيا هتبقي مشكلة في الاول خصوصا حضرتك مش بتسوق بيكات
لانها غبيه وغشيمة فممكن نعمل حاجة حضرتك تتعلم علي مكنة صيني او ريس 400 ولما حضرتك تتمكن نخش علي المكن الكبير

واي استفسار تاني كلنا هنا اخوات يا فندم
ويسرنا انضمامك لينا

دي ال 919

http://www.nileup.com//uploads/images/s8d80343b0f.jpg

http://www.nileup.com//uploads/images/s11a134c4cb.jpg

ودا يا فندم سعره يترواح من 30 الي 34 حسب الحاله بتاعته
وطبعا لازم حد يكون ثقة يكشف عليه كويس

ودا بابعاد حضرتك لما حاطيناها
هيبقي حضرتك لما تركب البيك هيبقي الشكل قريب من دا قابل النقصان البسيط او الزيادة البسيطة
من الموقع الرائع من الموضوع الرائع بتاع العضو العزيز عمر
omar61995
ودا لينك الموضوع
http://www.nilemotors.net/Nile/288610-a.html

http://www.nileup.com//uploads/images/s9bd0064a93.jpg

http://www.nileup.com//uploads/images/s7c523d7d0f.jpg

أولاً : أهلاً بيك معانا فى عائلتنا الكريمة الصغيرة .

ثانياً : البداية ب954 مجازفة شوية هوا مش صعب بس مجازفة تمام .

ثالثاً: من نحية السواقة سهلة بس لازمن ولا بد تقعلك وقعتين حلوين فامش هاينفع تتعلم خالص على 954 هاتلاك حتة 250 أتعلم وى أعرف السواقة عاملة إزاى و شوف هل هاتقدر تتحمل البهايهم اللى بيسوقوا عربيات وى مبيشوفوش وى دول فى منهم كتيير وى بعدين أبقى هات اللى أنا عايزة.

رابعاً : بالنسبة للوزن وى الطول فدة عادى مهماً يكن مع إن ال250 هاتبقى كتكوت بالنسبة لك ما شاء الله فتتعلم وى ممكن أنا شايف أنك ممكن تجيب بقا بعد كدة حاجة كاستم بقا تقيلة أو مكنة عالية ريس وى أنا فى حالتاك أفضلك طبعاً الكستم فى الاستيل وى الشكل وى الصوت هايليق كولو مع بعض

خامساً : بالنسبة للسعة أحنا قولنا تتعلم على CBR 250 وى بعد كدة خش فى كستم زى Honda VTX 1300 او Honda Shadow 750 أو Suzuki Boliverd 1800 \1300 ....وى لو رايس شوف ممكن ال945 أو بتمنة هات Honda CBR 1000 2006

وتقل تحياتى فى الاخر .................................. عبدالرحمن الحاكم

اهلا بيك معانا ونورت القسم انا ارشحلك حاجة 600 سى سى افضل

اقتباس:

---

المشاركة الأصلية كتبت بواسطة bido600

يا فندم اولا يشرفنا انضمامك لاسرة القسم
ثانيا
فعلا هو منظر واستايل وحجات كتيرة جدا ولا زحمه ولا كل دا
بس الاهم ان حضرتك تكون حابه

ثالثا بقي حكاية التعليم ان شاء الله متشيلش همها انوي بس حضرتك واحنا واحدة واحدة مع بعض وان شاء الله هيكون سهل
المهم التوازن عدم التسرع وناخد خلفيه الاول قبل مانخش علي العملي

رابعا بقي حكاية الطول وكل الكلام دا عادي في بيكات كبيرة زي التسعميات
وانا برح ال919 من ناحية كل حاجة
ثالثا هيا هتبقي مشكلة في الاول خصوصا حضرتك مش بتسوق بيكات
لانها غبيه وغشيمة فممكن نعمل حاجة حضرتك تتعلم علي مكنة صيني او ريس 400 ولما حضرتك تتمكن نخش علي المكن الكبير

واي استفسار تاني كلنا هنا اخوات يا فندم
ويسرنا انضمامك لينا

---

انا متشكر جدا علي سرعة الرد يا بيدو باشا وبالفعل انا شغال في اني اخد خلفيه والفضل يرجع ليكم اسرة قسم الدراجات البخاريه بعد ربنا طبعا وانشاء الله انا نويت والحمد لله بس اصلي مسافر خارج القاهره وراجع الاربعاء القادم وكلمت واحد صاحبي كان عنده زمان موتسكل هوندا صغير كده بس باعه وجاب عربيه قالي لما ترجع هاعلمك الموضوع بسيط وعلي فكره انا ماكونتش متوقع الرد السريع ده منكم:Bravo: بس بجد ربنا يكرمكم ويستر طريقكم شكرا ليك مره اخري اخي الكريم بيدو

