هي الحركه دي تبوز الفتيس الاوتو

**حماده المصري** · 29-05-2012 03:21 PM

ازيكم يا نيسان هوووكس

انا بصراحه عملت حركه تلقائيه غبيه حبتين

للاسف الشديد

كنت واقف على منزل هو مش تقيل عموما

وغلطت وكنت حاطط الفتيس على البارك وقبل ما احرك الفتيس ل دي نزلت الهاند بريك

كده كده الطبيعي في اي فتيس بيقفش لما تحمل عليه وبيعمل صوت تكه في النقل لل دي

بس المره دي كانت تقه تقيله سنه بصراحه ؟؟؟؟؟؟؟؟؟؟؟ هل الحركه دي تبوز الفتيس ولا لا

سؤال تاني عموما هل فتيس الصني بياخر في النقل خصوصا للنقله الرابعه او من الاولي للتانيه والعربيه بارده...؟؟؟؟؟

انا من ساعتها ماشي بالعربيه عادي بس مش عارف عندي هاجس انها مش مزبوطه وروحت بصيت على زيت الفتيس لقيته نضيف مش متوسخ لان بيقولوا لما الفتيس حاجه في بتضرب الزيت بيتوسخ او يتحرق وبصيت تحت مفيش تسريب من الفتيس او الكبالن خالص

والمشكله ان الحركه دي ضربت لي فتيس قبل كده في النترا بس مكنش على ال p كنت نازل الجراح وفجاه نسيت اني عايز اجيب حاجه وبكل سذاجه رجعت من d ل r ال والعربيه راحت طالعه ل قداااااااااااااااااااام والفتيس على ال ار وبعد كده الفتيس عاش مرحله الضياع وحصل بقى تسريب زيت ملوش علاج من ناحيه الكبالن الداخليه الا ان الفتيس يتغير

ياريت حد يفيدني

**HAITHAM1985** · 29-05-2012 04:27 PM

مش لدرجة إنه يبوظه .......... تكرار الحركة دى ممكن يبوظه متحطش فى بالك وده مش تتنطيش

**Amr2004IBM** · 29-05-2012 05:07 PM

عادى متقلقش بس فعلا تكرار الموضوع ده بياثر عليه على المدى البعيد

**Dr'AhmZZong** · 29-05-2012 05:13 PM

المشاركة الأصلية كتبت بواسطة HAITHAM1985

مش لدرجة إنه يبوظه .......... تكرار الحركة دى ممكن يبوظه متحطش فى بالك وده مش تتنطيش

المشاركة الأصلية كتبت بواسطة Amr2004IBM

عادى متقلقش بس فعلا تكرار الموضوع ده بياثر عليه على المدى البعيد

**Sehsss** · 29-05-2012 06:24 PM

عادي يا باشا، بس ما تكررهاش كتير

**Amr2004IBM** · 01-06-2012 10:14 AM

وانت واقف على مطلع
1- اقف عادى بالفرامل وانت علىd وبعدين شد الهاند بريك وانت على d
2-وبعد كده انقل على ال n وشيل رجلك من الفرامل سنه سنه علشان تطمن ان الهاند بريك مشدود كويس وبكده تبقى حملت حمل العربيه كله على الفرامل بعيد عن التروس وفى نفس الوقت ريحت الجير بوكس ووفرت الى حد ما بنزين
بس اهم حاجه اوعى تجيب p خالص وخاصتا على المطالع او المنازل وخاصتا لو هتقف مده صغيره زى الزحمه
الحاجه التانيه نفترض انك هتركن على منزل او مطلع تعمل نفس الخطوات السابقه وتتاكد ان حمل العربيه بقى على فرامل الهاند بريكك وبعد كده هاتp وانزل من العربيه وانته مطمن وتضمن ان الفتيس مش هيعض معاك لما تتحرك
3-لما تيجى تمشى
هات الاول على d وبعدين سيب فرامل الهاند وحده وحده مع سنه بنزين هتلاقى الحياه بييسسس
وبكده تبقى محملتش خالص على الفتيس وريحته على الاخر