الفابيا ..... السيارة التى يزيد إعجابى بها

**HAITHAM1985** · 05-06-2012 08:53 AM

الفابيا ..... السيارة التى يزيد إعجابى بها

طبعا ..... متوقعين إن أنا أقول إنها فى مستوى البوجاتى فيرون أو الأستون مارتن DBS مثلا

لا

هقولكوا الحكاية

أنا بدور العربية على مرتين مش زى ناس كتير بتنشع الكونتاكت مرة واحدة

يعنى تكه واحده وأشوف الأنوار اللى فى التابلوه لعل وعسى يكون فى مشكلة

من ضمن ما يظهر علامة ESP وكنت مستغرب هذه العلامة ومش عارف إيه معناها لحد ما لقيت فيديو على اليوتيوب بيتكلم عن هذا النظام

ESP

Electronic Stability Program senses when the car is about to go out of control and can apply an individual brake to a wheel to help avoid the spin. Will not totally prevent the spin but means that it takes more to lose control. Often also used to give traction control where brakes may be applied if a wheel begins to spin due to too much power for the grip. N.B. many cars have TCS (Traction Control System) without having ESP

نظام توجيه عجلة القيادة الالكترونى ، وهو يسمح ويحدد كمية المساعدة المطلوبة لتوجيه عجلة القيادة لتتغير طبقا لسرعة السيارة وكمية التفاف عجلة القيادة حول محورها . وهذا يعنى انها ممكن ان تساعد بشدة اثناء ركن السيارة وفى نفس الوقت تمنحك شعور جيد للاحساس بالطريق اثناء القيادة بسرعة

طب إيه اللى خلانى أهتم بهذا النظام الان ؟

موقــــــــــــف صعب

كنت ماشى على طريق الزقازيق الإسماعيلية الزراعى وهو من أسوأ الطرق فى مصر للأسباب التالية :

رايح جاى فى حارة واحدة - ترعة إسماعيلية على يمينك مملوؤه بالأشجار العملاقة - الجنب الأخر من الطريق فى منسوب أقل من الطريق بــ 1.5 تقريبا

وهذا ما حدث

العربية الدبابة اللى قدامى كانت شايلة كنب أنتريه خام خشب وكنت ماشى على الرابع والمسافة بينى وبينه فى حدود 2.5 : 3 متر لا أكثر وفجأة كنبه من دول فلتت من على ضهر العربية ومتجهه نحوى وبشكل لا إرادى حدفت الدركسيون أقصى الشمال فحصل إيه ؟ مش بوز العربية بس اللى لف لا العربية كلها كتلة واحدة وكمان لقيت زى ما يكون فيه واحد تانى بيسوق معايا بيجيب العربية يمين تانى !!!!!!

أنا نسيت الموقف واللى كان ممكن يحصل وبلمت من اللى عملته بالعربية واللى عملته العربية بيا !!!!!!

أنا زى ما قولت إن الفابيا دى عربية بيزيد إحترامى ليها كل يوم وبتعجب عدم إنتشارها ولا إقتناع الناس بيها فى مصر

شكرا سكودا والتشيك أولا - فولكس فاجن والألمان ثانيا

العربية بتاعتى فابيا 2004 - 1200 CC - 4 سلندر - 12 فالف

اللى عنده موقف مماثل يحكى عنه ونستفاد كلنــــــا

تحيــــــــاتى وإحترامـــــــاتى

أخوكم هيثــــــــــــم

**kemoooo2020** · 05-06-2012 10:48 PM

والله عندك حق هى عربية محترمة جدا انا معايا واحدة 2003 1200 سى سى وبجد عربية ثابتة لدرجة غريبة و بسعرها مش هتلاقى عربية تانية بس فى ناس بتخوفنى من الموتور ده هى بقالها سنتين معايا و الحمد لله عمرها مزعلتنى هى عربيتك عاملة معاك ايه ؟ وربنا يكفيك شر طريقها

**Kefo_Honda** · 05-06-2012 11:30 PM

حضرتك الفكرة كلها في ال ESP إنه بيمنع تعويم العربية في الظروف الصعبة زي الغرز, أما مثلا فيه عربيات بيبقى فيها زرار on و off للESP علشان لو صاحبها بيحب الدريفتات مش هاعرف يعمل بيها حاجة لو ESP شغال

تقبل مروري....

