أعضاء المنتدى الأعزاء ..
عاملين ايييييييييه ! واحشني واللهِ ..
انتم طبعا عارفين إن الشركتين دول بينافسوا بعض جدا ..
بس أنهي واحد فيهم احسن ؟؟
.
.
.
تحياتي ..
و السلام .............
عرض للطباعة
أعضاء المنتدى الأعزاء ..
عاملين ايييييييييه ! واحشني واللهِ ..
انتم طبعا عارفين إن الشركتين دول بينافسوا بعض جدا ..
بس أنهي واحد فيهم احسن ؟؟
.
.
.
تحياتي ..
و السلام .............
سؤال اجبته صعبة ياريت لو هيكون في اجابات تكون مميزات وسلبيات للاثنين
علشان الحوار ميتحولش لاستفتاء
عموما مش هقول راي لاني مجربتش غير فالفولين
متابع كمان موضوعك الجميل ده ...
بص الاتنين قريبين جدا من بعض بس كل واحد ليه مميزات يعني انا الفالفولين مقرتش البي دي اف بتاعو ومقدرش احكم عليه بس الناس بتشكر بيه
الليكوي مولي ميزتو من البي دي اف ان ينفع اوي مع اللي بيحب الحرق وكده
واتفاجات النهارة لما عرفت ان ليكوي مولي وصل اليمن
سعر لتر التوب تيك في اليمن 4000 ريال ههههههههههههههه مش عارف يعني كم مصري بس ربنا يستر ميكونش الريال اليمني بنص جنيه
ياريت تفيدونا علشان ان كما هغير وبرده محتار
والله انا بستخدم شيل الاصفر ومش بشتكي منه
على حسب العربيه العربيات الي مواتيرها عنيفه زي الفيات والبروتون الليقوي أفضل
بص يا باشا انا ولا جربت ده ولا ده بس بتوع فالفولين عاملين شغل جامد وتوصيل الزيت وحاجات جامدة بس الخامة بصراحة مقدرش افتي
اعتقد يا باشتنا صعب حد يبت في الموضوع ده الا عن تجربه و اعتقد الاعضاء ال جربوا الاتنين بالفعل قليلين ان كانوا موجودين اساسا....انا لسه حاطط سيرا تك و توب تك بتوع ليكوي مولي و ماشي بيهم 100 كيلو تقريبا و مع ذلك مش راضي اكتب تقييم لأنه هيكون مش دقيق و ممكن يكون خادع فيما بعد....و لكن مبدأيا موبيل ده لا يرقي انه يتسمي زيت موتور و شل افضل من موبيل بكتير و لكن ليكوي مولي بالفعل اخد خطوه عنهم و هي هدوء صوت الموتور و خصوصا في الأر بي ام العالي و دي حاجه جميله جدا....لسه محكمتش علي معدل البخر و الاداء في الشتا و استهلاك البنزين و الاحتفاظ باللزوجه بس انا متفائل جدا خصوصا بعد ما استخدمت منظف الرشاشات بتاعهم و عجبني جدا.....تجربتي مع فالفولين كانت زيت فتيس مانيوال و كان قبله في عضه في الريفيرس و اختفت مع فالفولين و تحسن باقي النقلات بقدر يكاد يكون غير ملحوظ و التقل بتاع الصبح في الشتا انعدم الحمد لله و بدون اي تغير في استهلاك البنزين
أيوة الناس اللى بتحكم بتحكم على أساس إيه عامة انا بستخدم توتال كوارتز وعايز أغير المرة الجاية لليكوى مولى خصوصا فرق السعر بينهم وصل 80 جنيه لصالح ليكوى بس هل ليكوى بنفس كفاءة توتال ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟ أنا اشتريت كوارتز ب 265 والبديل ليه فى ليكوى ب 190 بس
المواتير العصبيه هي المواتير التربو والي متصممة إنها تجري أكتر من المشي العادي زي الجين 2 اومن الأخر المواتير الي تسارعها عالي مقارنة بحجم الموتور
كوارتز انا حطيته عندي على صوت المكنة وخلاها خشنة وزود إستهلاك البنزين :waaaht:
انا جربت الاتنين
