اقتباس المشاركة الأصلية كتبت بواسطة maskeen مشاهدة المشاركة
هو غالبا انا فعلا متأثر بال 525 :)

انا عملت صيانة ال 2500 فى المركز الجديد لانج اللى ف صلاح سالم (عند جامع توشيبا - الرحمن الرحيم) وانت فى طريقك للنفق قبل كوبرى الفردوس..مركز صغير بس كويس للصيانه السريعه (لما مايكونش فيه مشاكل)..الموضوع اخد منى ساعه واحده ومن غير حجز

المدام جابت لون شامبين (دهبى فاتح)..وانا كان نفسى تجيب الاسود (شكلها سيارة وزير)..بس هى اختارت دى (فلوسها بقى وهى حره :) :)
شوفت بقى انك متأثر بال بى ام

قوللى عملت ايه فى الصيانة غيروا زيت ولا تربيط عفشة وللا ايه والناس هناك محترمة ولا زى توكيل منصور والاسعار بتاعة قطع الغيار غالية وللا ايه النظام... كمان مارديتش على فى موضوع العربية عاملة ايه بعد 7000 كم

وبالنسبة للون هو نفس اللون اللى انا جايبه، الاسود كان مطلع عينى فى الاوكتافيا غسيل يومى وتلميع بالشمع كل شهر والبواب كان بيدعى على، لما شاف العربية الجديدة قاللى والله انا ممكن ابوس ايدك على المعروف اللى انت عملته فى دا :))

اقتباس المشاركة الأصلية كتبت بواسطة Karim_Monir مشاهدة المشاركة
تقرير رائع هابعت للادارة تهتم بيه شوية وتنسقة ويتثبت وينزل في الاخبار
الف مبروك عليك وربنا يرزقك خيرها ويكفيك شرها
الله يبارك فيك يا استاذ كريم، انا سعيد ان التقرير عجبك، وياريت يتنظم فعلا شوية لانى ليس لى خبرة فى كتابة التقارير، انا اتكلم شفوى حلو جدا لكن paper works فى الضياع :))

اقتباس المشاركة الأصلية كتبت بواسطة TFSI مشاهدة المشاركة
الف مبروك وربنا يديك خيرها ويكفيك شرها وأنا ممكن أفيدك فى أى حاجة خاصة بالموتور حتى لو التوكيل مش هايفيدك
بالنسبة للمرايات بتقفلها من زرار إختيار ضبط المرايات (اليمين أو الشمال) إنك تجيبة فى النص وتضغط عليه لأسفل فى حالة إقفالهم وفى حالة فتحهم تعمل العكس وعلى فكرة المرايات ما بتقفلش الا والعربية واقفة مش فى وضع الحركة
الف شكر يا باشا والله يابرك فيك، انا هستغلك بقى شوية بما ان الcompression ratio 10.5:1 هل ينفع احط بنزين 92 ولا لا مفر من ال95، اصل لو غلى هيبقى ب5.75 جنيه ودا معناه انى افول ب400 جنيه يعنى اخليها غاز احسن :))

بالنسبة لموضوع المرايات انا قرأت الكاتالوج كله 333 صفحة ودلوقتى بقيت اعرف اقفلها والعربية ماشية كمان زى الطريقة اللى حضرتك قولتها تمام، والف شكر على الاهتمام يا باشا.. قوللى صحيح صيانات التربو بتبقى ازاى بقى واتابع ايه عشان احافظ عليه؟ ظبطنى كدا شوية معلومات...