افيدونى : بعض الاستفسارات عن رينو فلوانس

**mody3on** · 04-06-2012 05:51 PM

مشاكلها مش كتير , تكييف ضعيف وتسارع بطئ , بس هي بتوصل توب سبيد كويس ومش بطة اوي زي الفانتازيا مثلا , عفشة مش ممتازة زي الفوكاس والجولف ( تورشن بيم ) وبالتالي مش رياضية خالص , ناعمة بس الفتيس 4 سرعات بس للاسف , بس سعرها كويس بالنسبة للاوروبي والاوبشن اللي فيها ( الجولف مثلا ) , توكيل كويس , خامات كويسة جدا , اعتمادية متوسطة مش كويسة اوي ولا وحشة اوي , وسائل كمان كويسة ( انصحك باعلى فئة عشان فيها ايرباجات جانبية ) وللاسف مفيهاش esc حتى في اعلى فئة , اوبشن كتير اوي اوي في اعلى فئة , push to start , كارت للدخول , بلوتوث ( مش متاكد) , جنوط 16 , حساسات نور ومطر , مثبت ومحدد سرعة , تكييف امامي وخلفي , باركينج سينسور ( مفيش كاميرا للاسف برضه )
بس انصحك بالميجان , شكل رياضي اكتر وفرنساوي مش تركي

**Ultramisho** · 06-06-2012 01:53 AM

الزملاء قالوا المختصر المفيد بصراحة
هي تقفيلها حلو وصالونها واسع وشكلها جميل
لكن سحبها في الطلعة بطييييئ وتكييفها مش قوي
أما الاوبشنز ووسائل الأمان ففيها كتير زي غيرها بنقس سعرها السيراتو مثلا
لو مابتجريش وبتفوت من العربيات ومابتحبش التكييف الساقع لكن عاوز صالون واسع وشكل حلو هتنفعك
لو العكس مش هتحبها وارشحلك السيراتو او الالنترا الحديدة بس فول اوبشنز الفرق عن الموديلات الأقل تمنه فيه
على فكرة انا برضه ماعنديش العربية لكني مقتنع من الي قلته من تعليقات ناس عندها العربية
والله اعلم

**midobond** · 06-06-2012 02:25 PM

المشاركة الأصلية كتبت بواسطة ultramisho

الزملاء قالوا المختصر المفيد بصراحة
هي تقفيلها حلو وصالونها واسع وشكلها جميل
لكن سحبها في الطلعة بطييييئ وتكييفها مش قوي
أما الاوبشنز ووسائل الأمان ففيها كتير زي غيرها بنقس سعرها السيراتو مثلا
لو مابتجريش وبتفوت من العربيات ومابتحبش التكييف الساقع لكن عاوز صالون واسع وشكل حلو هتنفعك
لو العكس مش هتحبها وارشحلك السيراتو او الالنترا الحديدة بس فول اوبشنز الفرق عن الموديلات الأقل تمنه فيه
على فكرة انا برضه ماعنديش العربية لكني مقتنع من الي قلته من تعليقات ناس عندها العربية
والله اعلم

السيراتو قافلنى منها انتشارها الغريب دى بقت اكتر من اللادا ف البلد غير كده تقفيلها و خاماتها مش عاجبانى بالمرة و هى تتفق مع الالنترا فى اكتر عيب انا بكرهه انعدام الثباااات

**Ultramisho** · 08-06-2012 01:19 AM

المشاركة الأصلية كتبت بواسطة midobond

السيراتو قافلنى منها انتشارها الغريب دى بقت اكتر من اللادا ف البلد غير كده تقفيلها و خاماتها مش عاجبانى بالمرة و هى تتفق مع الالنترا فى اكتر عيب انا بكرهه انعدام الثباااات

ردك الكريم على كلامي السابق معناه ان اولوياتك التقفيل والثبات مش التكييف والسحب
وفي التقفيل والثبات الفلونس تكسب
ربنا يوفقك في اختيارك الي يناسب رغباتك
تقبل تحياتي

**memo823000** · 08-06-2012 02:14 AM

الفلوانس افضل عربيه فى نفس الفئة السعرية 150 الف
وبتزيد عن الفئة 142 فى فتحة السقف والبارك سنسور فقط
وطبعا فيها من الاوبشن ما للذ وطاب فتوكل على الله ومشهتندم ان شاء الله

**Ahmed_selmy** · 08-07-2012 03:13 PM

مشكلتها اللى مقلقانى موضوع النتشه اللى فى الفتيس واللى مش عارفينلها حل
وفيه منهم قال ان النتشه بتكون شديده شويه بين الاول والتانى
بصراحه الموضوع ده مقلق جدا , ياعنى انا اروح ادفع 142,000 جم علشان اجيب عربيه فتيسها بينتش
انا كنت مقتنع بيها جدا بس لما دورت فى النت وفى مواقع سيارات كتير لقيت الموضوع ده واضح اوى ومش حاله فرديه
بس كمجمل غير موضوع الفتيس ده العربيه فوق الممتازه

**McLaren2012** · 09-07-2012 12:28 AM

المشاركة الأصلية كتبت بواسطة mody3on

مشاكلها مش كتير , تكييف ضعيف وتسارع بطئ , بس هي بتوصل توب سبيد كويس ومش بطة اوي زي الفانتازيا مثلا , عفشة مش ممتازة زي الفوكاس والجولف ( تورشن بيم ) وبالتالي مش رياضية خالص , ناعمة بس الفتيس 4 سرعات بس للاسف , بس سعرها كويس بالنسبة للاوروبي والاوبشن اللي فيها ( الجولف مثلا ) , توكيل كويس , خامات كويسة جدا , اعتمادية متوسطة مش كويسة اوي ولا وحشة اوي , وسائل كمان كويسة ( انصحك باعلى فئة عشان فيها ايرباجات جانبية ) وللاسف مفيهاش esc حتى في اعلى فئة , اوبشن كتير اوي اوي في اعلى فئة , push to start , كارت للدخول , بلوتوث ( مش متاكد) , جنوط 16 , حساسات نور ومطر , مثبت ومحدد سرعة , تكييف امامي وخلفي , باركينج سينسور ( مفيش كاميرا للاسف برضه )
بس انصحك بالميجان , شكل رياضي اكتر وفرنساوي مش تركي

مشاركة متميزة من حضرتك كالمعتاد..بس أنا سألت التوكيل قالولى أن الميجان 3 هى هى الفليونس بس هاتش باك و تقفيل تركى برضه مه بعض إختلافات فى الأوبشن و أغلى عشان هاتش باك

**aly_elhawary** · 01-08-2012 11:53 PM

المشاركة الأصلية كتبت بواسطة memo823000

الفلوانس افضل عربيه فى نفس الفئة السعرية 150 الف
وبتزيد عن الفئة 142 فى فتحة السقف والبارك سنسور فقط
وطبعا فيها من الاوبشن ما للذ وطاب فتوكل على الله ومشهتندم ان شاء الله

البارك سنسور مش موجود فى الفئة اللى بـ150 موجود فى الـى بـ 167 الف