السلام عليكم
اتمنى تكونوا بخير
عاملين اية فى الحر القاتل دة
انا حبيت اقولوكوا انه بحمد الله انا رحت السبع قابلت مهندس محمد عمر هو راجل بصراحة مش عاوز اقوللكوا قد اية زوق وطبعا الاستاذ احمد وزير نيسان فى المنتدى كان مهيئ الجو ومكلم الناس ومظبط الدنيا زى ما قولتلكوا
واليكم ما حدث :
انا رحت انا وصديقى دكتور ياسر الصبح الساعة 10:30 قابلنا محمد عمر على طول طلعنا مكتبة حكتلة القصة قالى طب تعالى نبص على العربية بص عليها وطلعنا جربناها قالى بص الفروقات انا هظبطهالك بس عشان افك المكنة وكده انا شاي ان هى مش مستاهلة وكمان لو ما ظبططتش نبقى نشوف الموضوع دة حلو الكلام :)
دخلنا بالعربية الورشة جاب واحد مهندس وفنى قالة تفك صدر الاكصدام وتظبطة وتظبط الفروقات كلها وتكلمنى انزل ابص عليها وهذا ما حدث قدعنا انا وصديقى فى الاستراحة وطبعا مش شايفين العربية لحد لما بعد ساعتين كده خرجت متظبطه الفروقات والفانوس اتظبط مكانة وكل حاجه تمام من برة ، قولنا نجرب طلع معانا جربنا العربية كانت بترمى شمال شوية ، قالى هندخلها تظبط زوايا دخلنها عن بتوع كيا لان السبع مب بقاش عندوا جهاز ، قعدت بتاعة ييجى ساعتين كده ولا حس ولا خبر، دخلنا انا وصديقى الراجل بتاع كيا الامن قالنا الصنايعى بتاع الزوايا بينتخب وما جاش - امال سايبنا لية دا كلة - المهم رحنا لمهندس عمر تانى قالى يا باشا انا الى هدخل اظبطها زوايا بنفسى مش عاوز اقولوكوا كنت هسيب العربية وامشى من الاحترام....
المهم ياسادة يا كرام اتظبطط وطلع معايا تانى يجرب وجربنا وقالى انا مش هسلمك العربية غير لما تعجبنى الراجل دة بصراحة ربنا يكرمة يعنى ويجعلة فى ميزان حسناتة فى النهاية اخدنا العربية.
المهم يا سادة خلينى اقولكوا على معلومة انا اول مرة اعرفها اولا عشان يظبط الزوايا ظبط الهوا بتاع الكاوتش على 50!ّ ايون 50 لية ما اعرفش ا الى اكتشفتة لما رحت اظبط هوا بعد كده لان العربية كانت مش مظبوطة.
المهم وفى النهاية انا سعيد وعربيتى مبسوطة هى كمان :)
ووعدتها انى اروح اركبلها الفرش الى بقالى ييجى شهرين حاجزة عن جينز كار ومش فاضى اروح اركبة
وختاما اقولمن خطبة السادات فى لقائة مع القضاةاقتباس:
إننا أسيادمصيرنا وقضاة قضيتنا . . نحن الذين نقرر ونحكم . ولا يقرر أحد ولا يحكم لنا أحد ،وإذا كان ولابد فلنمت ونحن وقوف ورؤوسنا عالية .
وما ضاع حق ورائة مطالب والف شكر احمد والف شكر اعضاء المنتدى الكرام والف شكر مهندس محمد عمر من السبع.