اقتباس:

---

المشاركة الأصلية كتبت بواسطة me5222222

انا متشكر جدا علي سرعة الرد يا بيدو باشا وبالفعل انا شغال في اني اخد خلفيه والفضل يرجع ليكم اسرة قسم الدراجات البخاريه بعد ربنا طبعا وإن شاء الله انا نويت والحمد لله بس اصلي مسافر خارج القاهره وراجع الاربعاء القادم وكلمت واحد صاحبي كان عنده زمان موتسكل هوندا صغير كده بس باعه وجاب عربيه قالي لما ترجع هاعلمك الموضوع بسيط وعلي فكره انا ماكونتش متوقع الرد السريع ده منكم:bravo: بس بجد ربنا يكرمكم ويستر طريقكم شكرا ليك مره اخري اخي الكريم بيدو

---

نايل بايكرز سرعة في الاداء دقة في التنفيذ :p

يا فندم انا اللي يشرفني اني اكون اول واحد يرد علي حضرتك ومتقلقش خالص من حكاية البيك دي
انت بس حضرتك انوي وكلنا معاك وانا شخصيا هتابع حضرتك و لو في اي حاجة
وصدقني السواقة اسهل مما تتخيل بس عاوزة شوية ممارسة عشان تتعود
وحضرتك تروح وترجع بالسلامة
واي استفسار تاني انا في الخدمة

شكرا ليك اخي الكريم عبد الرحمن وعلي فكره انا عارف اني هاقع مرتين تلاته لحد ما اتعلم وبعدين انا مش غاوي اجري حتي بالعربيه مابجريش بس لقيت ان البيك ممكن ينجز معايه خصوصا اني بتمرن في طره وبنام في المترو طبعا لان المسافه من عين شمس لطره كبيره ومره روحت بالعربيه الكابتن قالي كلام كتير جدا بسبب التأخير ساعه كامله ههههههههه وحضرتك عارف بأه الاتوستراد والدائري حاجه تشرح القلب هههههههههه
اما بالنسبه لموضوع التعليم فقررت اتعلم وفيه صديق هايعلمني انشاء الله
وشكرا ليك مره اخري اخي عبدالرحمنhttp://www.nilemotors.net/Nile/image...um1%5B1%5D.gif

اقتباس:

---

المشاركة الأصلية كتبت بواسطة m3_dolphen

اهلا بيك معانا ونورت القسم انا ارشحلك حاجة 600 سى سى افضل

---

اشكرك اخي الكريم ويا رب اتعلم بسرعه وانضم ليكم بسرعه احسن انا هاتجنن بسبب الزحمه ومش عارف اتحرك بسهوله بالعربيه

اقتباس:

---

المشاركة الأصلية كتبت بواسطة bido600

نايل بايكرز سرعة في الاداء دقة في التنفيذ :p

يا فندم انا اللي يشرفني اني اكون اول واحد يرد علي حضرتك ومتقلقش خالص من حكاية البيك دي
انت بس حضرتك انوي وكلنا معاك وانا شخصيا هتابع حضرتك و لو في اي حاجة
وصدقني السواقة اسهل مما تتخيل بس عاوزة شوية ممارسة عشان تتعود
وحضرتك تروح وترجع بالسلامة
واي استفسار تاني انا في الخدمة

---

متشكر لذوقق يا بيدو بيك ده شرف ليا انا اني انضم ليكم اسره البايك
والله انا كمان بيعجبني شكلها جدا والصور اللي ضيفتها حضرتك جميله جدا ده انا مره وانا علي المحور شوفت واحد راكب حاجه كده زي الهارلي ولابس جاكيت جلد ونظاره زي بتاعة ارنولد شوار زينجرههههههه فا بصيت عليه وضحكت بتلقائيه لان شكله عاجبني لقيته جه جانبي وعمل انه بيتسابق معايه بيسخني يعني طبعا هو شد ما شوفتوش تاني ههههههه ممكن يكون اعتقد اني عايز اسابقه هههههههههه بس شكله كان حلو

كنت هموت وأجيب ريس بس خفت على نفسي أو بمعنى أصح الدنيا كلها عارضتني وخوفتني لحد مافي مرة كنت في صيانة بورش وطلعت الشو روم اتفرج لقيتهم عارضين حتة فيسبا وهمية هم لسة واخدين توكيلها صناعة ايطالي واسمها مش فاكره بس شكلها اقرب مايكون للريس حتى بيدخلوا بيها تراكات في أوروبا وشفتلها كذا فيديو في مسابقات وبتلات في اوروبا مواصفاتها 500 cc و على ماأفتكر 96 حصان فيها فرامل بريمبو امامي وخلفي وفتيس اوتوماتيك cvt وجهاز انذار وكاوتش رن فلات و شكلها وهمي لا تمت للفيسبا بصلة كأنها موتوسيكل ريس . سعرها 36 ألف وضمان سنتين مفتوح بفكر جديا أجيب واحدة إيه رايكم ؟

