المشاركة الأصلية كتبت بواسطة tito29
بسيطة ان شاء ألله
لو البطارية فضلت علي الشاحن 10 ساعات متواصلة و لسه ضعيفة يبقي فيها مشكلة و في الغالب يلزم تغيرها و الأحتمال الأكبر أن شحن البايك هو أللي بوظها
يبقي مش الحل أنك تجيب بطارية جديدة و خلاص
لازم الأول تتأكد 100% أن شحن البايك سليم قبل تركيب بطارية جديدة و الا حتحصل أللي قبلها
لو أنا مكانك حأعمل الأتي:
حركب البطارية الضعيفة في البايك و أعمل كابلات علي بطارية السيارة (طبعا كابلات قوية و محملة) و أدور البايك و أقيس الشحن بأستخدام أفوميتر
لازم يكون الشحن حوالي 11 أمبير علي السلانسيه و ما يزيدش عن 14 أمبير علي الأربي أم العالي (و الأفضل أنك تجيب الأرقام دي من الورك شوب مانيوال بتاع البايك)
لو القراءات بتاعة الأفوميتر سليمة يبقي كل مشكلتك هي البطارية و تشتري واحدة جديدة يابانية و ماركة جيدة و تركبها و تنسي القصة دي خالص
لو لا قدر ألله قراءات الأفوميتر غير سليمة يبقي الأحتمال الأكبر بلاطة الشحن (الريكتفاير) و دي موجودة و مش غالية قوي (يعني معظم الهوندا لا تزيد عن 300جنيه و جديدة)
الأحتمال الأضعف يكون الدينامو نفسه أتحرق لا قدر ألله و ده مش سهل أنه يحصل و عموما لو البايك ماحدش لعب في الكهرباء و الضفيرة يبقي في الغالب الدينامو سليم و عموما ده مش بيتغير ده مجرد أنه يتم لف البوبينة من جديد و مش غالي يعني يمكن 100 جنيه ولا حاجة
عموما أعتقد أن كل الفيلم ده مجرد بطارية و خلاص
بس أكشف كويس علي الشحن قبل تركيب البطارية الجديدة