السلام عليكم ورحمة الله وبركاته
عندى مشكله وان شاء الله الحل عندكم يا اجدع صحاب
انا كانت رجلى مكسوره وقعدت فى البيت شهر والعربيه مركونه تحت البيت ولما ربنا كرمنى ونزلت من البيت اول مشوار رحته بالعربيه اكيد البنزينه علشان اغسل العربيه جوه وبره وبالفعل حصل لكن المشكله بعد خروجى من البنزينه وانا ماشى شغلت التكيف العربيه ركبها عفريت ؟
صوت الموتور على اوى حسيت برجه جامده فى العربيه وتنتيشه والسحب قل اوى ؟؟؟؟؟؟؟
سألت واحد صاحبى قالى كده البوجيهات شكرا ً مع انى مغيرها فى التوكيل فى الصيانه الدوريه من شهر ونص تقريبا ً هل فعلا البوجيهات ولا حاجه تانى مش عارف ومش عايز اوديها لحد يلعب فيها ومش ضامن هايشتغلنى ولا لا علشان انا جديد شويه فى موضوع العربيات ده وفى نفس الوقت مش عايز اروح التوكيل علشان انا قاطعتهم زى ما قاطعت الانتخابات..ههههههههههه
اسف طولت عليكم بس عشمى فيكم كبير اوى ان شاء الله
ملحوظه .. العربيه شيفورليه لانوس 2011
والف شكر ليكم يا شباب .