فلفولين كنت حاطط 5w30 وده كان ممتااااااااااز جدا لما كنت بسوق سواقه هاديه لكن لما قرصت عليه قرصه جامده الموتور صوته على حاجه عبيطه بس انا عشان مركز مع العربيه حسيتها
الليكوي كنت حاطط هاي تك 5w40 وده برضو كان ممتاااااااااااااااز جدا وكان حلو في الحرق وما كنتش بحس ان الموتور صوته على بعد الشد
بصراحه مش عارف فالفولين 5w40 ها يكون زي الليكوي من نفس اللزوجه ولا لا
بس بصراحه الاتنين حلوين جدا في حاله السواقه العاديه
العربيه اللي تم تجربه الزيوت عليها تيدا 2010 اوتوماتيك
كل واحد هيقولك على اللى جربه والنتيجة هتبقى اصوات متساوية
انا جربت فالفولين وهحط فالفولين تانى ان شاء الله
ياسيدى الفاضل حط اللى تحطه بس اهتم بحجتين
اولا حط درجة اللزوجة اللى بيوصى بيها كتالمج العربية
ثانيا متحطش حاجة متعبية فى البلد دى
اعتقد ان اقدر حد يرد على الموضوع دة ان كل واحد من الشركتين يقول رائية مميزات وعيوب منتجة وممكن ميقولش العيوب وعلينا نختار بس ليكوى مولى انا مجربة وجامد جدا فى عربيتى وخصوصا توب تك
بمناسبة اللزوجة انا عندى رينو ميجان الكتالوج بيوصى بتوتال كوارتز 9000 بيمشيك 10000 كيلو الزيت لزوجته 5w40 المهم دخلت على صفحة ليكوى مولى وقلتله عايز اغير لزيت ليكوى مولى والأسعار وكدا وقلتله نوع عربيتى وماشية 105 ألف كيلو قالى نوع الزيت المعادل لزيت كوارتز ولكنه نصحنى بزيت لزوجته 10w40 وقال لى دا المناسب لعربيتك ايه تعليق حضرتك بقى وبعدين ليكوى مولى ارخص بكتير من كوراتز
انا جربت فالفولين وماشاء كويس جدا وبالفعل انا جبت فالفولين تانى علشان اغيرو الصيانه الي جايه وهو 5w30
وللعلم ان فالفولين 5w30 بيتحمل درجه حراره 340 درجه مئويه
جربت الاتنين
وطبعا فالفولين يتفوق على ليكوى وهو ده زيت اصلا يخدعك اول متحطه بهدوء الماتور وبعدين مفيش اردء من كده تبخير والصوت هيعلى وسحب بيقل
لكن فالفولين ماشاء الله عليه 5 الاف كيلو لحد دلوقتى ومريحننى على الاخر
شكلها كدة هترسى على الفالفولين ... يا ريت مشاركة أكتر من الآخوة الآعضاء اللى جربوا الآثنين .
وجزاكم الله خيرا
لأ عربيه حضرتك مش تربو خالص
الإتنين في السواقة واحد الفرق بين الإتنين إن ال5w40 في التدوير هيبقى أخف والعربيه توصل للدرجة الحرارة الطبيعيه أسهل
غريبه انا ليقوي عندي منقصش ولا مل مع إن الموبيل كان بيتبخر ومجربه في عربيتين صحابي مزودوهوش ومشيوا بيه 15 الف
كل موتور وليه اللي يناسبه
انا جربت ليكوى مولى الصراحه ممتاز وصوت الموتور هدى وحتى مع الحرق مش بحس
ولم ينقص ملى واحد من ساعة محطيطه ماشى تقريبا 4000 كيلو لغايت دلوقتى عليه
ليكوى مولى ممتاز انا حاطط الهاى تك 5w40 تحفه وحاطط السيراتك الماتور اداء من غير صوت
يعني كده ليكوي احسن في زيوت الموتور ..
و valvoline احسن في الباقي ولا إيه ؟؟؟
بص يا برنس
أنا عايش في USA اللي هي أكبر سوق تنافسي للعربيات وبالتالي حاجتها اللي من ضمنها الزيوت.
أشهر زيوت هنا:
Valvoline
Castrol
Mobil
شل
Pennzoil
Havoline
Chevron
مفيش إطلاقاً Liqui Moly هنا.
أنا شخصياً باستخدم Valvoline أو Castrol.
رأي شخصي متواضع: خليك في الإثنين دول. الكبير كبير برضو.
