الحمد لله اخدت الاوبترا

**Mohamed Bander** · 16-06-2008 06:49 PM

بسم الله الرحمن الرحيم
الحمد لله حمدا كما ينبغى لجلال وجه وعظيم سلطانه
الحمد لله ربنا وفقنى واشتريت اوبترا اوتوماتك 2008
طبعا الفضل يرجع لاعضاء المنتدى الكرام ومش هقدر اخص حد بالشكر علشان مانساش حد لان كل الناس اللى هنا افاضل وليهم الفضل عليا بعد ربنا سبحانه وتعالى فى الاستقرار على الاوبترا .
الحمد لله العربيه ممتازة جدا وناعمه جدا انا جبت اللون الفضى هو جميل جدا واحلى حاجه فيها صالونها واسع جدا ومريح عن اى عربيه تانية
العربيه تسارعها اكتر من ممتاز لدرجه انى ساعات بوصل 120 بيها من غير ما احس رغم انى سمعت ان المفروض ماازودش عن 100 فى الالف كيلو الاولى
وبالنسبه لموضوع التكييف انا اتصلت بمركز الصيانه قالولى ان ممكن اشغل التكييف براحتى وما اقلقش بس انا لسه برضه خايف رغم انى لغاية دلوقتى عملت بيها 600 كيلو فى حوالى 4 ايام يمكن يكونو كتير شوية بس بجد حاسس انى مش عايز ابطل مشى بيها من كتر راحتها وسلاستها
وفى حاجه تانى مش عارف عندى مظبوطه ولا لا ان امبير الحراره دايما واقف قبل الشرطه اللى فى النص وده سواء بالليل او فى النهار ومن غير ما اشغل التكييف فهل ده عادى ولا اوديها التوكيل؟
ومن المنتدى العظيم ده احب اقول لكل الللى بيفكر فى الاوبترا مايقلقش من اى حاجه منها ويتكل على الله لان بصراحه حلال فيها الفلوس

وشكرا لجميع اعضاء المنتدى

رب اوزعنى ان اشكر نعمتك التى انعمت على وعلى والدى وان اعمل صالحا ترضاه وادخلنى برحمتك فى عبادك الصالحين

**khattab_89** · 16-06-2008 07:02 PM

ألف ألف ألف ألف مبرووووووك على العربية
و أنا أضم صوتي ليك على إن الناس أخواننا اللي هنا بخدمو و بيساعدو بقلب جامد و مش بيبخلو بأي حاجة
أنا إن شاء الله قريب جدا هستلمها بس هجيبها مانيوال نبيتي و هستنى مبركتك ليا
و ربنا يباركلك فيها و يكفيك شرها إن شاء الله

**Mohamed Bander** · 16-06-2008 07:25 PM

المشاركة الأصلية كتبت بواسطة khattab_89

ألف ألف ألف ألف مبرووووووك على العربية
و أنا أضم صوتي ليك على إن الناس أخواننا اللي هنا بخدمو و بيساعدو بقلب جامد و مش بيبخلو بأي حاجة
أنا إن شاء الله قريب جدا هستلمها بس هجيبها مانيوال نبيتي و هستنى مبركتك ليا
و ربنا يباركلك فيها و يكفيك شرها إن شاء الله

الله يبارك فيك ومبروك مقدما ان شاء الله وربنا يجعلها سعد عليك ويديك خيرها ويكفيك شرها
بس انا عايز انصحك نصيحه لو عندك امكانية تجيب الاتوماتك بتاعها اتكل على الله وما تقلقش خالص منه ده يمكن احلى حاجه فيها وبعدين انا شفت موضوع النهاردة بيقول ان الفتيس بتاعها يابانى مش كورى

**osman hisham** · 16-06-2008 08:18 PM

مبروووووووك ....................... مبروووووووك
ربنا يبارك لك فيها و شغل التكيف الدنيا حر مفيش مشاكل

هشام عثمان

**aif** · 16-06-2008 09:29 PM

الف مبروك يا استاذ محمد يا اوبتراوي :)
ربنا يعطيك خيرها ويكفيك شرها ويباركلك فيها
مؤشر الحرارة كدة طبيعي ... انا عندي نفس الموضوع ... تحت النص بشوية صغيرة

**معاذ الشرباصى** · 16-06-2008 09:48 PM

ربنا يبارك لك فيها و يحفظها لك من كل سوء

**wael333** · 16-06-2008 10:35 PM

ربنا يباركلك فيها و يكفيك شرها إن شاء الله
بالنسبه لمقياس الحراره طبيعى جدا والحمد الله حتى فى وسط الزحام والحر والتكيف شغال الحرارة ثابتة. وربنا يحفظها لك