طبعا العنوان واضح امبارح طالع وراكب الدائرى عادى مافيش اى مشاكل خالص وجيبت 100 120 ولقيت عربية قدامى فباخد غرزة من جنبها الاقى اية ينهاررررررر ابيض شكارة مليانة طوب مرمية فى وسط الطريق طبعا روحت مدى غرزة على الغرزة اللى كنت عاملها اصلا وكانت سرعتى وصلت 130 كم وبينى وبين الشكارة متر واحد والحمد لله خدت غرزة فى الحارة اللى جنبها بنفس السرعة لان ماكنش فيها فرامل كان لازم يتعمل كدة والحمد لله محستش بأى حاجة غير انى تفاديت هذة المصيبة اللى مرمية فى طريق سريع زى دة والصراحة كان نفسى انزل اشيلها بس انسى الطريق سريع وهركن العربية فين وانزل وامشى قد اية بجد اهمال مابعدة اهمال واستهتار بحياة المواطنين , وبجد الحمد لله السيارة تجاوبت معايا بمنتهى السلاسة والاتزان

ابقوا خلوا بالكوا ياجماعة لان فعلا الناس دلوقتى بترمى اى حاجة فى اى حتة

وربنا يستر طريقنا