الموضوع: الفابيا ..... السيارة التى يزيد إعجابى بها

الله يباركلك

بالنسبة للعربية هى موجود منها 1200 و 1400 و 1000 cc بس الأكثر إنتشارا بالترتيب هى 1400 ثم 1000 ثم 1200 والحكم على المحرك لايكون بالسعة الليترية فقط فمحركها الــ 1400 منه 3 سلندر 8 فالف و 3 سلندر 12 فالف و 4 سلندر 8 فالف و 4 سلندر 12 فالف وينتج الــ 3 سلندر 74 حصان و وينتج الــ 4 سلندر 57 حصان

إذا موضوع الــ cc مش عامل وحيد

المكنه الأقل إنتشارا هى 1200 وطلع عليها سمعة إنها بتجيب مكنه على طول وده مش حقيقى

الفابيا فى أوروبا موضوع تااااااااااانى خالص ......... هاتلى فابيا 1900 تربو زى اللى منتشره فى بريطانيا وأنا أمسخر بكرامة أى عربية فى مصر الأرض

ميزة الفابيا إنها بتديك عربية فى فئة سعرية متوسطة بإمكانات عربيات فى فئات سعرية أعلى بكثير

سمعة قلة قطع غيارها غير حقيقية اللهم إلا فى الأقاليم زى حالاتى أما فى القاهرة فموجوده ومتوفره

الفابيا الــ 1400 موديل 2003 - 2004 مكن تعمل من 45000 : 47000 وأنا بتكلم على عربية مش متهانه

أتمنى إنى أكون أفدتك

أكيد , و شكرا جزيلا لذوقك

المشاركة الأصلية كتبت بواسطة haitham1985

الفابيا ..... السيارة التى يزيد إعجابى بها

طبعا ..... متوقعين إن أنا أقول إنها فى مستوى البوجاتى فيرون أو الأستون مارتن dbs مثلا

لا

هقولكوا الحكاية

أنا بدور العربية على مرتين مش زى ناس كتير بتنشع الكونتاكت مرة واحدة

يعنى تكه واحده وأشوف الأنوار اللى فى التابلوه لعل وعسى يكون فى مشكلة

من ضمن ما يظهر علامة esp وكنت مستغرب هذه العلامة ومش عارف إيه معناها لحد ما لقيت فيديو على اليوتيوب بيتكلم عن هذا النظام

esp

electronic stability program senses when the car is about to go out of control and can apply an individual brake to a wheel to help avoid the spin. Will not totally prevent the spin but means that it takes more to lose control. Often also used to give traction control where brakes may be applied if a wheel begins to spin due to too much power for the grip. N.b. Many cars have tcs (traction control system) without having esp

نظام توجيه عجلة القيادة الالكترونى ، وهو يسمح ويحدد كمية المساعدة المطلوبة لتوجيه عجلة القيادة لتتغير طبقا لسرعة السيارة وكمية التفاف عجلة القيادة حول محورها . وهذا يعنى انها ممكن ان تساعد بشدة اثناء ركن السيارة وفى نفس الوقت تمنحك شعور جيد للاحساس بالطريق اثناء القيادة بسرعة

طب إيه اللى خلانى أهتم بهذا النظام الان ؟

موقــــــــــــف صعب

كنت ماشى على طريق الزقازيق الإسماعيلية الزراعى وهو من أسوأ الطرق فى مصر للأسباب التالية :

رايح جاى فى حارة واحدة - ترعة إسماعيلية على يمينك مملوؤه بالأشجار العملاقة - الجنب الأخر من الطريق فى منسوب أقل من الطريق بــ 1.5 تقريبا

وهذا ما حدث

العربية الدبابة اللى قدامى كانت شايلة كنب أنتريه خام خشب وكنت ماشى على الرابع والمسافة بينى وبينه فى حدود 2.5 : 3 متر لا أكثر وفجأة كنبه من دول فلتت من على ضهر العربية ومتجهه نحوى وبشكل لا إرادى حدفت الدركسيون أقصى الشمال فحصل إيه ؟ مش بوز العربية بس اللى لف لا العربية كلها كتلة واحدة وكمان لقيت زى ما يكون فيه واحد تانى بيسوق معايا بيجيب العربية يمين تانى !!!!!!

أنا نسيت الموقف واللى كان ممكن يحصل وبلمت من اللى عملته بالعربية واللى عملته العربية بيا !!!!!!

أنا زى ما قولت إن الفابيا دى عربية بيزيد إحترامى ليها كل يوم وبتعجب عدم إنتشارها ولا إقتناع الناس بيها فى مصر

شكرا سكودا والتشيك أولا - فولكس فاجن والألمان ثانيا

العربية بتاعتى فابيا 2004 - 1200 cc - 4 سلندر - 12 فالف

اللى عنده موقف مماثل يحكى عنه ونستفاد كلنــــــا

تحيــــــــاتى وإحترامـــــــاتى

أخوكم هيثــــــــــــم

بشكرك اخى على موضوعك وعلى تجربتك انا تجربتى فى الفابيا ال 1200
12 فالف
انا مختش بالى من موضوعك الا لما قريتو واتذكرت عدة مواقف زى مواقفك بالظبط بس كانت بتحصل فى سيارات بتقف مرة واحدة يظهر قصادى حد فجاءة
بس اللى مش هنساها ه الموضوع دا حصل مع اتوبيس وانا نازل من على كوبرى وبينى وبينو 3 او 4 متر ومتوقعتش ان الاتوبيس على السرعة دى يقف بمعنى يقف خالص يعنى هلبس فيه يعنى هلبس فيه ولما رميت الدركسيون شمال وطلعت منه ازاى معرفش والعربية خرجت بفضل الله ازاى معرفش انا ركنت وانا مزبهل من الموقف وبقول انا طلعت من الاتوبيس ازاى والعربية رمت معايا كلها ازاى وطلعت الله اعلم انا الحقيقة مش عارف احكيلكو الموقف وكنت بسرعة 70 على ما اتذكر بس الكوبرى مفتوح ومحدش بيقف وهو نازل ابدا لانى طالع نازل عاليه
معلومة مهمة جدا واشكرك