فيس ميجان2

**mohmmed_yuosse** · 30-05-2012 02:25 PM

الفتيس عندي بدأ يستهبل فاعاير اخد رأيكوا اغيرة بواحد استعمال ولا اصلحة هوا بيعمل كاتالي:
1.فية هبدة خفيفة بين الاول و التاني بتزيد في الزحمة و و مابتظهرش دايما هي بتبان اوي في الزحمة و ما بتظهرش لما اكون مشغل التكيف او لسة متحرك الصبح
2. فية تفويتة في النقلة التانية يعني لما تنقل علي التاني ما بتلقتش علطول تحس انك دايس علي الهوا كانك ممور و تعد ثانيتين كدة و بعد كدة تلقط
3. بين التالت و الرابع فية نتشه خفيفة اوي

اصلحة و لا اغيرة و سعر الاستيراد كام و التصليح يتكلف كام و عند مين نضيف و مش حرامي

ارجوا الافادة انا الموضوع دة منغص عليا عيشتي عشان انا ما بحبش يكون في العربية الهوا و دة فتيس بحاوا

**medo99_pc** · 30-05-2012 02:31 PM

انا عندى نفس الهبده بين النقلة الاولى والتانية وبتبان اكتر الصبح وانا لسه طالع
اما الترييحه اللى على الغيار التانى دى مش عيب فى الفتيس دى طبيعة الميجان كده انها بتقسم النقلة التانية على نقلتين

وان شاء الله مش هتوصل انك تغير الفتيس كله عشان اكيد مش رخيص

**Rsarabia** · 30-05-2012 05:38 PM

الهبده بين الاول و التانى و الترييحة بتاعة النقلة التانية طبيعيين فى كل الميجان مفيش حاجة فى العربية لو جبتها زيرو هتهبد بردو كدا

**mohmmed_yuosse** · 30-05-2012 10:01 PM

يعني المشكلتين دول مالهومش حل !!!!!!!!!!!!!!!

**shawkylotfy** · 30-05-2012 10:41 PM

المشاركة الأصلية كتبت بواسطة mohmmed_yuosse

يعني المشكلتين دول مالهومش حل !!!!!!!!!!!!!!!

لو شدادة الموتور حالتها تعبانة بتعمل الهبدة بين الاول والثانى

**solly1979** · 31-05-2012 04:31 PM

فعلا فتيس الميجان مش سلس انا سوقت المانى و كورى اوتو بصراحه احسن 100 مرة

**yalahwy2010** · 31-05-2012 05:16 PM

سولونيد الفتيس محتاج يتغير...........واكشف على شداد الموتور............وابتعد عن المضروب.............يا تجيبه أصلى يا استيراد.........تمنه حوالى 150 جنيه استيراد

**mohmmed_yuosse** · 31-05-2012 10:06 PM

طب لية لما بشغل التكييف الهبدة دة بتخف خالص

**mohmmed_yuosse** · 03-06-2012 09:50 AM

القواعد سليمة و السولونيد قالولي لو مش مدي اتشك انجين يبفي سليم اية الحل ؟؟؟؟؟ فين الخبراء !!!!!!

**ahmed_oth** · 03-06-2012 10:39 AM

الكشف على الكمبيوتر بالنسبه للفتيس مدى( Pressure regulation )
فا ده معناه ايه يا خبراء.....
رحت لمركزين خدمه واحد قالى انه محتاج( ثرونايت )
والتانى قاللى عايزه( بادى بالف)
وانا محتار مش عارف اعمل ايه....ولمبه الجير بوكس بتنور مع كل قرصه على rpm