حبيبي..ابقي تعالي علي طول كده
الفوكاس عربية وهم ومن أشد المعجبين بيها..بس مشكلتها هنا ثقافة المستهلك المصري
عرض للطباعة
هو طبعا موضوع الغرز والملفات مافيش كلام الفانتزيا تكتسح كل الكوري وحتى الياباني في النقطة دي
يمكن اللى هتعافر معاها في الملفات في العربيات الياباني هي السيفيك غير كدة مش هيعرف ياكل معاها عيش خصوصا لو اللى سايق الفانتزيا سواااق وقلبه ميت
مع اني بحس ان الفانتزيا اثبت من السيفيك
بس نقطة المواتير مع الفوليستار الارجح ان الفوليستار لسه بتلين والماتور مش متفتح كويس
لانها برضوا 138 حصان على عربية هاتشباك وصغيرة فصعب جدا الفانتزيا تعديها مواتير !!
ولو حضرتك عايز الحق انا شديت مع كذا فانتزيا قبل كدة وماحستش انها بالقوة اللى ممكن تتجاوز عربية زي الفوليستار !!
وبرضوا كنت حاطط عامل ان جايز السواق مش عارف يجري عربيته او العربية فيها مشكلة !!
بس واحد زميلي معاه لانوس 2011 شد مع زميلي تاني معاه جيتا 2010 dsg 7 نقلات على الدايري
(انا كنت راكب في الجيتا وشايفه جايب ال s وجايب اخر العربية )
اه الفانتزيا اقوى من الجيتا بس الجيتا ال dsg 7 نقلات اقوى من الفانتزيا و من ال 316 عشان ال dsg عامل شغل
زميلي ده تقريبا يكاد يكون ثبت بالانوس مع الجيتا من سرعة 100 ولحد 150 بعد كدة بدات الجيتا تطلع بفرق مش كبير
انا بعربيتي الياريس لما بشد مع زميلي اللى معاه الانوس ده اقل شئ فرق 4 عربيات بيني وبينه من 100 ل 160 !! ولو بدات معاه من سرعات قليلة الفرق بيكون كبير
انا مش بقول ان الفانتزيا ضعيفة بس كل عربية فيها مميزات وفيها عيوب
زي ماهي متفوقة جدا في الثبات والمناورة والملفات !! ماتورها يعتبر نوعا ما متوسط الاداء 102 حصان 8 صباب على وزن تقيل !! فصعب مقارنته بالعربيات الكوري اللى زي السيراتو والالنترا والفوليستار ... الخ
يمكن انت عربيتك فايقة ومتفتحة كويس وانت مهتم بيها عشان كدة اداءها عالي ماشاء الله ربنا يحفظهالك لكن
نظريا واللى بيحصل على اي طريق ان الماتور فعلا ضعيف خصوصا انه 8 صباب !!
مع اقتناعي واحترامي لصاحب الموضوع ليا كام تعليق صغنن
اولا الكوري بيحسبوا الهرس باور gross وده يعني قبل ما الماتور يتحط في العربية واميد بعد ما يتحط في العربية بيضعف لانه بيبقي عليه حمل وزن العربية فمثلا تلاقي الموتور قبل مايتحط في العربية بيدي ١٢٤ حصان وبعديها هتلاقيه بيدي ١٠٥-١١٢ في الرنج ده علي حسب نوع السيارة ووزنها وتصميم الايرو دينمك بتاعها
طبعا الياباني والالماني عكس كده خالص لانهم بيحسبو الهورس باور بال net hpوهو القوة الخارجة من المحرك بعد وضعه في السياره عشان كده تلاقي عربية ١٣٠٠ يباني تجري مع ١٥٠٠ كوري وممكن كمان ١٦٠٠
نيجي للنقطة التانية محدش يقدر يختلف ان الفانتازيا عربية برستيج وفخمة وكماليات انما بتاعت شد سوري ومن واقع تجربتي للي بيقول مفيش عربية ياباني تقدر تجري معاها والسيفك تعافر معاها باشا اقسم بالله السيفك بتجيب ال ٢٣٠ بسهوله والفانتازيا لو عملت البدع ووقفت علي الدواسة عمرها مهتعدي ال١٩٠ وبسمع كمان ان فيها محدد الكتروني للسرعة عند ال١٨٠ ياباشا السيفك دي مش عربية دي طيارة سوقها وقول رايك متظلمهاش. بدون انك تسقها السيفيك كفيلة انها تعلم علي اتخن عربية لحد ال١٨٠٠ سي سي معادا المكن المتربن علي حسب ظرفوه والكلام ده رهان
