كل ملاك ال 92-95 يدخلوا هنا

**AHMED_HAMDY** · 03-06-2012 10:45 AM

السلام عليكم ورحمه الله وبركاته

صباح الخير على احلى هنداااااااااااويه في الدنيا
كان في صاحبنا arabmarket عمل موضوع باسم ماذا لو أعادت هوندا انتاج موديلات التسعينات مره تانيه ؟
طبعا شوفنا اراء الناس كلها واناكان رايي ان الفرش الداخلي للبيابان يتغير
واستاذ سامح قال يا ريت يتسع ليسمح ل زجاجه مياه وكدا
ففي واحد صاحب واحد صحبي من العاشر من رمضان معاه سيفيك 92 gsr
صورها عندي فوانا بقلب لقيت الصوره دي
فالفرش الداخلي للباب سهل التعديل فيه وبيبقى تعديله نضيف ولا لاء

يا ريت اسمع رأي استاذ سامح
بس هوه هنا مخلاش مكان اصلا تحط فيه حاجه شوفلك بقى انت مكان لزجاجه الميه
ودي بقيت الصور للعربيه للي حابب يتفرج
بس الاول العربيه gsr معمول السقف بانوراما
عفشه اس اي ار كامله مرايات bmw floating
من جوه الفرش كله ريكارو وفيها شغل حلو ما شاء الله
عربيه نظيفه بجد وربنا يسترها ويبارك لصاحبها فيها

**SAMEH_FOUAD** · 03-06-2012 10:58 AM

ماشاء الله العربية نظيفة اوى من جوة

على فكرة ياجماعة انا عندى حل لكل حاجة مش موجودة فى العربية

يعنى انت لو مش عاجبك الفرش القماش اللى بينزل فى الباب حط علية فرش جلد مبطن وانسى

واللى عايز تكون الابواب فية مكان اوسع يشيل زجاجة مياة عندة حامل الاكواب اللى جنبة ممكن يحطها فية , او مايشربش اصلا مش لازم بشرب حتى مراعاة لامان الطريق هههههههه

اى حاجة تانية مهما كانت بتتركب عادى بس مكلفة طبعا

يعنى فية تعديل بيتعمل فى التابلوة بينزلوا لوحة تحكم التكييف تحت وبيزودا جزء بسيط جدا وبكدة بقى عندك مكان للشاشة

اى حد نفسة فى حاجة يقولى وان شاء الله هقولة حلها بس ادفع يابرنس

**AHMED_HAMDY** · 03-06-2012 11:34 AM

طيب يا استاذ سامح بس الجلد في اغلب الحالات بتشقق :)) :)) دي المشكله بجد انا عن نفسي نفسي اخلي الباب من جوه زي ال 97 كدا ينفع ولا لاء او ايه اللي يخليني اقرب من شكل ال97

**SAMEH_FOUAD** · 03-06-2012 12:06 PM

المشاركة الأصلية كتبت بواسطة ahmed_hamdy

طيب يا استاذ سامح بس الجلد في اغلب الحالات بتشقق :)) :)) دي المشكله بجد انا عن نفسي نفسي اخلي الباب من جوه زي ال 97 كدا ينفع ولا لاء او ايه اللي يخليني اقرب من شكل ال97

طيب مابتاع السيفيك ال97 قماش بردة ونفس الخامة

**AHMED_HAMDY** · 03-06-2012 12:57 PM

هيا المرايات دي جايبها ب 1800 تقريبا
والافوره اللي انت بتقول عليها دي بتبقى طبعا ازواااااق وهوه عاجبه الشكل يبقى كدا
بس السقف انه يبقى بانوراما جاااااامد بصاحه وكلفه كثييييييييييير بجد
يا استاذ سامح انا فقصدي شكل الباب يبقى زي الباب ال 97 من جوه مش كخامه يعني مثلا المسوجر بتاع الا 92 اكثر حاجه مكرهاني في الباب كان نفسي يبقى جمب الاكره مثلا والمكان اللي بتشد منه الباب يبقى اكبر شويه
طيب الصوه دي قولولي رايكم فيها
ده عباره عن ايه ؟؟؟؟؟؟ الطابلوه والفرش كامل

**AHMED_HAMDY** · 03-06-2012 01:04 PM

يا عم دي 97 انت هيست ولا ايه مش دي الي صورها فووووووووووووووووق

**SAMEH_FOUAD** · 03-06-2012 01:52 PM

المشاركة الأصلية كتبت بواسطة ahmed_hamdy

هيا المرايات دي جايبها ب 1800 تقريبا
والافوره اللي انت بتقول عليها دي بتبقى طبعا ازواااااق وهوه عاجبه الشكل يبقى كدا
بس السقف انه يبقى بانوراما جاااااامد بصاحه وكلفه كثييييييييييير بجد
يا استاذ سامح انا فقصدي شكل الباب يبقى زي الباب ال 97 من جوه مش كخامه يعني مثلا المسوجر بتاع الا 92 اكثر حاجه مكرهاني في الباب كان نفسي يبقى جمب الاكره مثلا والمكان اللي بتشد منه الباب يبقى اكبر شويه
طيب الصوه دي قولولي رايكم فيها
ده عباره عن ايه ؟؟؟؟؟؟ الطابلوه والفرش كامل

شوف ياباشا هية بالذات الفرق مابين الجيل الخامس والسادس من حيث الشكل دة ازواق يعنى فية ناس بتحب شكل الجيل الخامس جدا على الجيل السادس , وناس العكس

وناس بتحب جدا تابلوة الجيل السادس عن الجيل الخامس وناس العكس لانى ركبت الجيل السادس كتير وماعجبنيش زى الجيل الخامس مش عارف بقى دة تعود ولا لأ
لكن اللى عجبنى شكل تابلوة الجيل السادس بتاع موديل 99-2000

فهية مسألة ازواق فى العربيات وعموما دلوقتى مافيش حاجة صعبة اى حاجة بتتغير كل شىء بقى متاح