العربية بتبطل لما ادوس فرامل

**HamdyHelaly** · 30-05-2012 06:01 AM

السلام عليكم أحبائي أهل الخبرة

عندي مشكلة مع عربيتي سوزوكي فيتارا 97 كاربراتير (2 باب) 1600 سي سي -- عاملة 110 الف

لاحظت رجة خفيفية في السيارة فتوجهت إلى أحد الميكانيكية لمعالجة المشكلة-- الأخ فك غطى الكاربراتير ورش اسبراي كده وقعد يلعب في حاجه جنب الكاربراتير بتزود البنزين --- المهم العربية ما اتظبطش والرجة زادت والعربية ما بقتش بترضى تدور بسهولة خصوصا وهي بارده وحتى لما بتسخن مؤشر ار بي ام منخفض شرطتين عن الطبيعي-- ذهبت لنفس الميكانيكي لمعالجة المشكلة والمره ديه ما شفتوش لعب في ايه ---وانا ماشي بالعربية بعد ما طلعت من عند الميكانيكي تفاجأت ان عداد ار بي ام بينزل للصفر كل ما ادوس فرامل والعربية بتبطل --- أرجو الإفادة من أهل الخبرة علشان عايز يبقى عندي فكرة عن المشكلة علشان ما اسمحش للميكانيكي يخرب حاجه تاني

جزاكم الله خيرا

**saadelden** · 30-05-2012 02:11 PM

لو الار بي ام اقل من 800 يبقى هو وطى السلانسيه و دا غلط
لو بعد ماعليتها بردو بتتهز يبقى غير البوجيهات
لو بعد ماغيرت البوجيهات و العربيه ماظبطتش يبقى المشكله عندك من سيرفو الفرامل

بس طالما العربيه عندك كربراتير ف انا حاسس انه فتح مسمار الهوا

**Maged_Samy** · 30-05-2012 02:42 PM

المشاركة الأصلية كتبت بواسطة saadelden

لو الار بي ام اقل من 800 يبقى هو وطى السلانسيه و دا غلط
لو بعد ماعليتها بردو بتتهز يبقى غير البوجيهات
لو بعد ماغيرت البوجيهات و العربيه ماظبطتش يبقى المشكله عندك من سيرفو الفرامل

بس طالما العربيه عندك كربراتير ف انا حاسس انه فتح مسمار الهوا

+111111111111111

**HamdyHelaly** · 30-05-2012 10:13 PM

شاكر جدا على النصيحة م/ سعد الدين

أنا رحت لميكانيكي تاني قالي انه كان قافل الهواء وموطي السلانسيه-- وانا ما اعرفش هو عمل كده ليه--- المهم هو على السلانسيه وظبط الهواء

حاليا المؤشر على 1000 او اقل شرطة والعربية بارده ولما بامشي بيها شوية بيبقى اعلى من 1000 شرطتين تقريبا -- الرجة اختفت واداء العربية ممتاز
لكن اتسائل ايه الي يحصل لو كان السلانسيه اعلى من اللازم؟؟؟؟

**saadelden** · 31-05-2012 12:08 AM

المشاركة الأصلية كتبت بواسطة hamdyhelaly

شاكر جدا على النصيحة م/ سعد الدين

أنا رحت لميكانيكي تاني قالي انه كان قافل الهواء وموطي السلانسيه-- وانا ما اعرفش هو عمل كده ليه--- المهم هو على السلانسيه وظبط الهواء

حاليا المؤشر على 1000 او اقل شرطة والعربية بارده ولما بامشي بيها شوية بيبقى اعلى من 1000 شرطتين تقريبا -- الرجة اختفت واداء العربية ممتاز
لكن اتسائل ايه الي يحصل لو كان السلانسيه اعلى من اللازم؟؟؟؟

السلانسيه عالي هاتفرق في سحب البنزين اكتر لو بتقف كتير في الاشارات

**Dr_Smart** · 31-05-2012 05:01 PM

المشاركة الأصلية كتبت بواسطة saadelden

السلانسيه عالي هاتفرق في سحب البنزين اكتر لو بتقف كتير في الاشارات

بالظبط كده وانا في رأيي انك تروح لواحد فاهم في عربيتك يظبطلك الار بي ام بالظبط لان كده هتستهلك عربيتك ولو شغلت التكييف الار بي ام هيعلى اكتر

لو ظبطتلك الار بي ام ولاحظت ان فيه رعشه في العربيه يبقى دور على سببها ممكن تكون بوجيهات او الكربراتير عايز يتنضف ونضف فلتر الهوا والبنزين

**HamdyHelaly** · 01-06-2012 05:18 AM

للأسف ما اعرفش حد ثقة هنا في اسكندرية-- والميكانيكي الي كنت اعرفه هو الي لعب في الهوا والسلانسية من الاول ولخبطلي الدنيا بعد العربية ما كنت شاريها ماشيه زي الفل بقالها 8 شهور--- لكن المؤشر حاليا لما بدور العربية الصبح بيبقى اقل من 1000 يعني ممكن على 800--- ولما العربية بتمشي شوية وتسخن بيبقى على الشرطة بتاعت 1000 من فوق او اعلى شرطه واحده تقريبا--- الرجه اختفت من العربية لكن برضوا هروح انضف الكاربراتير واغير فلتر هواء وبنزين لان الميكانيكي التاني قالي اعمل كده--- الميكانيكي برضوا تقريبا نضف البوجيهات وقالي كانت ماكسده لكن ما قليش اغيرهم ------- لو فيه حد متخصص فيتارا في اسكندرية يا ريت الافادة--- شاكر جدا مساعدتكم وربنا يجعله في ميزان حسناتكم

**HamdyHelaly** · 01-06-2012 05:23 AM

بالنسبة لموضوع الكاربراتير الميكانيكي بيقولي هاخدك لواحد متخصص كاربراتير-- هل الموضوع معقد يعني ممكن الراجل يبوظ الكاربراتير ؟؟؟ اطلع على التوكيل وخلاص؟؟؟ ولا موضوع تنضيف الكاربراتير ده بسيط؟؟؟ انا ما عدش عندي ثقة في حد بصراحه--- الميكانيكي الي برحله يعمل اي حاجه في العربية لازم يبوظ حاجه تانيه ولو فك فبره ما بيركبهاش زي ما كانت !!!!!!!!!!!!!!

**Dr_Smart** · 01-06-2012 08:12 AM

بلاش تخلي حد يلعب في الكربراتير عشان عمره ماهيعرف يظبطه .. يعني طالما سحب العربيه كويس واستهلاك البنزين طبيعي بلاش يلعب في الكربراتير

**HamdyHelaly** · 01-06-2012 02:54 PM

سحب العربية كويس-- واستهلاك البنزين بالتقريب كده التنك بيعمل 340 كيلو-- انا ما حسبتهاش بالظبط ده الاستهلاك العام للعربية --- تقريبا التنك بتاع عربيتي كمان صغير 42 لتر

هل ده استهلاك طبيعي؟

الموضوع: العربية بتبطل لما ادوس فرامل

LinkBack

أدوات الموضوع

عرض

-

-

-

-

-

المواضيع المتشابهه

ميجان 2000 بتبطل لما اجي ادور ولازم ادوس بنزين

لما ادوس فرامل

صوت سفارة من لما ادوس فرامل

لما ادوس فرامل

صوت تزيق لمة ادوس فرامل

الكلمات الدلالية لهذا الموضوع

المفضلات

المفضلات

ضوابط المشاركة