كنت هقول لك Mobil بس سمعت إنو مغشوش في مصر...مش متأكد طبعاً عشان أنا برى.
ربنا يوفقك
أنا ماقولتش يعيب أو حاجة...
برضو ماشفتش تطال خالص هنا وإن كان ليهم موقع:
TOTAL Oils USA - Range of Lubricants........
كلام سليم ومعلومة جديدة أشكرك عليها.
ولكن أنا بتكلم على أشهر محلات قطع الغيار في أمريكا كلها...شوف كدة:
Search: engine oil | Engine Oil | AutoZone.com
List: Conventional - 20W-50 | O'Reilly Auto Parts
Buy Motor Oil and other Tools and Garage at Advance Auto Parts
CARQUEST - SAE 10W-40 Motor Oil
Product Results Motor Oil | Pep Boys
بص يا صاحبي عشان متدوخش و تتعب عمرك ما هتاخد اجابة تريحك ايهما أفضل او أحسن بل هتلاقي أنواع تانية دخلت و اعذرني لكن سؤالك غير صحيح و غير مناسب في مجال الزيوت
السؤال المناسب هنا ايه الزيت اللي يناسب موتور العربية و حالته و طريقة القيادة و ظروفها و الظروف الجوية
عشان نعرف القصة دي مش هتيجي غير بطريقة واحدة بس التجربة
و التجربة خير دليل و ده اللي بعمله :)
يبقي هتتوكل ع الله و تجرب واحد منهم و بعدها تجرب التاني و تشوف اللي ارتحت معاه اكتر و اللي ترتاح معاه هو ده اللي تستخدمه :)
ايه موضوع الراحة دا بقى ؟؟؟ ما يمكن انت تستريحله وهو ميريحش الموتور احنا عايزين الأفضل للمحرك يعنى مع اختلاف جميع انواع الزيوت لكننا ممكن نتفق ان فالفولين وليكوى وتوتال وما شابه ماركات عالمية يعنى تقريبا كلهم هيبقوا تمام بس لو اخترنا المنتج المناسب للمحرك ودى متهيقلى ملهاش قاعدة محددة لكل المواتير لكن على ما أعتقد ان العربية كل ما تكون عاملة كيلو متر أكتر المفروض لو انت مثلا بتستخدم 5w40 تغيره ل 10w40 اللى نصحنى بالتغيير بين النوعين دول اللى بيرد فى صفحة ليكوى مولى لكن مقالش ليه بالظبط فلما سألته قال لى احنا بنختارلك الأفضل لو عايز 5w40 موجود برضه
إنت كدة جبت الآخر يا برنس...
الماركة يفضل تبقى ماركة عالمية...في رأيي فالفولين أو كاسترول.
الأهم بقى...ال-Grade والنوع..Mineral - Semi-Synthetic - Synthetic
مثلاً اللينكات دي:
5W-40 Vs. 10W-40 Motor Oil | eHow.com
How to Choose the Right Motor Oil - For Dummies
باشا سعادتك محسسني اني بقولك عاشره و افهموا بعض و ارتحله نفسيا :N_no[1]: يا ريت تراجع كلامي مرة تانية
انا قصدي ترتاح معاه انه يكون مناسب لعربيتك و شغال كويس معاك و مديك الاداء اللي انت عايزه :10D5C8w1107:
هديك مثل ليكوي مولي واحد حاطه في العربية مخدش اداء كويس و اشتكي منه واحد تاني حطه في عربية تانية كان تمام جدااااا يبقي عشان احنا متفقيين انه كويس يبقي اللي شايف الاداء وحش يستعمله و لا يجرب غيره لحد اما يلاقي اللي يناسبه ؟؟و هو ده اللي اتكلمت عنه فوق
و أكيد كل الماركات عالمية مسمعتش انا عن ماركات تحت بير السلم لسه :waaaht:
و الماركات اللي كلنا بنتكلم عنها و معروفة و مش محتاجة اننا نقعد لسه نتفق كالآتي
فالفولين
كاسترول
موبيل
شيل
ليكوي مولي
دول أشهر و أغلب الزيوت اللي بنستخدمها و بنتكلم عنهم دلوقتي تحديدا اتنين منهم فالفولين و ليكوي مولي
و يا ريت لو حد شايف كلامي غلط يقولي :)