مولد للطاقه الكهربية يعتمد فى توليد الطاقة كلية على الجاذبية الارضية

**A.samy** · 03-06-2012 01:54 AM

المشاركة الأصلية كتبت بواسطة mohammedabdallh

انتوا عارفين كدا ممكن نستغنى عن البترول شبه نهائيا

محدش هيسمح انك تستغنى عن البترول دى مصالح عليا الموضوع ده لايمكن يشوف النور

**grand hand** · 03-06-2012 01:58 AM

فكرة اختراع زى ده محتاج طاقات بلد ومراكز بحثية تشتغل عليه لحد ما يطلع للنور
ايد لوحدها متسقفش

**lanos2004** · 03-06-2012 02:28 AM

انا كمان اخترعت جهاز يولد الكهرباء عن طريق الذباب ونقطه العسل
الفكرة عبارة عن مولد توربينى وزنه لايتعدى 7 جرام وله حلقه دائريه تعلق الذبابه على احد اقطار الحلقه وفى المقابل نقطه العسل
وبينهما فاصل يرفع عندما نرغب فى بدايه تشغيل المولد الكهربى
عند ازاله الفاصل وترى الذبابه نقطه العسل وتنجذب اليها--بديل الجاذبيه الارضيه-
تبدأ فى الدوران وتتولد الطاقه عن طريق الحركه الذبابيه -مولدة طاقه بذبذبه قدرها ذبابه واحدة
ولرفع قدرة المحرك -ليناسب مع الاجهزة التى تعمل على خمسين الى ستين ذبذبه فى الثانيه
يتم الاستعانه بخمسين ذبابه اخرى-وتكفى نقطه عسل واحدة-لتوليد الطاقه الكافيه
-يحذر استعمال البيروسول -لضرره الكامل على المولد

**mr_vampire** · 03-06-2012 02:56 AM

المشاركة الأصلية كتبت بواسطة lanos2004

انا كمان اخترعت جهاز يولد الكهرباء عن طريق الذباب ونقطه العسل
الفكرة عبارة عن مولد توربينى وزنه لايتعدى 7 جرام وله حلقه دائريه تعلق الذبابه على احد اقطار الحلقه وفى المقابل نقطه العسل
وبينهما فاصل يرفع عندما نرغب فى بدايه تشغيل المولد الكهربى
عند ازاله الفاصل وترى الذبابه نقطه العسل وتنجذب اليها--بديل الجاذبيه الارضيه-
تبدأ فى الدوران وتتولد الطاقه عن طريق الحركه الذبابيه -مولدة طاقه بذبذبه قدرها ذبابه واحدة
ولرفع قدرة المحرك -ليناسب مع الاجهزة التى تعمل على خمسين الى ستين ذبذبه فى الثانيه
يتم الاستعانه بخمسين ذبابه اخرى-وتكفى نقطه عسل واحدة-لتوليد الطاقه الكافيه
-يحذر استعمال البيروسول -لضرره الكامل على المولد

بصراحة لا تعليق افضل....

**besso** · 03-06-2012 03:18 AM

طول مافيه بترول مافيش بديل يقدر يمحيه

اذا كان كان فيه مخترع امريكى عمل محرك مغناطيسى دائم الحركه
زى المحرك الكهربى العادى بس بدل الملفات الكهربيه حطوا مغناطيسات صغيره بزوايا معينه
وبقى دائم الحركه وسرعته عاليه كمان
لكن تعرفوا انو ممنوع صناعته او تداوله اساسا لانه هايقضى على البترول

انا وواحد صاحبى عندنا فكره اختراع عن محرك يعمل بالهواء
تصميم جديد وبسيط وغير مكلف
لكن وبعدين

الدول اللى تقف لاختراع زى ده لازم تكون دوله ذات نفوذ عاليه

ومحدش يقدر يقف قصادها ولقمتها مش تحت ايد حد

**m7mda7md** · 03-06-2012 03:22 AM

بيسو تخيل واحد صاحبي نفذ فعلا المولد ابو مغناطيسات بس ده من شهور بس مش عارف يعمل بيه براءه‏!‏!!!....اخيرا عرفت السبب....حسبي الله و نعم الوكيل

