الموضوع: اسمع مبروووك :) اشتريت سيينا 2002

المشاركة الأصلية كتبت بواسطة misoalex

الظريف بقا ان الموضوع ابتدى ب اسمع مبروك اشتريت سيينا وانتهى ب انا بعت السيينا

يعنى موضوع كامل من البدايه للنهايه :))

ههههههههههههههههههههههههه هه
اي خدمة مش حارمكم من حاجة الموضوع ده بقي موسوعة لأعطال السيينا اللي ممكن تولع و تشيط و الفتيس يسيح و كل حاجة :) و اللي يعكنن انك شاريها و دافع فلوس الحالة النظيفة في الاستعمال يعني الراجل كان مزوقها

المشاركة الأصلية كتبت بواسطة misry

أنا كل ما اقرأ عنوان الموضوع بيصعب عليا والله ... واحد فرحان بالعربية ومش عارف ايه اللي هيجراله من وراها

ربنا معاك يا نور وابقى طمنا ...

هههههههههههههههههههه :)
انا اتعقدت من اني اكتب موضوع عنوانه اسمع مبروووك :) لأني كتبته في الكروز و السيرفر وقع في المنتدي هنا و عملت بيها حادثة و بعتها بعد 34 يوم استعمال و الموضوع بتاع السيينا انتم اكتر ناس شايفينه و متابعينه و عشتم التجربة المريرة معايا و كتر خيركم مكنتوش ساعدتوني علي تصليح اللي كان فيها كان زماني بعتها ب 15-20 بالكتير :)
ربنا يخليكم ليا بجد :)
النهاردة روحت للطارق و دفعت مقدم العربية اللوجان الحمدلله
20,000 ثمن العربية 25%
900 مصاريف ادارية تدفع مرة واحدة فقط
2000 و ده الاوفر برايس علشان التسليم الفوري اللي هو بيكون في خلال من 5-6 ايام علشان استعلامات التقسيط و الكلام ده
يبقي الاجمالي اللي اتدفع النهاردة 22,900 بس دفعت 23,000 علشان فيه 100 جنيه مصاريف استعلام
هيبقي القسط 1525 في الشهر علي 5 سنين ان شاء الله
اخترت التقسيط الاسلامي بفائدة 10,5 % علشان مش هيلزمني بالتأمين اللي حسبته في السنة 3100 جنيه هيبقي الاجمالي 15,500 جنيه خلال ال 5 سنين فقولت حرام طبعا
ربنا يكرم و ينهوا الاجراءات علطول علشان عايز استلم قبل اجازتي ما تخلص و اروح بيها الجيش ان شاء الله

المشاركة الأصلية كتبت بواسطة misoalex

كلنا كنا فرحانين بيها اول ما اشتريناها ومكناش نعرف ايه اللى حيجرالنا من وراها
عموما ده حال المستعمل للاسف بتصلح ما افسده غيـــــــــــــــرك

مفيش احسن من الزيرو

المشاركة الأصلية كتبت بواسطة misry

الف الف مبروووووووووك يا نور ... ربنا يبارك لك فيها

بس بالله عليك ما تروحش بيها الجيش دلوقتي انت مش ناقص قر ...

وربنا يعينك على قسطها ... أنا أكتر حاجة بكرهها في حياتي القسط علشان كده اشتريت مستعمل ...

الف مبروك مرة تانية ....

الله يبارك في حضرتك يارب :)
فعلا والله بس هعمل ايه ديه العلمين و مينفعش بهدلة المواصلات :(
اللهم امين ديه اول تجربة قسط اعملها و ربنا يكرم ان شاء الله بس اللي شجعني اعضاء كتير هنا عاملة التقسيط و الحمدلله تمام و بيغيروا العربيات و اللي بيجيبوه جديد كمان بيكون تقسيط
الله يبارك في حضرتك :)
و علي فكرة قسم فيات هو اول قسم يعرف ده حتي انتم عرفتم قبل قسم الرينو اللوجان

المشاركة الأصلية كتبت بواسطة misry

طالما لازم تروح بيها فياريت تقول الاذكار وتسمي قبل ما تروح ...

ولازم طبعا نعرف احنا الأول ... ده احنا الأصل برضه ...

اكيد ان شاء الله
ههههههههههههههههههه طبعا طبعا :) مش محتاجة كلام :)