لملاك الياريس الاوتوماتيك خلى بالك على فتيسك ..

**asemx1** · 07-06-2012 09:08 AM

الحكايه .... .... .... اسرح معايا

بقالي فتره العربيه بتنتش من الاول للتانى وسعات تروح
قولت ايه يا بت يا ياريس اوتوماتيكييك باظ ولا ايه
قومت قولت اشوف الزيت
لقيت لونه اسوووووووووووووووود .... يانهار اسود دا بيبقى لونه احمر زى الشربات جه منين السواد دا كله
ياخساره دا انا كنت عايز افضل الزيت دا بعمر العربيه
قولت لا اغير بقى
جبت الزيت وطلعت عند ميكانيكى تبعنا كدا
قام فاكك المصفحه وفاكك الطبه بتاعت الفتيس ونزل الزيت ( اذ الاقى لوننه اسود اكنه زيت ماتور محروق بالظبط )
بعد ما الزيت نزل كله قام فاكك الغطا تحت وطلع الفلتر ونظفه ببنزين واسبراى
وقام عامل جوان كدا على المقاس وقام مركب
حطينا الزيت 4 كيلو فى خرم المقاس ودور وشغل واذ الاقى بسم الله ماشاء الله نعومه فى النقل وسلاسه فى الحركه

نصيحه يرجى تغيير الزيت على 50 الف كيلو بالكتيييييير
انا مغيره على 82 الف ونازل هباب ............ حفاظا على الفتيس
تكلفه التغيير ..
1 - 220 جنيه زيت اصلى تويوتا جركن 4 كيلو صنع فى اليابان
2- 55 جنيه جوان غطا فتيس عموله + اسبراى + سيليكون
3- 40 جنيه مصنعيه

زيت الفتيس من عند موزع قطع غيار تويوتا .. وممكن لو الفلتر متبهدل خالص ومش هينفع يتنظف اشترى واحد جديد كان ب 165 جنيه

تحياتى لكم ... م\ عاصم جاد

**swimmer25** · 07-06-2012 12:42 PM

هو ده الصح
اكشف باللون...أعتقد اللون بيغير لرمادي عند 60 الف وعلي كلامك بيغير لاسود عند 80 الف
انا عندي نازل رمادي عند 60 الف وغيرته بزيت تويوتا برده

**Mangstoo** · 07-06-2012 05:19 PM

طيب وانت يا هندسه اللى قعدك لحد ال82 مع ان الكتالوج بيقول 40
انا ليه بسألك لأنى من يومين كنت حاطط طلب من الأعضاء بأقصى كيلوهات لغيار زيت الفتيس وده لأن فى ناس فتت وقالتلى يابنى ده تويوتا حرام لما تغيره على 40 ولا حتى 60 !!!!!

**ahmedyaris** · 10-06-2012 08:32 PM

شباب انا عربيتى يارس 2009 عامله 38,000 كم المهندس قالى ان زيت الفتيس هينزل كله على 40,000كم والزيت ده مش موجود غير عندهم فى التوكيل(بيحور طبعا) المهم هو قالى على رقمه ونوعه بس انا نسيت اسمه حد يعرف فى ايه نوع الزيت ورقمه لليارس مانوال .... عشان كبعا مش رايح صيانة الاربعين عشان مبالغ فيها اوى فى السعر... وكمان فلتر البنزين الاصلى يجى منين ..... شكرا على وقتكو اخوانى التويوتاويه

**asemx1** · 11-06-2012 11:37 AM

يابشوات الفتيس الاوتو زيته ممكن يقعد كتير اوى بس انا شغلى وسفرياتى فيها طلوع جبال كتير ( سينا )
فعلشان كدا الزيت اتحرق
ولقيت العربيه بتنتش على الاول كدا
انما انا شايف انه لو الاستخدام داخل المدن او سفريات عاديه يقعد اكتر
بس اتمنى من الناس انهم يشوفوا الزيت باستمرار ودى تجربه وعايز انبه الناس

اما بالنسبه لاحمد ياريس فانا بقوله انى كان معايا لانوس وزيتها قعد بنفس حلاوته احمر لحد 120 الف
40 الف قليل اوى على زيت الفتيس المانيوال لانه مفيش احتكاك وحراره كتير زى الاوتوماتيك

فسيبك من كلامه دلوقتى الا لو مقتنع بيه غيره بس هاته من موزه معتمد من بره لتويوتا هتلاقيه بازن الله اسمه زيت فتيس مانيوال تويوتا وبيكون صنع اليابان عادتا

تحياتى لكم .... م/ عاصم جاد

**tarekmomo** · 11-06-2012 01:50 PM

الزين بتاع الفتيس الاوتو المفروض يتغير كل 40000 كم

**ahmedyaris** · 11-06-2012 02:36 PM

المشاركة الأصلية كتبت بواسطة asemx1

يابشوات الفتيس الاوتو زيته ممكن يقعد كتير اوى بس انا شغلى وسفرياتى فيها طلوع جبال كتير ( سينا )
فعلشان كدا الزيت اتحرق
ولقيت العربيه بتنتش على الاول كدا
انما انا شايف انه لو الاستخدام داخل المدن او سفريات عاديه يقعد اكتر
بس اتمنى من الناس انهم يشوفوا الزيت باستمرار ودى تجربه وعايز انبه الناس

اما بالنسبه لاحمد ياريس فانا بقوله انى كان معايا لانوس وزيتها قعد بنفس حلاوته احمر لحد 120 الف
40 الف قليل اوى على زيت الفتيس المانيوال لانه مفيش احتكاك وحراره كتير زى الاوتوماتيك

فسيبك من كلامه دلوقتى الا لو مقتنع بيه غيره بس هاته من موزه معتمد من بره لتويوتا هتلاقيه بازن الله اسمه زيت فتيس مانيوال تويوتا وبيكون صنع اليابان عادتا

تحياتى لكم .... م/ عاصم جاد

شكرا يا باشمهندس.

**mazher_m** · 11-06-2012 02:40 PM

شكرا للاهتمام

**احمد فهمى** · 11-06-2012 06:16 PM

زيت الياريس مش احمر بتاع البور القديم ده زيت ابيض كهربا انت متأكد انك حطيت زيت احمر ؟؟؟ وان اللى فيها كان احمر؟؟؟ خلى بالك لو فى لخبطه فتيس العربيه هيتحرق