الموضوع: ممكن تنام وانت سايق أو وانت مسافر

أنا أخدت كورس في القيادة الدفاعية واتكلموا عن الموضوع دة وقالوا إن معظم الحوادث إلي بتحصل بسبب النوم بتكون لما يكون السائق قرب من المكان اللي هو مسافر ليه لأنه بيحاول يقنع نفسه إنه خلاص قرب ومش مستاهلة الركن علشان ينام شويه لكن المخ مبيقدرش يقاوم وبيعمل Shut Down .

Thanks
Eng.Sherif Shaker

صحيح يا أستاذ SAbuhashem أنا أفتكر أن والدي وهو نازل مرة بالسياره لوحده كان جايلنا مفيص خالص ومكنش نايم حتى من ساعة ما وصل الغردقه لحد أسكندرية على غير لما كان في طريقه للرجوع بيقوله كان مخنوق من كل حاجه وكل رست ينزل ويريح وكل لما يلاقي نفسه بيفصل يدور على أي شجرة ويركن تحتها وياخد تعسيله .
ـــــــــــــــــــــ
بس معلش سؤال هم فعلا بتوع التريلات دول بياخدوا مخدرات عشان تفوقهم؟؟ أنا سمعت كده وأستغربت مع أني أعرف ان المواد المخدرة بتذهب العقل !!!!

المشاركة الأصلية كتبت بواسطة aif

انا مصحصح علي طول ... مش بمزاجي
سيارة ... اوتوبيس ... قطار ... طائرة ....اي شيئ متحرك يبقي عمري ما اقدر انام ولو حاولت ... ساعات باكون بقالي اكتر من 24 ساعة ما نمتش ... وراكب اوتوبيس ... والدنيا ليل ... والاتوبيس كله نايم ... وانا صاحي احرسهم
المشكلة بقي لما اكون سايق مسافة طويلة واروح البيت وانااام .... كل ما اروح في النوم ... اصحي مفزوع متخيل اني نمت وانا سايق
الموضوع ده مافيهوش خيارات عندي .... شعاري في السفر ... " خلي السلاح صاحي صاحي صاحي "

انت كدا راجل تمام هو ده الصح انا كدا برضه

المشاركة الأصلية كتبت بواسطة FLYINGPEUGEOT

اخوكم بقه من النوع اللى بيحب يددى لكل حاجه حقها ...يعنى وقت السواقه سواقه ووقت النوم نوم...يعنى لو طلبت معايا وانا سايق على 200 انى انام بروح مدديها الحنان على طووول :)

آخر مره واللى من بعديها حررمت اسوق وانا مش نايم كويس..
كنت فى الدقهليه بخللص ورق عربيه من المرور هناك..وانا راجع على الطريق الزراعى ...طلبت معايا نوم وانا سايق ...رحت مجعوص على الكرسى ..وساند دماغى ورا ومدديها الحنان (وانا سايق)....:)

عارفين صحيت على ايه ؟؟؟؟ والتاس بتخبطلى على الازاز...كنت لبيست فى عربيه كررو واقفه على جنب...يعنى كمان ماصحتش من الخبطه !!!!!!!!!!:)

وعارفين العربيه دى كان وراها ايه ..كان وراها ترعه !!!!...يعنى لو ماكانتش واقفه كان زمانى بعوم مع القراميط دلوقتى ....هههههههههههههههههههه

من ساعتها اول ما بحس انى عايز انام وانا مسافر وللا حاجه...مابحاولش آآوح...بروح راكن علىجنب ...ومدديها نوم ساعتين تلاته...فى العربيه...تحت اى شجره على الطريق !!! :)

ليه كدا يا زعيم أنت بالطريقة دية ممكن تودى العصابة فى دهيه شوفلك حل فى الموضوع ده يظهر ان جو الترعة سحبك فى النوم وخلاك تشد اللحاف
بس برجاء الحذر وعدم الاستهتار

المشاركة الأصلية كتبت بواسطة pointer

المشكله الكبيره انك تفتح التكييف وانت مسافر وتحط المروحه علي وضع الرسيكلينج لان الاكسوجين بيتسحب من العربيه واللي سايق ما بيخدش باله ويحصل له نقص في الاوكسيجن وغيبوبه
وانا واحد اعرفه نام من كده وصحي لاقي العربيه 2 وقعد 6 اشهر رجله في جهاز
نصيحه لوجه الله بلاش الريسيكليتج في السفر
وربنا يحفظنا واياكم من كل سوء

كلام ميه ميه ونظريه سليمة برضة والف شكر يافندم

المشاركة الأصلية كتبت بواسطة TOLDO

هيرو حبيبي ربنا يديك الصحة يا مان صاحي حتى وانت مش سايق لا متلقيش

انا طالما مش شايق ببقى فالباي باي خالص و احلى نوم و انا فالعربية و الباشا الكبير ابويا سايق ياااه بحس اني بقالي سنتين مش نايم