**mody_halawa** · 05-06-2012 11:43 PM

عربية محترمة فعلا

**ahmed1mohd** · 06-06-2012 12:32 AM

هيا فعلا عربيه محترمه , وربنا يباركلك فيها , و أنا الصراحه بدور علي ال 1400 بتاعتها 2003أو 2004 ,فهل تقدر تفيدني بنصيحه أو حدود سعرها ممكن يبقي كام ؟ و شكرا جزيلا

**HAITHAM1985** · 06-06-2012 12:33 PM

المشاركة الأصلية كتبت بواسطة ahmed1mohd

هيا فعلا عربيه محترمه , وربنا يباركلك فيها , و أنا الصراحه بدور علي ال 1400 بتاعتها 2003أو 2004 ,فهل تقدر تفيدني بنصيحه أو حدود سعرها ممكن يبقي كام ؟ و شكرا جزيلا

الله يباركلك

بالنسبة للعربية هى موجود منها 1200 و 1400 و 1000 cc بس الأكثر إنتشارا بالترتيب هى 1400 ثم 1000 ثم 1200 والحكم على المحرك لايكون بالسعة الليترية فقط فمحركها الــ 1400 منه 3 سلندر 8 فالف و 3 سلندر 12 فالف و 4 سلندر 8 فالف و 4 سلندر 12 فالف وينتج الــ 3 سلندر 74 حصان و وينتج الــ 4 سلندر 57 حصان

إذا موضوع الــ cc مش عامل وحيد

المكنه الأقل إنتشارا هى 1200 وطلع عليها سمعة إنها بتجيب مكنه على طول وده مش حقيقى

الفابيا فى أوروبا موضوع تااااااااااانى خالص ......... هاتلى فابيا 1900 تربو زى اللى منتشره فى بريطانيا وأنا أمسخر بكرامة أى عربية فى مصر الأرض

ميزة الفابيا إنها بتديك عربية فى فئة سعرية متوسطة بإمكانات عربيات فى فئات سعرية أعلى بكثير

سمعة قلة قطع غيارها غير حقيقية اللهم إلا فى الأقاليم زى حالاتى أما فى القاهرة فموجوده ومتوفره

الفابيا الــ 1400 موديل 2003 - 2004 مكن تعمل من 45000 : 47000 وأنا بتكلم على عربية مش متهانه

أتمنى إنى أكون أفدتك

**HAITHAM1985** · 06-06-2012 12:39 PM

منقووووووووووووووول للأمانة

عناوين وأرقام هاتف محلات قطع غيار سكودا (جديد ومستعمل):
لاحظت سؤال الكثيرين هنا عن محلات قطع غيار سكودا ولهم أقدم ما يلي في ضوء خبرتي المتواضعة مع سكودا أوكتافيا:
1- محل سامح سامي الشحات لقطع غيار سكودا (وارد الخارج)
العنوان: عزبة شلبي – 66 شارع ترعة الهواري
الهاتف: 0110671054 – 0129672459
2- مركز أولاد عشم للسيارات
العنوان: 87 شارع المسيري – حلمية الزيتون
الهاتف: 0166117114 – 0166942907 – 26533054 – 0192516125
3- أبو شهد (قطع غيار استعمال الخارج)
العنوان: حرفيين السلام – نزلة الريحاني – شارع العسقلاني
الهاتف: 0108987190
4- جريدة لقطع غيار استعمال الخارج
العنوان: حرفيين السلام – 6 شارع حمدي الزعيم – أمام بلوك 1
الهاتف: 0187757885
5- الحاج مصباح وأولاده (قطع غيار جميع أنواع السيارات)
العنوان: 16 / 18 ش التوفيقية – المول الجديد – الدور الأرضي
الهاتف: 257630064 – 0119717792 -0119717793
6- ظاظا جولف (قطع غيار جولف وسكودا)
العنوان: حرفيين السلام – بلوك 9 شارع الدكتور أحمد ممدوح
الهاتف: 0122914868 – 0169582509
مراكز صيانة:
1- مركز يس لميكانيكا السيارات
العنوان: عين شمس شارع 6 أكتوبر مساكن الجمهورية
الهاتف: 22440605 / 0101931541
2- مركز الحاج سعيد (الدهان والتجديد والصيانة):
العنوان: حرفيين السلام – بلوك 10
الهاتف: 26974929 – 26973535 – 0122152956
3- أوتو ترانس (صيانة وإصلاح الفتيس الأوتوماتيك):
العنوان: حرفيين السلام – ش أمير الشعراء متفرع من ش الأزهر – جمال عبد الناصر بجوار مركز علام
الهاتف: 0126800091 – 0114705710 – 0128627902
4- مركز خدمة جولدن كار للسيارات (تجديد شامل):
العنوان: حرفيين السلام – بلوك 21 محل 8 خلف الجامع الكبير
الهاتف: 01521392252 – 0117084935

محل في شارع دمشق إسمه أولاد حسين

فى ميكانيكى ممتاز سعروصنعه وقريب من قطعه الغيار وفاهم جدا ودا فى شارع دمشق مصر الجديده امام محل الحناوى لقطع الغيار واسمه وليد ابو يوسف

مركز الأقصى للسيارات (بجوار كارفور المعادي)
مدينة زهراء المعادي – المنطقة الصناعية – الشطر الخامس
قطعة 62/ع
موبايل :- 0100053860/61 أرضي :- (/57/58/59/60)
29178356

مدينة نصر 1 ش حلمي حسن على من هشام لبيب امتداد مكرم
عبيد
22875487مبيعات سيارات – إستلام وتسليم سيارات للصيانة

قاعدة : 10 , 20 , 30 , 40 , 50 الف كيلو

كل 10 آلاف تغير فلتر البنزين و تنظف الكاربيراتير

كل 20 الف كيلو تغير فلتر الهواء و البوجيهات .

