سلام عليكم يا شباب
انا معايا كورسا 2005 سيدان لسه شاريها من شهرين عاملة 68000 كيلو متر

المهم انا لاحظت ان العربية بتاكل بنزين بشراهة بمعدل 200كيلو/التفويلة و الrpm بيبقى من 1 ل 2 على طول وفيه دخنه سودا لما بدوس بنزين

المهم روحت لميكانيكى شغال فى الاوبل قالى روح وديها تتقاس كمبيوتر .... روحت لواحد فى كفر تهورمس والحمد لله قالى الحساسات سليمة وان المشكلة فى الرشاشات ومحتاجة تتغير

رجعت لميكانيكى وغيرت رشاشات بس ركبلى رشاشات بتاعت دايو لانوس ... بس المشكلة لسه متحلتش
انا غيرت بوجيهات برضه :( حد واجه المشكلة دى؟


عندى مشكلة تانيه كمان
اول لما بطلع بالعربية وادوس رامل بسمع صوت اكن التيل على الحديدة بس انا كشفت على التيل ولقيتو كويس.... المشكلة دى لما العربية بطلع بيها بس بعد كده بتبقى كويس ومش بسمع الصوت ده خالص !!!!