اقتباس المشاركة الأصلية كتبت بواسطة saddam مشاهدة المشاركة
صديقي الطيب لأن يتقال عليا مش صادق من ناس ممكن يكون عالم التعديل لسه جديد عليها أفضل لي من إني أرفع صور أنا تعبان فيها سنين وأقسم بالذي خلقك وخلق كل أمة محمد أنا ممكن أشتغل في عربية سنين بسبب التمويل وبسبب صعوبة تنفيذ بعض الأفكار ولا يمكن أرفع صور عربية مثلا لسه مخلصتش بعض منها وكمان لا يمكن أرفع صور عشان بكل بساطة يتعمل عليها كوبي وتبقه في كل عربيات مصر ومن الآخر بقه وزيادة في كذبي على حد قولك وبناءا على تشجيعكم ليا أنا قرت قريبا جدا أحول عربيتي رقم 2 لأغلى وأسرع عربية في كل جمهورية مصر العربية والله بيننا ومش محتاج أثبت حاجة لحد أنا بس حثبت لنفسي إن أنا أعرف أعمل عربية مستفزة جدا وساعتها مش عايزين نشو العربية في الشارع ونقول حرام عليك الناس مش لاقية تاكل وإنت عامل كذا وكذا وكذا ودي لو خلصت ممكن أنسق مع الأخ كريم مدير المنتدى أو ممكن أنزلها أوتوماك أخبار اليوم أو معرض الأهرام خلال 2014 أو 2015 إن أحيانا الله ولكني سوف أبدأ في شهر 11 المقبل بإذن الله وأنا كده كده مخلص حاجات كتير منها وحسيب 4 عربيات من عربياتي وحشتغل في عربيتين بس لا غير دي ووحد تانية عشان فاضللها حاجات بسيطة وتخلص وأرجو من كل السادة قارئي الموضوع عدم التعليق على هذا الموضوع بتاتا إلا بما يخص لموضوع الأصلي وهو اللي يعرف طريق عربية رويال صالون يودينا وياخد ال 3000 جنيه وسامحونا للغة المتدنية اللي وصل ليها الحوار بس للأسف ده زمن الحرية ولا نملك إننا نصادر رأي حد في التعليق على أي حاجة
فى انتظار التنسيق مع الاخ كريم مدير المنتدى
انما اخبار اليوم واتو ماك معلش دى مستويات تانية ولهم مقاييس معينة
واحنا مش جداد فى عالم التعديل

إحنا جداد فى عالم تعديل من نوع آخر يستمر 4 سنوات مخفى لا يراه غير صاحبه

وعلى فكرة زمن الحرية بردو بيخلى اى حد يقول اى حاجة مش يعلق بس


بالنسبة للسيارة رقم 2 واللى ممنوع بردو نعرف نوعها واللى هتتحول لأسرع عربية فى الجمهورية

احب اقول لحضرتك ان الجمهورية فيها فيرارى وبورش واستون مارتن ومازيراتى ولسه واحد كان بيبيع بنتلى كونتننتال على كونتاكت من يومين

فميش حل انك تخليها اسرع عربية فى الجمهورية غير انك تدور على موتور بوجاتى فيرون استيراد بس اهم حاجة ميكنش حالل قبل كده