مشكلة غريبة مع صديق ليا فى مازدا 3

**Ahmed Selim** · 30-05-2012 10:04 AM

السلام عليكم

صديق ليا معاه مازدا 3

الأول هو أستعمل الكاوتش اللى كان جاى فى العربية و هى جديدة لحد 90 ألف كم.......و كان بريدجستون و لما فكه من نضافته و عدم تأكله خالص باعه ب 400 جم و جاب 4 فرد نفس الموديل بالظبط.

العربية لحد وقت قريب قوى كانت كويسة لحد ما أخد حفرة فى الجنب اليمين كله نتج عنها كسر الجنط اليمين قدام و أعوجاج اليمين ورا.

بعد الموضوع ده صلح الجنوط و جاب 4 مساعدين جداد و ركبهم.

بعد كده أبتدى يلاحظ صوت ونة فى العفشة و راح كشف على العفشة و على البلى تحديداً و الشك كان فى بلية واحدة ممكن تعمل ونة بسيطة و غيرها و فضلت الونة موجودة و العفشجى قاله الكاوتش الجديد كله أبتدى يتنحل من جوة.

الحفرة اللى كان أخدها كانت فى الجنب اليمين فقط و مش فى الشمال........أيه اللى يخلى الأربع فرد يتاكلو من جوه بس مع أن اللى قبلهم و قبل تغيير المساعدين الكاوتش القديم كان نضيف جداً ؟؟؟

أنا بصراحة شاكك فى المساعدين الجديدة و خصوصاً انه معندوش أى معلومات عنها لأن تقريباً أدى العربية لأخوه يغيرله المساعدين.

**Ahmed Selim** · 31-05-2012 05:57 AM

مفيش حد عارف ؟

**Ahmed Selim** · 02-06-2012 09:40 AM

المشاركة الأصلية كتبت بواسطة ENG\AHMED

المساعدين متعملش ونة اللى يعمل كدة الكاوتش او البلى
هل الكاوتش لية اتجاة rotation?
لما غير الجنوط على نفس الكاوتش ولا غيرة؟
هل صوت الونة قل لما غير البلية وصوت الونة من اودام ولا ورا ؟

أخيراً حد رد عليا.............أحمدك يا رب :)

أنا سؤالى الأساسى أيه اللى يخلى الكاوتش كله يتاكل من جوه بعد لما غير المساعدين و الكاوتش مع العلم أن الكاوتش القديم طالع نضيف و زى الفل.........ولا متاكل و لا فيه عالى و واطى مع أنه ماشى 90 ألف.

لما غير البلية الصوت زى ما هو........و أعتقد أنها كانت بلية شمال ورا......باقى البلى الميكانيكى قاله كويس و مفيهوش حاجة........حتى البلية اللى غيرها كان قايله عليها أنها لو هتعمل ونة هتبقى بسيطة مش عالية علشان هى لسه مش منتهية قوى.

الجنوط متغيرتش..........الجنوط أستعدلها بس......و كانو الجنطين اليمين بس......و بعد كده غير الكاوتش و بعده المساعدين.

معرفش الكاوتش ليه إتجاه rotation معين ولا لأ........هسأله عليها........بس أعتقد لو ليه إتجاه معين هيكون واخد باله من الموضوع لأنه نفس ماركة و موديل الكاوتش الأول اللى قعد معاه 90 ألف.

**Ahmed Selim** · 04-06-2012 06:37 AM

المشاركة الأصلية كتبت بواسطة eng\ahmed

موضوع الكاوتش داخل فية عوامل زى تاريخ الانتاج ومشى اد اية علية قبل ميغير المساعدين

لو شاكك فى البلى احسن حاجة يروح لحد عندة جهاز ترصيص موتوسيكل ( بنزينة التعاون جنب السلام شوبنج سنتر فى ميدان الاسماعيلية ) هيرفع عجلة عجلة ويلفها بالجهاز كأن العربية ماشية وساعتها هيحكم على البلى

ممشيش كتير قبل تغيير الكاوتش...........أتوقع فى حدود 2000 كم على أقصى تقدير.

هو البلى زى ما قولتلك..........راح لعفشجى و شاف البلى و شك فى بلية واحدة بس و الباقى قاله عليه سليم.

المشاركة الأصلية كتبت بواسطة eng\ahmed

اية اللى عرف العفشجى ان الكاوتش اتاكل من جوة ؟

العفشجى شاف الكاوتش متاكل من جوة...........الأربع فرد
قصدك أنه يكون غلطان ؟

**Ahmed Selim** · 04-06-2012 12:50 PM

المشاركة الأصلية كتبت بواسطة eng\ahmed

بص البلى اسلم حل علشان يتأكد منه ترصيص موتوسيكل , العفشجى بيلفه بأيدة وخلاص انما دة كأن العربية ماشية وهيبقى واقف جنب العجلة يسمع صوت كل عجلة
كان عندى فى الفكترا وكان العفشجى يقولى كويسة وان عارف ومتأكد انها فيها خشونة لأنى سامع صوت خشونة من الجنب دة وانا ماشى

لو قصدك ان الكاوتش متاكل من النصف الداخلى للمداس ( علشان انا جت فى دماغى حاجة تانية ) فا كدة يكشف على العفشة لأن معناها العجل فارش على الارض
العجل اللى ورا ممكن يكون طبيعى لو بيحمل فى العربية انما اللى اودام لأ , وبردة حد بتاع كاوتش نضيف يبص علية الاول مياخدش على كلام العفشجى بس

كشف زوايا بعد الخبطة ؟؟

طيب هخليه يرصص حصان و يشوف بالنسبة للبلى.

الكاوتش متاكل من النصف الداخلى للمداس فعلاً.......الأربع فرد.......و هو مش بيحمل حاجة فى العربية.

و هو راح لبتاع كاوتش و أكد كلام العفشجى.

و كشف زوايا بعد المطب و ظبط الدنيا.

أنا بس مش مقتنع بالزوايا علشان دول الأربع عجلات فيهم نفس المشكلة........هو أخد المطب فى الجنب اليمين بس.

-

الموضوع: مشكلة غريبة مع صديق ليا فى مازدا 3

LinkBack

أدوات الموضوع

عرض

مشكلة غريبة مع صديق ليا فى مازدا 3 - انشر الموضوع فى :

-

-

-

-

المواضيع المتشابهه

مشكلة غريبة

صديق من قسم مازدا (لي استفسار)

مشكلة صديق فى فورد مونديو

مقارنة غريبة شوية جولف 2001 ولا لانسر ولا مازدا

مقارنة غريبة مازدا- ميجان - سيتى!!!

الكلمات الدلالية لهذا الموضوع

المفضلات

المفضلات

ضوابط المشاركة