الموضوع: هذا الصباح

المشاركة الأصلية كتبت بواسطة abokoko

دورت العربيه شميت ريحة شياط زيت ( كان الزيت بيتحرق ) بصيت على الموتور من اعلى ومن ناحية فرن الشكمان - كله عادى الريحة بختفتى وتيجى ويمكن بتزيد مع الدوسة على البنزين
مشيت وانا فاتح الكبوت لقيتها زادت شويه وخفت
ودلوقتى هى خفيفه جدا
عديت على الميكانيكى - وحكيت له اللى حصل بالاضافه الى ان العربيه الاسبوع الماضي كنت باستخدم العربيه قليل جدا ومنهم يومان متتالين بدون تشغيل
شغلنا العربيه وقال لى زود بنزين - قال العربيه من الركنه مطلعة دخان ومياه من الشكمان
قلت له انا مش بشتكى من شكل الدخان لكن باشتكى من ريحة الزيت اللى بيشيط او بيتحرق
اخد زيت من مقاس الزيت على صوابعه
وقال الزيت خفيف جدا ولزوجته وحشه
وقال غير الزيت
قلت له الزيت مفروض بيعمل 5الاف وانا 2 مره استخدمه وكنت هنزله على 3 الاف
وهو حاليا حوالى 700 كيلو فقط
قال لى خليه يكمل الالف وغيره لانه وحش ومفيهوش لزوجه

الزيت ليكوى مولى - سوبر فورميلا -
دى تانى مره استخدمه
بس فى المرة الاولى كنت مستخدم معاه اضافه تحسين الزيت

هل اغير الزيت
واغيره دلوقتى ولا استنى لما يكمل الالف ولا اعمل ايه
معذره للاطاله لكنى حبيت احكى القصه كامله
؟؟؟

سؤال يا باشا، هل انت شخصيا لاحظت قلة لزوجة الزيت ولا الميكانيكي علشان ممكن يكون من الفتايين

المشاركة الأصلية كتبت بواسطة abokoko

فى الاول انا جربت الزيت بين صوابعى وشميته
لزوجته حسيته اقل من الاول والغريب كمان كان كانى الزيت فى شوائب
وكان عندى نص كيلو جديد واخدت نقطة وجربتها بنفس الطريقه بين صوابعى
وكان فى فرق طبعا
بس علشان انا مش خبير
روحتت للميكانيكى اللى بتعامل معاه ورأيه هو اللى حكيته

طيب معلش هاتعبك، العربية نوعها إيه وموديل كام وحالة الموتور إيه ؟؟

المشاركة الأصلية كتبت بواسطة abokoko

لادا 2107 - موديل 2007م
111 الف كيلو
حالة الموتور - معنديش شكوى منه
انا تانى يد من سنتين وكنت واخدها عاملة 89 الف ومعرفش عملت عمره او نص عمره او لا
عن نفسي غيرت لها كاوتش غطا الموتور لما ظبطت تاكيهات
الموتور مش بيدخن مع الزيت الحالى او اللى قبله

أنا مستغرب، هو أكيد فيه مشكلة يا من الزيت يا الموتور، انا بس صعبان عليا أقولك غير الزيت وجرب علشان خسارة، أنا رأيي تروح المحطة اللي بيتغير فيها ليكوي مولي أنا مش عارف مكانها فين بالضبط وتشوف ممكن يكون الزيت مضروب