أيهم أفضل نوع كاوتش؟

**Ahmad** · 17-06-2008 11:09 AM

سلام عليكم,

أنا ناوي ان شاء الله أشتري كاوتش جديد للانسر. و أمامي عدة اختيارات أرجو أن تساعدوني فيها و هي:

1. Dunlop
2. Hankook
3. GT Radial

أ/سبعاوي رشح لي قبل كدة ال GT. بس لما سألت عليها وجدتها أرخص نوع في الثلاثة المتاحين أمامي. يا تري ما السبب؟ هل ال dunlop و hankook أفضل حاليا؟ و سمعت أيضا أن الموجود حاليا انتاج قديم. هل هذا صحيح؟

الDunlop معروفة أنها كويسة,جربتها قبل كدة في السكودا بس حسيت أنها ثقيلة شوية و كانت ملحوظة في ثقل الدركسيون لانها ما كانتش باور.

أنا ميال للHankook بصراحة . هل يوجد أي شكوي منها تعرض لها أحد الأخوة هنا في المنتدي؟

شكرا

**Ahmed Selim** · 17-06-2008 11:23 AM

حسب معلوماتى المتواضعة أحسنهم الدانلوب و الجى تى ثم الهانكوك

تاريخ أنتاج الكاوتش بيبقى مكتوب على كل فردة و لازم ميكونش عدى عليه سنتين من ساعة ما تم أنتاجه لحد لما تركبه

4002 ده معناه أنتاج الأسبوع رقم 40 سنة 2002

و حضرتك مبتفكرش فى بريدجستون ( أندونيسى و طبعاً يبقى أحسن لو يابانى بس بيبقى أغلى )

أنا جربت مرة الجى تى بس زمان و كانو كويسين وسمعت كلام مش ظريف عن الهنكوك

البريدجستون ( أندونيسى و يابانى وتركى بس لو لقيته ) كويسين جداً

**Eng.Ahmed** · 17-06-2008 11:43 AM

انا جربت الهانكوك قبل كده فى عربيتين، انا شايف انه كويس اوى.

**medohai510** · 17-06-2008 12:35 PM

الدانلوب كاوتش كويس جداً وماركة مشهورة عالمياً وبعد ذلك الهانكوك ويليه الجي تي، وممكن تشوف الكومهو الكوري أنا سمعت أنه حلو جداً وأكيد أرخص من البريدجستون.

**chihab18** · 17-06-2008 02:58 PM

http://www.nilemotors.net/Nile/showthread.php?t=23174
انا اشتريت ماكسس 210/70/14 الفرده 270 جنيه تلايدندي
والهانكوك نفس المقاس ب300 جنيه والكومهو 350 جنيه والبريدجتسون 460 جنيه دي اسعار يوم 17/6/2008

**harphosh** · 17-06-2008 03:08 PM

الماكسس لإطار تايلاندى جيد جداً يربو إلى الممتاز يمتاز بإنه طرى وفرده الكاوتش بتتحمل بدرجة جيدة وسعره معقول جداً فى حدود 250 الفردة مقاس 185/70/14 وأنا جربته وأنصح بيه

**mohamed ibiza** · 17-06-2008 03:11 PM

المشاركة الأصلية كتبت بواسطة harphosh

الماكسس لإطار تايلاندى جيد جداً يربو إلى الممتاز يمتاز بإنه طرى وفرده الكاوتش بتتحمل بدرجة جيدة وسعره معقول جداً فى حدود 250 الفردة مقاس 185/70/14 وأنا جربته وأنصح بيه

كلام مظبوط و 100 100 انا اشتريت 4 فرد maxxis للمرسيدس و الراجل شكرلي فيه جدا جدا و شكلها فرد نضيفة اما الانواع المعروضة اشدهم dunlop و gt و البريد جيستون طبعا لا يعلي عليه و مبجيبش غيره للابيزا

**Ahmad** · 17-06-2008 03:34 PM

المشاركة الأصلية كتبت بواسطة harphosh

الماكسس لإطار تايلاندى جيد جداً يربو إلى الممتاز يمتاز بإنه طرى وفرده الكاوتش بتتحمل بدرجة جيدة وسعره معقول جداً فى حدود 250 الفردة مقاس 185/70/14 وأنا جربته وأنصح بيه

كلامك صح عن الماكسيس. بس علشان هو كاوتش طري , فطلع عليه سمعة انه بيتمسح بسرعة. أعتقد أنا قرأت الكلام دة هنا في المنتدي قبل كدة.

**Ahmad** · 17-06-2008 03:38 PM

المشاركة الأصلية كتبت بواسطة mohamed ibiza

كلام مظبوط و 100 100 انا اشتريت 4 فرد maxxis للمرسيدس و الراجل شكرلي فيه جدا جدا و شكلها فرد نضيفة اما الانواع المعروضة اشدهم dunlop و gt و البريد جيستون طبعا لا يعلي عليه و مبجيبش غيره للابيزا

فعلا يا محمد البريدجستون لا يعلي عليه. بس انا بحاول أدور علي best value for money. يعني لو لقيت حاجة قريبة من جودة البريدجستون و أقل منه في السعر, يبقي تمام جدا :)