الموضوع: ما رأيكم في دايو اسبيرو ؟؟

المشاركة الأصلية كتبت بواسطة aaffii

تحفة
بس اهم حاجه الحالة
انا من اسكندرية ولسة شاري واحده من 3 اشهر بعد 11 سنه ركوب لجولييت
ولما ركبتها حسيت اني راكب عربية تانية خالص
ثابته واقتصادية وموتور وفتيس ممتازين الاتوماتيك بتاعها ممتاز لانه زي بتاع الاوبل وواسعة جدا من جوة وشنطتها كبيرة
اما قطع غيارها فهي متوفرة عند ناس كتير وجديد ومستعمل

معل ممكن اعرف اشتريت موديل كام و بكام و حالتها ايه ؟؟
لاني بقارن بين عربيتين دلوقتي 94 او 96
مستني ردك

المشاركة الأصلية كتبت بواسطة aaffii

انا عربيتي موديل 96 كامله اتوماتيك فابريكه دواخل بالكامل وكبوت وسقف وشنطة فابريكة رشه حزام بس الموتور والفتيس بعد الكشف عليهم تمام بحالة ممتازة صالون بحالة ممتازة جميع الكماليات شغالة وده اهم حاجه في شرا العربيات ده ان اكسسوارتها تكون موجوده وشغاله زي الزجاج الكهربا والفوجات وزراير التابلوه وزراير الكونسول لأن الحاجات ده نادره شوية وطبعا التكيف وصاحبها كان شريها من الزيرو وبيبعها علشان كان مسافر يعني المالك الاول ليها وكان طالب 34 الف وبعد فصال طويل ولظروف سفره اخدتها ب 30 الف .
ولو في اي استفسار انا تحت امرك .

انا قدامي اسبيرو 96 ب 33 الف و مش عايز ينزل فيها حاجه
هي العربيه قوايم و حوض و موتور و عفشه سليمه و فتيس سليم
بس فرش الابواب عايز يتغير و التكييف شغال و المريات و الزجاج كله كهرباء و شغال
ف هل السعر مناسب انا عايز اخدها منه علي 32 او 31 وهو مش راضي

سياره ممتازه كانت معى اسبيروانجكشن 94

في اول ايام اشتراكي في المنتدي اود ان اشكر جميع اعضاء المنتدي والمشرفين والمقيمين عليه وذلك لما يبدو بينهم من التعاون وتبادل المعلومات والخبرات وهذا المجهود المبذول لتعم الفائدة واحب اشير الي انني استفد كثيرآ من هذا المنتدي بالرغم من عدم اشتراكي فيه وذلك للأنني لا امتلك سيارة ولاكن عندما اتاحت لي الظروف ان امتلك سيارة فكان لابد من الإشتراك في هذا المنتدي.

ارجو من السادة الأعضاء ان يفيدوني
من خلال تعليقتكم حول السيارة الأسبيروا نا ويت ان اشتري تلك السيارة ولاكن ينقصني بعض المعلومات
اولآ :- من خلال التعليقات علمت ان الماكينة نوبيرا فهل هي اي موديل في نوبيرا ام يشترط موديل معين , وكذلك بالنسبة للفتيس فقد علمت انه اوبل فهل ايضآ اي موديل ام يشترط موديل بعينة .
ثانيآ :- بالنسبة للعفشة ( كبالان وخلافه ) هل هي لانوس ام نوبيرا ام خلافه.
ثالثآ :- هل يوجد مايعيب الفتيس الأتوماتيك لها وخاصة موديل 94 , 93.
واخيرآ سعر السيارة تقريبآ كام الأيام دي وخاصآ موديل 94 وحالة شاذة.
واحب اعتذر عن التفاصيل المملة بس انا من المنصورة ولما روحت اسأل عليها تجار قطع الغيار المتخصصين في الكوري حسسوني ان انا من ايام ابو لهب فحبيت أتاكد قبل ما اشتري بالفعل , وياريت يا جماعه الي عنده شرح مفصل لقطع غيار العربية دي ( مكينة -عفشة-فتيس-تيل فرامل-...الخ ) يبقي كتر خيره.

واعتذر مره اخري علي الإطالة.