معلومة يا جماعة، عن تجربة شخصية أنا قرفت من قطع الغيار المش الأصلية.
الشارك عندي احتاجت طنابير أمامية، الأصلي بيعمل 1500 جنيه في التوكيل، للاسف استغلتهم و لفيت القاهرة كلها على أي نوع مش أصلي، لقيت عند المصرية نوع ياباني مش أصلي ب 650 جنيه و قلت أغير تيل أمامي بالمرة عشان الغربلة تروح خالص، جبت تيل ريمسا اسباني ب 180 جنيه، مفروض الريمسا ماركة نضيفة.
المهم بعد يومين التيل ابتدا يصفر و الطنابير ابتدت تعمل صدا. بعد 3 شهور من الاستخدام و بعد تنظيف التيل بكذه طريقة
الطنابير بقت محززة و مصدية و الصفارة صوتها علي جدا و في ناحية بتفرمل أكتر من التانية و ده بيخلي ال abs يشتغل و العربية تفرمل في مسافة أطول بكتير.
من الاخر انا وفرت 1150 جنيه من تمن القطع الأصلية بس الحقيقة اني خسرت أكتر من 800 جنيه عشان رحت جبت حاجة مش أصلية.
اه و معلومة تانية الطنابير بتاعت الشارك ضعيفة متقبلش خرط ، أنا خرطت الكنابير الأصلية في مركز صيانة معتمد و بجهاز متخصص، الطنابير باظت في أقل من ساعة استخدام.
المفضلات