اما و انا سايق بحاول امشي على سرعات عالية شوية يعني مقااش عن 120 علشان ابقى فقمة تركيزي و السجارة بقى بعيد عنك فقدي و حكيم شغال و لا تقولي نوم ولا يحزنون
بس احيانا لما احس نفسي خلاص شوية و هنقط جاز على الكرسي بنزل من العربية و اغسل وشي و اتشقلب شوية على شان افوق و احرك الدم فجسمي (على أساس و انا اعد مبيتحركش ) و اتكل على الله اما لو خالص و مفيش امل بدور على اي حتة يكون في بشرية و انام ساعتين موقفتش الدنيا على سعتين يعني اهلى اولا بيا من المستشفى
انا مرة يا هيرو سواق الترلا الي هية اتنين مقطورة يا رجالة قدام عيني الراجل راح فغيبوبة و اتخمد على الجائري لبس فالحاجز الي بيفصل الشارعين عن بعض و اتقلب على جنبو و اخد معاه 4 او 5 عربايات معاه لاني اخد الشراع بالعرض وقعهم من فوق الدائري لكم ان تتخيلو المنظر كان عامل ازاي ولا افلام الاكشن ربنا يحمينا و يحميكم يا رب


عايز بس اقول ان الموضوع مش مستاهل و اللهي العظيم ما مستاهل الساعة و لا الاتنين الي ممكن تريحم مفرقوش كتير يعني علشان حتى ارواح الناس الي على الطريق

تحياتي للجميع

سعادة الباشا حبيبي عامل ايه
مفروض نكون حذرين طلاما على الطريق سواء سيقين او لا
وكمان مننساشدعاء الخروج من البيت ودعاء الركوب ودعاء السفر ونتوكل على الله ومنسرحش
والاعمار بيد الله. والحذر لا يمنع القدر.ههههههههههههههههههه

المشاركة الأصلية كتبت بواسطة Abdo_Eldesokey

لما بكون على الطريق بالذات ببقى عامل زي إعلان روتانا سينما كده ... مبحلق ع الآخر ... لأني من النوع الحريص الأوي ...

بس منساش في المرة نازل من البيت وطالع بعربيتي لقيت عربية واحد قريبي جاية في وشي ... وقف جنبي وفتح الشباك ... انت عارف الي بيفتح شباك الأوضة أول ما يقوم من النوم .... كله من التكييف والأوتوماتيك !

فعلا خصوص الاخوة اللى بيشتروا عربيات زيروا وهما عمرهم مساقوا عربيات نهائى وتلقيهم فى قمه الاستهتار والتكييف بيعمل معاهم أخخخخخخخخخخ فى حالات السفر نتيجه لعدم التعود على الوضع ده

المشاركة الأصلية كتبت بواسطة mohamed_88sk

فكرتني يا أستاذ TOLDO انا ووالدي كنا بنعمل عمرة تبع حاملة في باص تبعهم المهم بعد الحمد لله ما أتمينا العمرة وروحنا المدينة وكله تمام المهم واحنا في طريق العوده للكويت الباص كله كان نياااااااام وأنا أولهم المهم في وانا في أحلى نومه أفاجأ بصوت عالي بيتكرر كذا مرة واحد كان نايم صحى من الغيبوبه هو كمان وفوجئ بالسواق نايم وماشي في الحاره الوسطى بقالوا دقيقه ونص(كانت عباره عن ترا بمسافه حارتين كده في النص)عمال يصحي السواق لأنه كان بدأ يعدي عالمقابل لأ واللي يغيظك أني كنت فاكر الصوت ده في الحلم فكملت نوم . بعديها صحيت ولما أستوعبت لاقيت الناس عمال توبخ السواق وأنا وسطيهم قلتله حرام عليك صحيتني من النوم لاقيتهم كلهم بيبصولي وسكتوا أخدت بعضي وكملت نوم هههههههه حسيت أني فرحة وحيلة أبويا وأمي هههههههه

بس ياعم ربنا ستر الحمد الله
كانت هتبقى حسن خاتمة
ربنا يكتب هالك

المشاركة الأصلية كتبت بواسطة hazem_khidr

الحمد لله عمري ما بنام و انا سايق ولا في اي حاجه بتتحرك ما عدا القطر بنام فيه عادي.
ولو سايق و حسيت اني حنام اقف اغسل وشي و اكمل و اجري اكتر و كل ما اجري افوق اكتر .

هو ده الشغل جامد ياباشا+10000000

بس ياعم ربنا ستر الحمد الله
كانت هتبقى حسن خاتمة
ربنا يكتب هالك

أه والله ياريت كان نفسي وده اللي خلاني أتعصبت كان زماني بموت وانا نايم .... كانت تبقى أخر هناء (مين هناء دي!!!!)
يلا الحمد لله على كل حال .

وانا سايق بسلى نفسي مثلا بالأغانى اللى ليها علاقة بالسواقة وأغنتى المفضلة فى الحالة ديه
روح يا حمادة رووووووووووووووح.متروح ياااااه حمااااااااادة
ههههههههههههههههههههههههه هه