اما بقي الجزئ التاني انا معايا مازدا ٣ وجريت مرتين مع فانتازيا اول مره علي الصحراوي بتاع العبور وكنت ماشي علي ال١٧٠ وهو خمس دقائق ورايا بمسافة محترمة وعمال يقلب نور ومش عارف يعدي
تاني مره الاسبوع اللي قات علي الصحراوي بتاع بلبيس العاشر ماشي علي ١٣٠ لقيت فانتازيا جايه ورايا طايره الطريق الي كنت ماشي فيه كانت حارتي اسلك حارة فجيه ورايا وهدي وكلكس كانت سرعتي ساعتها ١٢٠ امت كيك داون عربيتي ادت تاني وهو عمال يبعد ويموت تفسه في الغرز هو كان ماسك شمال وانا يمين واقسم بالله يجي مسافة سبعة كيلو ومش عارف يجيبني وعينك ماتشوف الا النور وكانت سرعتي ١٧٠
انا حزني ان عربيتي عامله ٢٥٠ الف كيلو والفتيس الكرونه بتاعته فيها بوشه و واعدي من الفانتازيا عادي جدا وهو عمل قرد بعربيته ومعرفش يسد معايا رغم انه كان باين عليه سويق وغرز بس عربيته اخرها كده ويطلع واحد يقولك ياباني ايه اللي يجري معاها
شوف حالتي عربيتي وبقالها ٦ سنين وشوف عربيته موديل السنه عرفت ياباني ايه هقلك علي حاجة لو عرفت تجري مع التويوتا الجنوب افريقي اللي فتيسها فيه عيوب تعالي خذ مفتاح عربيتي وانا قد كلامي عشان كل كلمة بقلها بعمل ليها حساب وببقي عارف انا بقول ايه وشكرا علي سعة صدركم
اخوكم عبده
اللهم الف بين قلوبنا ولاتفرق بيننا وجمعنا علي طاعتك...موضوع جامد يارجالة وانا مرة واحدة فكرت اشد مع BMW x3 وانا 1600 8 صباب 75 حصان صراحة كنت في الثالث ولقيته ماشاء الله شرخ ووصل لاخر الشارع شلت رجلي من عالبنزين وقلت الحمدلله ودي اول واخر مرة اشد مع حد معرفوش ههههه لا ماشاء الله مواتير عفيه BMW
النقطة دى كلها مش مظبوطة
كل الشركات بتقيس زى بعض من الـ crankshaft بتاع الموتور على طول
ومن غير ما يتركب الموتور فى العربية
عشان كدا تلاقى شركة زى فولكس عندها الجيتا والليون والجولف والاوكتافيا وA3 كلهم 102 حصان بدون تغيير مع ان كل واحدة ليها حجم ووزن مختلف
يا حج انا زعلان منك جدا والله
هو ماحدش جاب سيرة السيفيك ولا حتى المازدا !!
صاحب الموضوع كان بيتكلم عن الفوليستار والفانتزيا
هي السيفيك طبعا جامدة مافيش كلام بس مش لدرجة انها تعلم على 1800 او حتى تجيب 230 !!
يعني معلش السيفيك مهما كانت مش هتعمل حاجة مع الكورولا ال 1.8
وعلى فكرة !! ناس كتير بتقول ان الكورولا الشيب القديم ال 1.6 بتطلع من السيفيك فوق وتحت
افتكرت هي كانت x5 الصراحة بس مش فارقة كتير ههههههههههههه
عندك ياباشا اليوتيوب مش مخلي حد نفسه في حاجة افتحه وشوف اخر السيفك كام
الكرولا الشيب القديم مركبتش منه غير ال١٣٠٠ بس ان ال١٦٠٠ تتطلع من سيفيك علي سرعات عالية لا صعب جدا خصوصا ان الكرولا مش ثابتة الاولد شيب
السيفك والمازدا مش لصاحب الموضوع لا للعضو اللي بيقولك سيفيك تعافر معاها وياياني ايه اللي يجري معاها