نصيحة بخصوص البونتو

**kiro24** · 29-05-2012 09:30 PM

المشاركة الأصلية كتبت بواسطة esam_comm

البونتو حاجتها متوفره بقالها 12 سنه نفس الشكل اللي اتغير الفوانيس الاماميه يكفي ان فيها 2 ايرباج وايموبليزر سيستم والتقفيل بتاعها ممتاز جدا مقارنه بالاخرين واميز شيء فيها معدل استهلاك البنزين اللي هايصيبك بالذهول لو اشترتها بصراحه موفره جداااااااا

أنا متشكر للرد و المعلومات بس هي قطع غيارها تقريبا غالية بالنسبة للباقي على حسب ما الناس بتقول مش كده ولا حضرتك ليك رأي تاني؟

**kiro24** · 29-05-2012 09:31 PM

المشاركة الأصلية كتبت بواسطة yoko

مفيش غير التوكيل (غاليين قوي وعكاكين شويه) وميكانيكيه بره (العربيه سهلة مش معقده زي باقي الفيات)
وقطع الغيار في وسط البلد (الكيلاني) شارع دمشق (الشيخ علي) أغلى من الكيلاني حاجة بسيطة الجيزة شارع العريش يوسف محمد يوسف

طيب هي الاسعار بتكون تقريبا كام
لو حضرتك أسعار بعض القطع ياريت

**kiro24** · 29-05-2012 09:38 PM

المشاركة الأصلية كتبت بواسطة foffos

البونتو كلاسيك عربية ممتازة عن خبرة سنة ونص مع العربية

استهلاكها فى البنزين ممتاز

عيوبها البسيطة - لا تعتبر عيوب وإنما ممكن تكون تقصير من الوكيل - وبالتالى هى ليست عيوب بالمعنى المجمل

بمعنى أن
البطارية مثلاً عمرها حوالى سنة فقط وتحتاج تغيير بعدها لأنها مياه وليست جافة
بدون كاسيت - ولكن نظام السماعات بتاعها جيد - أربع سماعات + 2 تويتر
2 زجاج كهرباء فقط

فى المقابل من مميزاتها
2 إير باج (زيادة فى الأمان)
تكييف ممتاز
سيتى باور (باور مضاعف بزرار خاص يمكن تشغيله وغلقه) للأماكن الضيقة والركنات
كرسى السائق يتحرك لأعلى وأسفل بالإضافة إلى عجلة القيادة يتم تعليتها وإنزالها

أى أنها فى المجمل سيارة جيدة جدًا (من وجهة نظرى المتواضعة - ربما أكون منحاز قليلاً)

لكن أكبر مشاكلها توكيلها

بالتوفيق إن شاء الله

بدون كاسيت!!!!!! موديل 2012 و بتنزل بدون كاسيت؟؟!! وبعدين دي سعرها 72000جنيه ازاي؟؟؟

**foffos** · 30-05-2012 02:39 PM

المشاركة الأصلية كتبت بواسطة kiro24

بدون كاسيت!!!!!! موديل 2012 و بتنزل بدون كاسيت؟؟!! وبعدين دي سعرها 72000جنيه ازاي؟؟؟

اللى هيدفعك 72000 فى العربية مش هتفرق لما تحط كاسيت jvc الموجود عندهم بـ 700 وهوا كاسيت جيد جدًا فيه سى دى وبيشتغل بفلاشه وفيه بلوتوث يوصل على الموابايل وفيه مايك مرفق بيه وبيشتغل كمان بكارت ميمورى.

**CryptonX** · 30-05-2012 02:56 PM

ارشح اللوجان او السانديرو ..

البونتو كلاسيك ... فعلا كلاسيك :) كفاية عليها كدة اوي ... و بقت تقفيل صربي و على فكرة قطع غيارها مش رخيصة اوي و التوكيل ازبل من الزبالة ..

اللوجان-سانديرو برده حتلاقي قطع الغيار مش رخيصة بس التوكيل كل الناس او معظم الناس بتشكر فيه و ضمان جيد و تقفيل للاسف (للاسف علشان انا بحب فيات مش اكثر) احسن من البونتو الصربي !!

الفرنا ميزتها الوحيدة في الاتنين دول - سعر اعادة بيع اعلى من البونتو و اللوجان و قطع غيار ارخص و محرك 1600 سي سي (اللوجان 1600 برده بس 8 صمام) بس انا لو مكانك ..

لو عايز مانوال .. سانديرو مانوال بثمن البونتو و احسن منها الصراحة .
لو عايز اوتوماتيك .. البونتو برة اللعبة اصلا ..
حيبقى عندك اللوجان الاوتماتيك ب 76 الف اعتقد . (الفرنا فيه منها اوتو بس مش فاكر ثمنها).

**kiro24** · 31-05-2012 03:28 PM

المشاركة الأصلية كتبت بواسطة cryptonx

ارشح اللوجان او السانديرو ..

البونتو كلاسيك ... فعلا كلاسيك :) كفاية عليها كدة اوي ... و بقت تقفيل صربي و على فكرة قطع غيارها مش رخيصة اوي و التوكيل ازبل من الزبالة ..

اللوجان-سانديرو برده حتلاقي قطع الغيار مش رخيصة بس التوكيل كل الناس او معظم الناس بتشكر فيه و ضمان جيد و تقفيل للاسف (للاسف علشان انا بحب فيات مش اكثر) احسن من البونتو الصربي !!

الفرنا ميزتها الوحيدة في الاتنين دول - سعر اعادة بيع اعلى من البونتو و اللوجان و قطع غيار ارخص و محرك 1600 سي سي (اللوجان 1600 برده بس 8 صمام) بس انا لو مكانك ..

لو عايز مانوال .. سانديرو مانوال بثمن البونتو و احسن منها الصراحة .
لو عايز اوتوماتيك .. البونتو برة اللعبة اصلا ..
حيبقى عندك اللوجان الاوتماتيك ب 76 الف اعتقد . (الفرنا فيه منها اوتو بس مش فاكر ثمنها).

أنا متشكر جدا على الرد الرائع ده. أنا فعلا بدأت استقر على الفيرنا عشان موضوع قطع الغيار و سعر اعادة البيع ده.

**hazememam14** · 31-05-2012 10:57 PM

المشاركة الأصلية كتبت بواسطة foffos

البونتو كلاسيك عربية ممتازة عن خبرة سنة ونص مع العربية

استهلاكها فى البنزين ممتاز

عيوبها البسيطة - لا تعتبر عيوب وإنما ممكن تكون تقصير من الوكيل - وبالتالى هى ليست عيوب بالمعنى المجمل

بمعنى أن
البطارية مثلاً عمرها حوالى سنة فقط وتحتاج تغيير بعدها لأنها مياه وليست جافة
بدون كاسيت - ولكن نظام السماعات بتاعها جيد - أربع سماعات + 2 تويتر
2 زجاج كهرباء فقط

فى المقابل من مميزاتها
2 إير باج (زيادة فى الأمان)
تكييف ممتاز
سيتى باور (باور مضاعف بزرار خاص يمكن تشغيله وغلقه) للأماكن الضيقة والركنات
كرسى السائق يتحرك لأعلى وأسفل بالإضافة إلى عجلة القيادة يتم تعليتها وإنزالها

أى أنها فى المجمل سيارة جيدة جدًا (من وجهة نظرى المتواضعة - ربما أكون منحاز قليلاً)

لكن أكبر مشاكلها توكيلها

بالتوفيق إن شاء الله

البونتو بطاريتها مياه مش جافة ؟؟!!! متأكد ؟؟؟ أفتكر انها جافة