ممكن الافاده بخصوص معرض ميدو كار امام انبي؟؟؟

**farfora20082008** · 03-06-2012 05:18 PM

السلام عليكم

أتمني ان يكون ده القسم المناسب للموضوع والموضوع ليس اعلاني خالص والله

انا شوفت كتير من الاعلانات عن السيارات المستعمله مكتوب " ميدو كار مدينه نصر " وتقريبا بتكون عربيات من الفئه العاليه زي باسات - بي ام - اوكتافيا وكده

انا بس كنت حابب اسأل هل المعرض ده ثقه ؟ حد يعرف حد هناك ؟ ايه اللي المفروض الواحد يعمله لما هيكون هيشتري عربيه مستعمله من معرض زي ده !!!
وتقريبا المعرض بيكون طالع بنسبه كام مكسب في العربيه : قصدي لما افاصل افاصل في كام ؟

ولو حد عنده اي نصيحه اكون شاكر

وادعولي لو سمحتوا

**farfora20082008** · 05-06-2012 12:37 AM

غريبه 61 عضو دخل ومحدش قال كلمه عواف حتي !!! :)

هو مفيش حاجه اسمها ميدو كار ولا ايه !!! ولا مفيش حد من مدينه نصر !!!

يمكن المشكله في انبي !!! :) طب نخليه أهلي ؟ :) يمكن حد يرد علينا :)

**tananybasha** · 05-06-2012 11:53 PM

عواف
بس انا معرفشى معارض عربيات للأسف

**mi22do** · 06-06-2012 01:07 AM

اغلب المعارض بتاخد عموله من 1 % حتي 2.5 % - فانت حاول توصلها للحد الادني .
ثانيا اي عربيه هتاخدها من معرض لازم توديها علي التوكيل الخاص بها مباشرة حتي لو هتكلفك 1000ج

**osaa** · 06-06-2012 02:45 AM

باشا انا بصراحة رحت للمعرض مرتين بتفرج على عربيات بس ما شترتش لاسباب خاصة بى ولكن بالنسبة للمعرض فاعتقد انة معرض محترم صاحبة راجل زوق واعتقد انةامين بس طبعا لازم يبقى معاك حد بيفهم وكمان هو بيديك كلام من الاخر لما هتروح بخلاف الى مكتوب على كونتكت كار وبصراحة عربياتة تحس انها نظيفة و ربنا يوفقك

**farfora20082008** · 06-06-2012 05:35 AM

المشاركة الأصلية كتبت بواسطة mi22do

اغلب المعارض بتاخد عموله من 1 % حتي 2.5 % - فانت حاول توصلها للحد الادني .
ثانيا اي عربيه هتاخدها من معرض لازم توديها علي التوكيل الخاص بها مباشرة حتي لو هتكلفك 1000ج

تمام يا باشا دا اكيد لازم يتم الكشف عليها وشكرا لردك

المشاركة الأصلية كتبت بواسطة osaa

باشا انا بصراحة رحت للمعرض مرتين بتفرج على عربيات بس ما شترتش لاسباب خاصة بى ولكن بالنسبة للمعرض فاعتقد انة معرض محترم صاحبة راجل زوق واعتقد انةامين بس طبعا لازم يبقى معاك حد بيفهم وكمان هو بيديك كلام من الاخر لما هتروح بخلاف الى مكتوب على كونتكت كار وبصراحة عربياتة تحس انها نظيفة و ربنا يوفقك

ربنا يطمنك يا اوسا واكيد هاخد حد معايا لاني مش بفهم قد كده في العربيات العاليه اخري فرنا ولانوس :) ويمكن استغل اي حد محترم هنا واخده معايا :)

**diesel** · 07-06-2012 01:46 PM

المشاركة الأصلية كتبت بواسطة farfora20082008

تمام يا باشا دا اكيد لازم يتم الكشف عليها وشكرا لردك

ربنا يطمنك يا اوسا واكيد هاخد حد معايا لاني مش بفهم قد كده في العربيات العاليه اخري فرنا ولانوس :) ويمكن استغل اي حد محترم هنا واخده معايا :)

يا ريت يا سيدى الفاضل العربيه اللى تاخدها يكون مفيهاش اى توكيلات
يعنى لازم تكون هتشترى من صاحبها و يجى قصاد عينك
و ده علشان حاجه واحده تبقى متاكد منها و هقولهالك
فى بعض المعارض بيحضر له زبون و معاه عربيه عايز يبعها
يعرضها المعرض على بعض زبائن معينه له و يتم شراؤها باقل سعر سوقى
ويركبها هذا الزبون لعده اشهر لحد ما يزهق منها و بعدين يعرضها للبيع عند نفس المعرض و لكن باعلى سعر سوقى
وعلشان كده بقولك الافضل لك التاكد من ان السياره باسم صاحبها و ان يكون هو البائع حتى تتطمن ان المعرض عباره عن سمسار فقط و اخد عمولته عن البيع و الشراء