اقتباس:

---

المشاركة الأصلية كتبت بواسطة evo

كنت هموت وأجيب ريس بس خفت على نفسي أو بمعنى أصح الدنيا كلها عارضتني وخوفتني لحد مافي مرة كنت في صيانة بورش وطلعت الشو روم اتفرج لقيتهم عارضين حتة فيسبا وهمية هم لسة واخدين توكيلها صناعة ايطالي واسمها مش فاكره بس شكلها اقرب مايكون للريس حتى بيدخلوا بيها تراكات في أوروبا وشفتلها كذا فيديو في مسابقات وبتلات في اوروبا مواصفاتها 500 cc و على ماأفتكر 96 حصان فيها فرامل بريمبو امامي وخلفي وفتيس اوتوماتيك cvt وجهاز انذار وكاوتش رن فلات و شكلها وهمي لا تمت للفيسبا بصلة كأنها موتوسيكل ريس . سعرها 36 ألف وضمان سنتين مفتوح بفكر جديا أجيب واحدة إيه رايكم ؟

---

أعتقد أن حضرتك تقصد فئة السوبر سكوتر
هذه الفئة حاليا تلاقي رواج رهيب بين الناس في مصر و بره مصر كمان
في منها السوزوكي البرجمان 650 برضه ال400 و كذلك الهوندا السلفروينج و الياماها الماجيستي
الأسعار للمستعمل أستعمال الخارج ممكن يبدأ من أول 15 ألف جنيه(ياماها ماجيستي 250 ) و حتي ممكن 30 ألف جنيه (سوزوكي برجمان 650 cvt )
و برضه فيه الصيني من أول 6 ألاف جنيه (و ممكن أقل كمان) و حتي 15 ألف للصيني الأنواع الممتازة
الأنواع الأيطالي تمتاز بالشكل و التصميم الجمالي الرائع و برضه الأداء القوي بس فيه ملاحظتين أول حاجة الأيطالي سعره عالي موت و الثاني توافر قطع الغيار (أقصد خارج التوكيل)
بالسعر أللي حضرتك قولته (36 ألف جنيه) أعتقد أن ده تصميم أيطالي و تقفيل صيني لأن لو التقفيل كمان أيطالي السعر حيكون أعلي من كده بكتير جدا

ياريت لو معلومات أكتر عن هذا الموديل و لو شوية صور يبقي كتر خيرك

اقتباس:

---

المشاركة الأصلية كتبت بواسطة me5222222

السلام عليكم اخواني في المنتدي

http://www.nilemotors.net/nile/image...i_3%5b1%5d.gif
اولا انا لا افقه شئ عن الموتسكلات بس عاجبني اوي حتة

اني اركب موتسكل ريس يمكن علشان شكله:scooter: وبعد ما

جبت العربيه واللي بشوفه طبعا في شوارع قاهرة المعز http://www.nilemotors.net/nile/image...653%5b1%5d.gif

وانا بالعربيه فقررت انضم الي عائلتكم الكريمه بس فيه

مشكله انا مابعرفش اسوق هههههههههه بس جازفت

واتصلت باتامركو محل موتسكلات وسألته عن اللي عنده

قالي اقل حاجه عنده هوندا 954 موديل سنة 2003 وسعره 45000
جنيه وده استعمال الخارج حتي قالي تعالي اتفرج علي

الطبيعه وطبعا لاني من عين شمس فقررت اني اروح

واشوف يمكن يكون عنده حاجه كويسه مع اني بردو مابفهمش فيهم :shyy:

محتاج مساعدتكم في سؤال كده بحكم خبرتكم

*انا طولي 187سم علي فكره بلعب كره طايره

هههههههههههه ووزني حوالي 92 ك فهل ده هايعوق اني

اركب ريس والا الحجم ده عادي في مكن يناسبني وماحدش يتريق لو سمحت هههههههه http://www.nilemotors.net/nile/image...7_7%5b1%5d.gifولو فيه حاجه تناسبني هاتكون ايه يعني من حيث سعة الموتور والسعر وكده انا مش هاقولكم لاني للأسف ماعرفش حاجه خالص :dzey::untitled:

واسف اني طولت عليكم اخواني الكرام وشكرا ليكم:top_posters:

