بفكر اشتري اسبيرانزا 516 مستعملة ؟

**vissionplus3** · 31-05-2012 06:02 AM

السلام عليكم ...ازيك يا جماعة .....

كنت بفكر اشتري عربية مستعملة .....وان شاء الله دي اول عربية ليا ........انا مش بسافر كتير يعني عربية جوة البلد اكتر منها برة البلد ....بس كنت محتاج عربية عائلية وقت السفر.

لاقيت ان الاسبيرانزا a516 افضل سيارة في رانج الفلوس اللي معايا حوالي (رانج 45 الف)يعني لاقيت انها ممكن تجيب موديل 2008/2009 تقريبا

فكان ليا استفسار عندكوا....بما انكم انتوا اهل الخبرة في العربية
اية رايكم في العربية ...ينفع اجيبها مستعملة ولا لازم زيرو....لان ناس كتير بتقولي هات فيرنا او لانوس احسن وابعد عن الصيني ....بس انا مش بسمع الا من اللي مجرب ..عشان كدة عايز اخد نصيحتكوا......

وياريت اية الحاجات اللي اخد بالي منها وانا بشتري العربية دي ....ويا تري انزل اشتري من السوق ..ولا مواقع افضل ولا اية ...لان لسة خبرتي ضعيفة..بحاول ازودها من المواقع المحترمة زي الموقع دة

واخيرا لو في حد هنا من اصحاب العربية معاه عربية كويسة وعايز بييع يقولي .....
وشكرا ليكم مقدما

**hugan** · 31-05-2012 10:40 PM

بما يرضي الله العربيه ممتازه
ولو ماعندكش عقده الصيني
ماتفرقش اي حاجه عن عربيات اغلي منها في السعر
اداء ممتاز
قطع غيار رخيصه جدا
ميكانيكيه متخصصين فيها
تكييف عالي جدا
ثبات واتساع داخلي ممتاز
جميع الكماليات بمعني الكلمه
عدا الاير باج
عيبها موتورها معقد شويه في شغله علشان كده ليها ورش متخصصه
مالهاش قطع غيار استيراد
في رائيي افضل من الفيرنا والانوس
العربيهتعمل بكفاءه في اقصي ظروف التشغيل واسواء درجات الحراره

طبعا اشتريها مستعمل افضل او كسر زيرو هاتفرق معاك جامد في السعر لكن لازم تكون عربيه حالتها نضيفه والا هاتتعب معاها زيها زي اي عربيه
انا قربت علي ال 100000 كيلو استهلاك ومفيش غير الصيانه العاديه وغيرت مساعدين
اشتري العربيه ولن تندم ان شاء الله
الكلام ده كله بالرغم من ان عربيتي فيها مشكله مجناني ومش قادر اوصل لحل فيها
لكن قربت اوصل ان شاء الله

**totana** · 14-06-2012 12:21 PM

عربليه كويسه وبعدين الفلوس دى هتجيب لانوس او فيرنا تعبانه قوى وباى حال الاسبيرانزا لو حالتها كويسه هتبقى احسن من الاثنين

**mido51eg** · 14-06-2012 12:48 PM

اشتريت عربية اسبيرانزا 516 من واحد صاحبي موديل 2007 بـ 48000 جنيه في ديسمبر 2010 وكانت عاملة ساعتها 14000 كم وكنت مشتريها لأخت المدام. العربية فعلا ممتازة جدا كأداء زي ما الأخ الكريم hugan تفضل وقالك ، كانت ليا ملاحظة واحدة بس وانا بسوقها وهي ان فيه عضة او "دئرة" خفيفة في الغيار الثالث بس لكن صاحبة العربية مش فارق معاها الحكاية دي ومبسوطة جدا من العربية. توكل على الله العربية جميلة بالنسبة لثمنها.

**vissionplus3** · 15-06-2012 05:28 PM

يا مسهل يااارب ...ادينا بندور

**ezzdabo** · 26-06-2012 01:36 AM

لو بتفكر جديا يوجد 516 موديل 2008 راسلنى على الخاص

**mero.m** · 27-06-2012 06:10 PM

بص حضرتك العربيه رائعه و عائليه وكمان شبابيه فى نفس الوقت
انا حضرتك معايا العربيه شاريها من اخويا ماشاء الله عليها......بس انا عن نفسى مش بشجع حوار المستعمل الا لو حضرتك هاتشتريها من حد مضمون تعرفه.يا رب اكون افادتك.....

**A7medelfe2y** · 26-07-2012 04:30 PM

راجع نفسك واستخير ربنا

**hemaa_82** · 27-07-2012 10:58 PM

المشاركة الأصلية كتبت بواسطة a7medelfe2y

راجع نفسك واستخير ربنا

فكرتني بالمسرحية لما الراجل طلع و قال " خاف الله خاف ..... القوي في الاقوي منه " :)

كل سنة و انتوا طيبين ....

اهم حاجة للاخ صاحب الموضوع ...اكشف كويس ... حتي لو هتشتري بي ام ولا مرسيدس ... اهم حاجة تكشف كويس علشان ولا ينضحك عليك و لا تفتكر ان اللي باع لك هوه اللي ظلمك ... اكشف كويس و بعدين اللي ربك رايده هيكون ان شاء الله ...
و ان شاء الله ربنا يكرمك بحاجة تبسطك