الجير cvt ولا أوتو عادى والكتينة جنزير ولا سير
العربية دى منتظرها بقالى مدة ومش راضى أشترى أى حاجة تانية لغاية ما أشوفها وأعرف مواصفاتها الأول لكن الحلو ما يكملش لأن فيه مواصفات كتيرة غير معروفة وغير معلن عنها .
يعنى مثلآ الجير بوكس بتاعها الأوتوماتيك cvt ولا أوتوماتيك عادى وكمان الكاتينة جنزير - زى الصنى القديمة - ولا سير وكمان نسبة الأنضغاط علشان البنزين اللى حنستعمله حيكون 90 أو 92 ولا أعلى .
المفروض كل المواصفات والبيانات الفنية وعوامل الأمان يعلن عنها قبل أى حاجة تانية مش الأسعار والشكل والفوانيس والذى منه - الأهم فالمهم وعلشان نشوف هل تساوى السعر اللى حيعلن عنه ولا لأ وبأحاول أكون موضوعى شوية عند تقييم العربية دى على ضوء مواصافاتها .
مش عارف أيه رايكم ؟
منتظر رد أصحاب الشأن واللى عارفين وفاهمين.
وشكرآ
مفيش رد لعاية دلوقتى من الشركة
ياترى ممكن حد من الشركة يرد علينا ؟؟
يا خسارة الجير طلع مش سى فى تى
كان عندى حق لما شكيت فى موضوع الجير السى فى تى حسب ما إتنشر فى الأول
ده لو الجير يبقى سى فى تى تبقى العربية دى جبارة وتقش كل العربيات التانية اللى فى نفس الفئة مقارنة بسعرها
وكون إن الكاتينة جنزير فأعتقد دى سياسة نيسان من زمان علشان تدى عزم وأمان وإن كان ده حيكون على حساب الصوت شوية - مش مشكلة - بس هى مازالت من أفضل العربيات اللى نزلت السوق حديثآ
أشكر كل من إهتم ورد
البنزين حسب نسبة الأنضغاط
أعتقد إن نوع البنزين حسب نسبة الأنضغاط compression ratio وده مش معلن عنه فى مواصفات وكتالوج السيارة .
حد يعرف ويقولنا .