الموضوع: مشكلة مع السبع

السلام عليكم ورحمة الله وبركاتة

اتمنى تكونوا بخير
انا زى ما البعض عارف عملت حادثة بعربيتى من 8 شهور كده وبعدين وديتها السبع
المهم العربية فضلت هناك 3 شهور لعدم توافر قطع الغيار
انا عربيتى تيدا ميكسيكى هاتش باك 2011 المهم اخيرا قطع الغيار جت وبداو يشتغلوا بعديها بحوالى اسبوعين استلمت عربيتى طبعا مضونى على الورق قبل ما ابص على العربية ولا حتى يدونى المفتاح
المهم انا بصارحة ما عنديش خبرة كبيرة فى الموضوع دة المهم خلصت الاجرائات واخدت العربية وجة المهندس معايا نجربها
قولتلة العربية بتحدف شمال
قالى بس اظبط الهوا اصل انا كان عندى نايتروجين قالى ظبطة وبعدين هتتظبط معاك
المهم ظبطة وما اتظبططتش وانشغلت ابويا تعب شوية وانشغلت معاة لمده 5 شهور الى ان توفاة الله من 3 اسابيع.

واحد صاحبى لفت نظرى وقالى ان العربية فيها فرق من ناححية الشمال

عشان الخبطة كانت فى الناحية الشمال وغيرو فيها فانوس واكصدام وكابوت والحديدة الى ورا الاكصدام المهم قولت طيب اروح اشوف الموضوع دة واشوف الحدفة الشمال
رحت بقولهم حصل كذا وكذا قالى لا قبل حتى ما يبص ولا يرفع لا مش من عندا دى حدثة جديدة عشان الاكصدام بتاعى من ساعة ما جبت العربية بعد الحدثة بيفتح لوحدة من ناحية الشمال
وفى شوية خاربيش وحكات العادى فى مصر يعنى
قالى لا دى حادثة وجاب مدير الورشة الراجل بكل عنجهية قالى اه دى حادثة انا مستحيل اطلع عربية كده
قولتلة ماشى لو حادثة فن اثرها وكمان انا هشتغلك لية انا مأمن على عربيتى ومش هدفع مليم واحد فى حادثة او مش حادثة

قالى حاثة وروح لاى حد وهو هيقوللك كده قولتلة والله ما حادثة انا بركب العربية انا بس ومافيش الى بتقولة دة حصل

المهم اتخنقت سبتهم وطلعت على سمكرى معرفة فى حلوان كان شغال فى توكيل قبل ما يفتح ورشة قالى بص ورانى حديدة كده جوة بعد الاكصدام ملووحة قالى دى السبب قولتلى طيب دى من اية قالى العربية دى كان فيها شغل قديم هما غيروا حاجات وما استعدلوهاش هى دى الى عاملة كل المشاكل دى حتى الحدفة الشمال

انا مش عارف اعمل اية افيدونى افادكم الله