كل 30 الف كيلو تغير زيت الباور و السيور .

كل 40 الف كيلو ممكن تغير السيور لو ضامن صناعتها و تغسل دورة التبريد .

كل 50 الف كيلو تغير فرد الكاوتش و يستحسن عند 45 الف كيلو .

ملحوظة بالنسبة لدورة التبريد كل 40 الف كيلو أو سنتان ايهما أقرب بتغسل الرادياتير و دورة التبريد كلها و تغير المياه
لو بتستعمل مياه خضراء أو حمراء .

مركز الهاشمية ش احمد سعيد خلف المستشفي الجوي معتمد من التوكيل

ماستر فولكس المهندس محمد رأفت

فلتر الزيت 38 جنيه
فلتر هواء 110 جنيه ملوش بديل محلى
فلتر بنزين 120 جنيه و ده اغلى حاجه لانه ملوش بديل محلى
بوجيهات 40 جنيه
تيل فرامل اصلى 230 جنيه
وفيه منه ب 90جنيه
طمبة مياه 250 جنيه
طلمبة بنزين 1250 جنيه + عوامة البنزين و دى هيا هيا بتاعة الاوكتافيا الa4 وانا غيرتها غصب عنى لانى رحت لكهربائى حمار كسر العوامه بدل ما يصلحها
بيضة المقص و الدركسيون 90 جنيه الواحده
طنابير امامى اصلى 800 2 طنبور
اسطوانه + دسك + رولمان بلى 650 جنيه

**HAITHAM1985** · 06-06-2012 12:40 PM

النسبه لقطع الغير الجديده موجوده عن الهاشميه بجانب مستشفى القوات الجويه في العباسيه بالكامل من اصغر حاجه لاكبر حاجه وموجوده في الحرفيين
وبالنسبه لقطع الغيار الاستعمل او الاستيراد موجوده في الحرفين عند مجدي البيومي وعند ابو الدهب وطيره
بالنسبه للسعار انا شايفها ممتازه ومش غاليه
سير ال 1400 مقاسه 1750 ب 120 جنيه
جلبة المقص الواحده ب 75 جنيه الاصليه
فانوس امامي بين 300 الى 350 جنيه
فانوس خلفي بين 200 الى 250 جنيه
حساس البور 750 جنيه
حساس شكمان 1100 جنيه
حساس الجو 125 جنيه
كبالن كامله استيراد حالتها ممتازه ب 700 جنيه
شبكه اماميه 250 جنيه
فلتر زيت اصلي 40 جنيه
فلتر التكيف ب 70 جنيه
كباس استيراد ب 700 الى 1000 جنيه
قلب طرمبة البنزين البوش الصيني ب 175 جنيه
الطرمبه كامله 1200 جنيه
العوامه 350 جنيه
ماتور 1400 كامل بالضفيره والفتيس استيراد ب 5500 جنيه حاله ممتازه
شكمان كامل جديد ب 1350 جنيه استيراد ارخص بكتير

**aymanrushdy** · 08-06-2012 07:43 PM

حضرتك قصدك على الesp ده بتاع الثبات
بس في لمبة تانية بتظهر إسمها epc دي بتاعت كمبيوتر الأعطال علشان متتلخبطش بينهم

**aymanrushdy** · 08-06-2012 07:47 PM

جروب سكودا فابيا على الفيس بوك
Anmelden | Facebook

الموضوع: الفابيا ..... السيارة التى يزيد إعجابى بها

LinkBack

أدوات الموضوع

عرض

الفابيا ..... السيارة التى يزيد إعجابى بها - انشر الموضوع فى :

-

-

-

-

المواضيع المتشابهه

السيارة الدبلوماسية طلعت امريكية : التى دهست 25 من المتظاهرين

ماهو نوع المياة التى يتم تزويد السيارة لوجان بها

ما هى السيارة التى كنت تتوقع ان تجمعها تويوتا فى مصر

الإجراءات التى يتم فيها تفتيش السيارة

تويوتا ياريس .. السيارة التى سحرتنى

الكلمات الدلالية لهذا الموضوع

المفضلات

المفضلات

ضوابط المشاركة