الموضوع: نويت ان شاء الله على القاشقاى ياريت مساعدة

المشاركة الأصلية كتبت بواسطة mohamedloza

فى جميع الأحوال هأمن عليها ان شاء الله

انا مش فارق معايا اشارات المرايات بس بصراحة الدفيندرات وحاجة السبع كويسين
انا ممكن اجيب كل ده من بره بحوالى 10000 جنيه وهيكونوا الأصليين
اجيبهم ولا اشترى من هنا واريح دماغى؟

بينى وبينك الاصلى مافيش احسن منه ولما تيجى تبيع العربية مستقبلا الحاجات دى هتزود سعرها الصينى ولا هتفرق فى السعر بعد كده .. مدام كده هات اللى ب 185 وظبط فيها اللى انت عايزة كله واى حاجة احنا تحت امرك

حرام تدفع ١٠ آلاف جنيه و تاخد العربيه زى ما هى لكن لو كان فيها كماليات و لو حتى بسيطه اهو تبقى خدت حاجه بالفلوس حتى و لو كانت اغلى من بره و علشان كده انا مستبعد انك تاخدها ب ١٨٥ الف بدون اى حاجه زياده. اقترح يا اما تستنى و تشتريها بتمنها او تاخد اللى ب ١٩٠ الف و معاها شويه الكماليات الزياده و كده تبقى مسكت العصايه من النص لانك هتبقى دفعت فلوس و خدت كماليات زياده و فى نفس الوقت وفرت ٥ آلاف عن اللى ب١٩٥ الف ممكن تبقى تجيب بيهم حاجات من بره او حتى توفرهم و بعدين ما تركبش اى حاجه بره التوكيل علشان الضمان و كمان خللى بالك الكماليات اللى مفيهاش لعب فى الضفيره تقدر تجيبها فى اى وقت حتى يكون سعرها بقى ارخص فى حاله لو كانت ماركه الكماليات اللى نازله معاها مش عاجباك لما تبقى تبوظ ابقى هات غيرها ماركه احسن من بره بعد فتره حتى تكون فوقت من المبلغ الكبير اللى دفعته فى تمن العربيه

اتكل على الله وهات من أوتو ايجيبت للأسباب التالية:
الكماليات المتوفرة عند اوتوايجيبت هي عبارة عن فرش جلد و انا شوفته شكله كويس و نضيف بدل ما تعمله انت و يكلفك بالاضافة الى اشرات المرايات و انا بشوفها كماليات هايفة بالاضافة الى ديفندرات بلاستيك هما اعلى شوية من الاكصدام يعني منظر ليس اكثر و لا اقل
يعني الخلاصة من اوتو ايجيبت الفرش بس.
نروح للسبع زي ما حضرتك قولت كمالياته كلها صيني فانا عن نفسي استحرم عربية ادفع فيها 195 الف و اركبلها GPS and DVD and Bluetooth صيني لأني على اقتناع تام ان الصيني يتشرب فيه شاي و قهوة بس فانا اقلق على كهربة العربية.
أما اخونا التالت سمير ريان فحدث و لا حرج من سرقة الجنط الخامس من كل عربية جديدة و استبداله بجنط حديد لبيعهم كطقم و من عربيات تتباع مخبوطة و متصلحة و ملزوق عليها المشمع الابيض كأنها فابريكا و من ال 100 ايد اللي بتفتح و تقفل فيها طول اليوم و بخاف من اللعب في الورق و عربيات موديل اقدم او ملعوب فيها.

فنصيحتي متجيبش غير من توكيل معتمد و سمعته مهمة زي اوتو ايجيبت.

و الله الموفق

مشكورين أخوانى جميعاً على الردود
بيتهيألى كده فى اجماع على أنى مدفعش فلوس فى الصينى
انا هحاول اشتريها من اوتو ايجيبت على اعتبار ان شغلهم بعيد عن اساسات العربية وكهربتها
وممكن اشترى الجى بى اس من دبى واخليهم يركبهولى وانا بستلم العربية
يا ترى فى حاجة معينة اخد بالى منها وانا باستلم العربية؟
الجنط الخامس بيكون معاها ايه حديد ولا سبورت؟ ومقاسه كام؟
فيه اى رفيعات مع العربية استلمها ولا ايه؟