الموضوع: الى مالكى الدوجان

المشاركة الأصلية كتبت بواسطة ahmed metwaly

بص يا غالي نصيحه من اخ لسه جايب شاهين 96 عربيه ملهاش ريحة الازمه
خامات الطبلوه والكراسي ضعيفه جدا-فيها قطع غيار هتموت لحد لما تجبها واذا جبتها هتجبها بيظه زي عمود العصافير انا كنت في رحلة لمدة 48 بحث عن عمود العصافير وجبت بايظ في الاخر بـ 300 جنيه وعملت فيه شغل بـ 100 جنيه غير مواصلات وقرف-اصدامات عمله زي قشر البيض خامه ضعيفه جدا-التكييف والبور والكلام دا والكامليات دي تغور من وشها-سعتك التكييف هيخرب الموتور لان واحد صحبي كان معاه واحد دوجان 95 اول مالك وكان بيحافظ عليها من الهوي وكنا كل شهرين تلاته بنقشط وش لسندر نغير وش-مفيش ثبات (يمكن عشان كنت راكب الماني) - الشكل المضلع دا بيخلي الهوي يعمل اعاقه ليها علي السرعات العاليه وغير كدا صاج ضعيف مش ناشف زي ما الناس بتقول هو ممكن يكون ناشف بالنسبة للعربيات الكوري -الكنبه الخلفيه ضيقه يعني لو شديت الكرسي الامامي لقدام علي الاخر برضو ضيقه وره
بجد لو معاك مبلغ محترم خساره ترميه في العربيه دي

ياباشا دا انت شركت العربية خالص لية كدة

المشاركة الأصلية كتبت بواسطة hugan

الكلام اللي الاخ احمد بيقول عليه مش موجود في الدوجان
احسنت الاختيار
موديل 97و98 و99 انضف موديلات الشاهين والدوجان في الكارونه
ما بعدهم مشهورين بونه الكارونه

عندك اماكنيه رفع وتنزيل الدركسيون
خلاف الزجاج الكهرباء والباور والتكييف
ولو الموديل ده تركي يبقي ربنا اكرمك بعربيه نضيفه في الغالب تركي وها تتعرف من فرش الابواب
لان فرش الابواب في الشاهين ال 1600 تقفيل مصري
حاجه تقرف هو نفسه فرش الشاهين العاديه
لكن لو العربيه اللي عايز تشتريها دوجان مش شاهين 1600 تبقي فل
اهم حاجه حاله العربيه اللي هاتشتريها
الاخ احمد شكله اشتري عربيه منتحره قبل كده 5 مرات

طيب يا باشا هى تعمل كام
بصراحة انا كان معايا لانوس وبعتها نظرا لظروف وكنت بفكر فى الدوجان من الاخر علشان التكييف
فهل هو عملى ولا اية والعربية تختلف فى قطع الغيار عن الشاهين ؟

يا جماعة من الخطأ مقارنة الدوجان والشاهين بالسيارات الالمانى او حتى الكورى و كل سيارة ليها راكبها يعنى اللى بيدور على الشاهين او الدوجان فى الغالب
1 -عاوز عربية قطع غيار متوفرة بسهوله عن تجارب عديده و رخيصة الثمن
2 - عاوز عربية مرتفعةعن الارض
3 - عاوز عربية اى صنايعى يفهمها و يشتغل فيها
4 - عربية دفع خلفى وليست جر امامى يعنى كرونه و عمود كردان مش كبالن وكل شويه تفوت

احب اضيف بس للامانة ان الدوجان اوالشاهين عربات تتحمل الشقاء يعنى عربيات خدمه شاقه وليست رفاهيه يعنى التكييف والباور والكلام ده لايقارن بالمره بالكورى او ماركه اخرى وده رأى شخصى محدش يزعل منه