الموضوع: الكليو عطلت :(

المشاركة الأصلية كتبت بواسطة albasha

إن شاء الله ربنا يستر بس واضح كده إن الجماعه في فرنش موتورز مش كفاءه عاليه لإن هو كان المفروض يكشف علي الحساس بتاعه أول حاجه بدل ما يدوخك معاه يومين لكن علي العموم الحمد الله علي كل شئ وده عادي مع أي عربيه مستعمله بتشريها لإنك مش عارف ظروفها كلها علشان كده دايماً لما الواحد يبيع لازم يفهم اللي قصاده مشاكل العربيه كلها وده مش عيب لكن هنا في السوق المصري الناس بتعتبره عيب
أحد المرات واحد زميلي عايز يشتري عربيه إكسل وواحد زميلي تاني عايز يبيع بس ميعرفوش بعض وصفتله العربيه بالكامل زعل مني وقاللي إنت عايز تلبسني في عربيه تعبانه علي الرغم إني قولتو هنقدر قيمتها بعد كده لكن مفيش فايده ومبقاش بيثق فيا كمان وإحنا أصحاب تخيل بقي لو حد غريب مشكلتنا إننا عاطفيين شويه يعني عايز وإنت بتشتري 128 البايع يقولك ديه طياره وبعدين إنت تتدبس فيها لحد ما تكره نفسك

هو بالفعل كشف عالحساس، وكان شغال زي الفل. بس الحمد للله كله اتضبط دلوقتي.

بالنسبة لموضوع الصدق في البيع، للأسف الضمير بقى عملة نادرة، وللأسف الأكبر، لما واحد يكون عنده ضمير ويقول للمشتري على الحاجة اللي في العربية، المشتري بيخبس تمن العربية أو بيهرب منه ويروح لعربية تانية أسوأ منها بس صاحبها مخبي عيبوها.

المشاركة الأصلية كتبت بواسطة r_gamal1

فى حاجتبن يا باشا
1/ المفروض مادام انت غيرت عندهم قطعه الغيار واخدو المصنعيه مياخدوش كشف الكمبيوتر ( حصلت مع صاحبى فى توكيل نيسان ) ياخد ليه كشف هو انت كشفت ومشيت!!!!!!!!
2/ بعد ماركب الحساس شال الخطأ من كمبيوتر العربيه ؟ يعنى فصل البطاريه شويه ووصلها تانى ؟
حصلت معايا اول ماجبت العربيه غيرت الحساس والميكانيكى نسى يفصل البطاريه وبعدها بيوم كنت ماشى عادى ومرة واحدة طفت وماكانتش عايزة تدور وبرضه شكينا فى الطلمبه المهم بعد ساعه دورت دارت قولته على البطاريه فصلها ووصلها تانى والحمد لله زى الفل لغايه دلوقتى

1- بعد السؤال، طلع فعلا زي مانت قلت، الفلوس اللي خدوها دي فلوس المصنعية بس، ومخدوش حاجة للكشف.
2- معلومة كويسة أوي. تشكر عليها