---

مبروك مقدما

بس خد بالك في مصر برده لا غني عن السيارة
الموتوسيكل أعتبره هواية أو حاجة كده للخروج بعد الظهر في الرواقان
أنما ركوب موتوسيكل في ساعات الذروة أعتقد أنه خطر شويتين لأن ما فيش أي أداب للقيادة في مصر و ما فيش أي ذوق أو أحترام نهائي
لدرجة أن الثقافة هي البقاء للأقوي يعني يبص عليك لو أنت راكب نقل (أو حاجة مؤذية) يبقي أوسع لك غصب عني و لو راكب سيارة ضعيفة يبقي يقفل عليك و تخيل بقي نفسك راكب البايك يبقي تأكد أنه حتي مش حايشوف سعادتك من أساسه ولو شافك حيعمل نفسه عبيط أو أعمي

لو لسه عندك نية لركوب البايك يبقي تبدأ بركوب حاجة صغيرة يعني 250 أو 400 بالكتير و بعد كده بفترة تركب 600 أو 750 و بعدها بسنين تبقي تفكر في 900 و ما فوق ذلك

اقتباس:

---

المشاركة الأصلية كتبت بواسطة evo

كنت هموت وأجيب ريس بس خفت على نفسي أو بمعنى أصح الدنيا كلها عارضتني وخوفتني لحد مافي مرة كنت في صيانة بورش وطلعت الشو روم اتفرج لقيتهم عارضين حتة فيسبا وهمية هم لسة واخدين توكيلها صناعة ايطالي واسمها مش فاكره بس شكلها اقرب مايكون للريس حتى بيدخلوا بيها تراكات في أوروبا وشفتلها كذا فيديو في مسابقات وبتلات في اوروبا مواصفاتها 500 cc و على ماأفتكر 96 حصان فيها فرامل بريمبو امامي وخلفي وفتيس اوتوماتيك cvt وجهاز انذار وكاوتش رن فلات و شكلها وهمي لا تمت للفيسبا بصلة كأنها موتوسيكل ريس . سعرها 36 ألف وضمان سنتين مفتوح بفكر جديا أجيب واحدة إيه رايكم ؟

---

ياريت معلومات أكتر و اسم الاسكوتر دة, و لو في صور

اهلا بيك معانا

اقتباس:

---

المشاركة الأصلية كتبت بواسطة karembob

اهلا بيك معانا

---

الله يخليك يا كيمو باشا انا علي فكره متابع غالبية مواضيعك واهو الواحد بيكتسب خبره بردو منكم وفي النهايه ليا الشرف اني اكون معاكو شكر ليك يا كيمو باشا مره تانيه

اقتباس:

---

المشاركة الأصلية كتبت بواسطة tito29

مبروك مقدما

بس خد بالك في مصر برده لا غني عن السيارة
الموتوسيكل أعتبره هواية أو حاجة كده للخروج بعد الظهر في الرواقان
أنما ركوب موتوسيكل في ساعات الذروة أعتقد أنه خطر شويتين لأن ما فيش أي أداب للقيادة في مصر و ما فيش أي ذوق أو أحترام نهائي
لدرجة أن الثقافة هي البقاء للأقوي يعني يبص عليك لو أنت راكب نقل (أو حاجة مؤذية) يبقي أوسع لك غصب عني و لو راكب سيارة ضعيفة يبقي يقفل عليك و تخيل بقي نفسك راكب البايك يبقي تأكد أنه حتي مش حايشوف سعادتك من أساسه ولو شافك حيعمل نفسه عبيط أو أعمي

لو لسه عندك نية لركوب البايك يبقي تبدأ بركوب حاجة صغيرة يعني 250 أو 400 بالكتير و بعد كده بفترة تركب 600 أو 750 و بعدها بسنين تبقي تفكر في 900 و ما فوق ذلك

---

شكرا علي النصيحه يا تيتو يا اخويا ههههههه انا مش عارف من غيركم كنت هاعمل ايه وبعدين مافكرتش اني الرد هيكون عليا سريع كده ربنا يكرمكم ويسترها معايه ومعاكم كلكم انا علي فكره عربيتي سيراتو 2011 والحمد لله مخبطه من كل حته بسبب الميكروباص والتكتوك وانا من اللي شوفته نويت انشاء الله علي البايك خلاص وبموساعدتكم ليه هيصبح انشاء الله سهل كمان

أنـــا بخبرتى المتواضعة أنتا اللى ينفع حالتك الكاستم مش الريس

اقتباس:

---

المشاركة الأصلية كتبت بواسطة mohssenrashed

ياريت معلومات أكتر و اسم الاسكوتر دة, و لو في صور

---

.:GILERA:.

اقتباس:

---

المشاركة الأصلية كتبت بواسطة evo

.:gilera:.

---

الف شكر ياباشا, متعرفش الاسعار كام؟؟؟؟

ساعتها كان موجود ال Nexus 500 وكان بـ 36 ألف

http://motors-bay.com/img/Gilera/gilera001.jpg

الف شكر ياباشا, و سعرة يعتبر كويس جدا كمان.