كل يوم بيزيد إنبهاري فعلا بالعربية دي

**inspiron** · 28-05-2012 07:27 PM

صديق لي إشتري عربية هيونداي فوليستر ( 3 باب ) عربية ما شاء الله عليها تحفة فنية.بإستثناء موضوع الـ 3 باب اللي انا مش بالعه ومش فاهمه..بس هي عربية رائعة.
قولتله يلا يا حمادة نلعب شوية علي الدائري ونشوف الأداء كده..وقد كان..

المكان :- الطريق الدائري من الأوتوستراد حتي نزلة المنصورية.
الزمان :- أمس الساعة 10.30 مساءَ
المقارنة بين :- سكودا فانتازيا 2010 أول فئة تيبترونيك 50000 كم مع هيونداي فوليستر 2012 هاي لاين 6000 كم.
الحمولة:- في الفانتازيا 4 أشخاص والفوليستر 4 أشخاص.

في البداية كانت المقارنة محسومة للفوليستر حتي الغيار الثالث في الأوكتافيا...مع بداية النقلة الرابعة علي سرعة 118 كم / س تقريبا بدأت الأوكتافيا تكشف عن قدرتها..في زمن قليل لقيت الفوليستر جنبي.وبدأت أعدي منها علي سرعة 155 تقريبا.وبدأت الغرز اللي كشفت عجز الفوليستر..الفانتازيا في المناورة علي السرعة العالية الله أكبر عليها.من أقصي اليمين لأقصي اليسار..والعكس والعربية كلبش في الأرض.وفي الغرز الضيقة بردو كلبش..وصلنا قرب نزلة المريوطية وهديت عشان الفولستر تقرب وبدأت شد المواتير علي سرعة 130 حتي سرعة 170 والمفاجأة اللي بالنسبة لي إن الأوكتافيا كسبت.

دي تجربتي وحبيت أنقلها للناس اللي عارفة العربية كويس..
ملحوظة..اللي مش عاوز يصدق له مطلق الحرية.الله علي ما أقوله شهيد

**inspiron** · 28-05-2012 09:37 PM

المشاركة الأصلية كتبت بواسطة zangry

الف شكر .. بس هى الفوليستر كام حصان؟

معرفش والله غير انها 1600 بس في الغالب نفس موتور الالنترا علي ما اعتقد والله اعلم

**Ahm662** · 28-05-2012 10:54 PM

المشاركة الأصلية كتبت بواسطة zangry

الف شكر .. بس هى الفوليستر كام حصان؟

‏١٢٨ حصان بس احصنة بلدي .........لو فعلا عدي منه يبقي دي القوة الألمانية .......

**zacklat** · 28-05-2012 11:33 PM

انا شديت كام مره مع الكورولا الجديدة ..... باكسب ساعت وكتير باخسر حسب الطريق
لان تجميع التويوتا للسرعات احسن من الاوكتافيا بس لو الطريق مفتوح بتكون المنافسة عادلة

**aboo_aead** · 29-05-2012 01:37 AM

المهم الاعتماديه

**AhMeD MeTwAlY** · 29-05-2012 02:30 AM

الف مبروك يا باشا لما تحب تلعب مع واحد كدا تخليه يولع فيها قوله شممها بصله

**alu** · 29-05-2012 03:07 AM

يا باشا الفانتازيا سيارة محترمه

**LORD91** · 03-06-2012 01:32 AM

والله انا مصدقك عشان انا شديد مع عربيات كتير بالاوكتافيا ومعظم اللى شديد معاهم النترا واللانسر وسيراتو ولانوس وفيرنا وكرولا الشكل الجديد والله عمر ما واحد فيهم كسبنى هما بيعدوا فى الطلعه بس بعد كده الاسكودا تكسب طبعااا والله العظيم انى بعديهم وبعد كده اهدى وادوس انتظار عشان اخليهم يتجننوا واول ما يقرب منى اكون سافرت انا لازم استغل ضعفهم فى الملفات والغرز بس اللى سدوا معايا بجد وكنا نفس السرعه ومحدش عارف يطلع من التانى جولف 5 و الغريبه كيا سيراتو الشكل القديم
واللى عدوا منى ومعرفتش اجبهم كانت كورولا 2007 موتور 1600 طبعاا و سيفيك 2009 انا عديته مره وهو عدانى مره و بى ام x6 وللاسف ياريتنى ماكنت هزرت معاه فضل ماشى قدامى ونزود فى السرعه وانا مستغرب هو مش عاوز يسحب ليه. لغايه 200 وكانت الاسكودا بتقولى دا اخرى معاك يا معلم وراح جاى جمبى وضحك ضحكه صفره كده واكننا واقفين جمب بعض عشان هنشد لسه وفى خلال ثوانى مكنش جمبى . روحت شايل رجلى من على البنزين وانا فى حالت اندهاش تام مع انى سوقت العربيه دى فى الامارات بس اللى حصلى كان بشع بجد انا بعد كده حسيت باللى بعمله فى الناس اللى راكبين عربيات اقل من الاسكودا وبقيت بحترم احساسهم .
عشان بجد انا عمر ما حد عمل فيا كده قبل كده. وانا كنت بحاول ارفع راسك الاسكوداويه على الطرق والحمد لله بعتبر محدش علم علي الاسكودا على الطريق الا الشاب الثرى بتاع الــX6 .
واسف جداا للاطاله