**m7mda7md** · 03-06-2012 03:24 AM

و يا ريت محش يهزأ بالكلام لأني معاه في الحوار من بدايته تقريبا و وراني الرسومات و كنت معاه في اسكندريه و هو بيلف ع المغناطيسات المطلوبه....بس للأسف واضح ان كل ده ممكن يروح هدر ....يا تري ده يرضي مين

**besso** · 03-06-2012 03:31 AM

والله الاختراعات كتييييييييييييييييييييييي يييييييييييييييييير
اكتر مما تتخيلو فى مصر وغيرها من البلاد
لكن المدعوق الاسود اللى اسمه البترول ده هو دلوقتى فعلا الذهب الاسود

بجد انا مقدرتش حقيقه الاسم غير لما عرفت اخره الاختراعات دى

ذهب للى معاه واسود على اللى مش معاه

انا بقى اقدت احاول اعمل المحرك بتاع المغناطيسات ده بايدى كده او حتى حاجه بالتقريب لانى مكنتش مصدق انى ممكن اولد حركه من يعتبر لاشىء
بس معرفتش
لكن الحمد لله عرفنا نعمل ماكيت مصغير لمحرك الهواء انا وصاحبى

اه صح
وزير المنوفيه الله يمسيه بالخير كان حول مقر الحزب الوطنى فى شبين الكوم اللى مركز اسمه مركز الابداع والتنميه
وان المركز ده فيه خبراء ودكاتره فى الجامعات بيقعدوا مع الى عندوا فكره ويسمعوه

هو جه فى برنامج قبل كده وكان جايب معاه الراجل اللى اخترع محكر جرار زراعى بيشتغل بالهواء

فاركينه كان فيه مووع عنه هنا فى المنتدى والمحافظ نفسه ساعده لحد ماخد براءه الاختراع محليا لكن دوليا مكانش لسه وصل ليها
قول لصاحبك يا استاذ m7mda7md يروح للمركز ده يمكن يكون في المركز ده الخير

**m7mda7md** · 03-06-2012 09:45 AM

يا جدع دي حاجه تنقط....لولا خيانه الامانه كنت قولتلك رسمه الموتور بالمغناطيسات...و غير كده هيغتالوني ههههههههههههههه

**البرنس** · 03-06-2012 12:04 PM

علي فكرة هو مش أول واحد يعمل حاجة زي كده الموضوع ده منتشر بره و بيسموه ال Free Energy و بغض النظر عن هل هو حقيقي أم مجرد هذي لأن الجدل في الموضوع ده مبيخلصش حاجة زي كده فعليا إستحالة أباطرة البترول يسمحوا بتنفيذها مش علشان الفلوس بس علشان يفضل متحكم في الناس و يقدر يسيطر عليهم, كنت شفت من فترة فيلم وثائقي إسمه Thrive موجود علي اليوتيوب و كان بيقول فيه إن الناس اللي كانت بتعمل أي حاجة في موضوع ال Free Energy ده كانت بتتحارب و بتتعرض لحملة تشوية كبيرة جداً من الحكومة و كانوا بيتعرضوا للعنف و الإغتيالات كمان فلو الموضوع إشتغاله ليه بيتعمل معاهم كل ده و بعدين فيه أفكار جديدة المفروض نديها فرصة و منهاجمهاش إحنا لأننا إحنا اللي ممكن نستفيد, طب لو قلت لحد إن كان ممكن الكهرباء تمشي من غير سلوك و إننا كان ممكن ناخد الكهرباء من الهوا زي الواي فاي بالظبط, أكيد هيقول عليا مجنون و بهذي بس لأ الموضوع ده فعلا كان فيه عالم قدر ينفذه و كان ناوي يعمله علي إطار كبير عن طريق برج إسمه ال Wardenclyffe Tower و ده كان هينور مدينة بحالها بالكهرباء من غير أسلاك نهائي بس برضه الناس حاربته و الناس أصحاب مصانع الأسلاك النحاسية وقفوله في الموضوع و حاربوه و كان فيهم واحد بيمول العالم ده و بعد كده إمتنع عن التمويل لما عرف الموضوع و بعد كده الموضوع دخل في طي النسيان العالم ده إسمه Nikola Tesla دا راجل من أعظم الناس في تاريخ البشرية