تنصحوني ب إيه في إني أجيب اوتوماتيك (زيرووووووو )

**som3aa** · 20-06-2008 06:02 PM

البوليس السعودى بيستعمل لومينا اكيد لو هى كورى مش هيستعملها علشان يجرى ورا تاكسى كامرى ولا التيما .انما فعلا اللومينا بتجرى بفترى

حضرتك كدا بتقول ان الكورى مبيجريش
بعدين دا مش دليل انها مش كورى و بصراحة انا معرفش خالص هى بلدها ايه!

**hazem_khidr** · 20-06-2008 07:10 PM

المشاركة الأصلية كتبت بواسطة som3aa

حضرتك كدا بتقول ان الكورى مبيجريش
بعدين دا مش دليل انها مش كورى و بصراحة انا معرفش خالص هى بلدها ايه!

اللومينا من مصنع هولدن في استراليا
و مالهاش علاقه بكوريا اطلاقا

**Ahmed Anwer** · 20-06-2008 09:06 PM

خلاص يا جماعة لو دليل الكفاءة الشرطة السعودية ،،

فالشرطة السعودية بتستخدم سيارات هيونداي النترا ،،

معلومة مصدرها منتديات سيارات خليجية

**د.اسماعيل النجار** · 20-06-2008 09:55 PM

(لقد ناديت اذ ناديت فاسمعت حيا و لكن لا حياة لمن تنادى)هى دى مصر

( لقد اسمعت لو ناديت حيا ولكن لاحياة لمن تنادى )

**som3aa** · 21-06-2008 03:58 PM

لا احنا مش بنتكلم على كفائة الكورى دلوقتى.
انا بتكلم على حاجة معينة و هى الناس اللى بتقول بلاش اوتوماتيك فى الكورى و احنا فى سنة 2008 مش اكتر , حتى مقالوش اليابانى انعم بس لأ قالوا بلاش كورى اوتوماتيك.
بلاش مش معنها ان اليابانى احسن لأ معناها الكورى الاوتوماتيك سىء و مش مفروض حد يشتريه.
بس دا اللى احنا بنتكلم فيه فى سنة 2008.

**hazem_khidr** · 21-06-2008 05:39 PM

المشاركة الأصلية كتبت بواسطة som3aa

لا احنا مش بنتكلم على كفائة الكورى دلوقتى.
انا بتكلم على حاجة معينة و هى الناس اللى بتقول بلاش اوتوماتيك فى الكورى و احنا فى سنة 2008 مش اكتر , حتى مقالوش اليابانى انعم بس لأ قالوا بلاش كورى اوتوماتيك.
بلاش مش معنها ان اليابانى احسن لأ معناها الكورى الاوتوماتيك سىء و مش مفروض حد يشتريه.
بس دا اللى احنا بنتكلم فيه فى سنة 2008.

يا اخ سمعه الموضوع دا قتل بحثا من زمان
و اسئله و حوارات و النتيجه في الاخر ان الاتوماتيك في الكوري كفائته قليله
ف اللي بيسال بنقول له خلاصه التجربه و المناقشات
مش كل ما حد يسال سؤال حنقعد نعيد و نزيد في نفس الكلام
لو مش مقتنع ممكن يسال او يبحث في مواضيع المنتدي

**som3aa** · 21-06-2008 05:45 PM

يا اخ سمعه الموضوع دا قتل بحثا من زمان
و اسئله و حوارات و النتيجه في الاخر ان الاتوماتيك في الكوري كفائته قليله
ف اللي بيسال بنقول له خلاصه التجربه و المناقشات
مش كل ما حد يسال سؤال حنقعد نعيد و نزيد في نفس الكلام
لو مش مقتنع ممكن يسال او يبحث في مواضيع المنتدي

طيب طالما ان الموضوع اتناقش ممكن حد يرد على سؤالى هنا؟
لو حضرتك تقدر ترد عليا اكون شاكر اوى.
سؤال بسيط جدا ازاى الكورى عمره اقصر من عمر اليابانى و جودته اقل و الاوتوماتيك فيه وحش اوى ازاى بتتباع بنفس سعر اليابانى؟؟
http://www.nilemotors.net/Nile/showp...2&postcount=13

**sab3aawy** · 21-06-2008 06:17 PM

الشيفروليه لومينا هى الاسم التجارى الذى تصدر به السيارة هولدن كومودور الى خارج استراليا ، وهى منتج استرالى من هولدن(الجناح الاسترالى لجنرال موتورز)

وتغطى بها جنرال موتوز الفئة الناقصة من مصانع دايو ليصبح المعروض من سيارات شفروليه السيدان الأسيوية طبقا للتراتب الحجمى هو سبارك، افيو، اوبترا ، ابيكا، لومينا وكلها ما عدا اللومينا من دايوو (الشيفروليه ابيكا هى الاسم الذى تصدر به دايو توسكا-وريثة الدايو ليجانزا-الى العالم)

http://en.wikipedia.org/wiki/Holden_Commodore

http://en.wikipedia.org/wiki/Daewoo_Tosca

**som3aa** · 21-06-2008 06:39 PM

شكرا على المعلومات عن اللومينا

**Ahmed Anwer** · 21-06-2008 07:37 PM

المشاركة الأصلية كتبت بواسطة som3aa

طيب طالما ان الموضوع اتناقش ممكن حد يرد على سؤالى هنا؟
لو حضرتك تقدر ترد عليا اكون شاكر اوى.
سؤال بسيط جدا ازاى الكورى عمره اقصر من عمر اليابانى و جودته اقل و الاوتوماتيك فيه وحش اوى ازاى بتتباع بنفس سعر اليابانى؟؟
http://www.nilemotors.net/Nile/showp...2&postcount=13

مالهاش دليل علمي و لا احصاءات و لا حتي تجارب

كل الحكاية بما إن الأتوماتيك ده اختراع و اكتشاف و خيال علمي و بيطلع للفضاء و بيمشي علي الحيطة و حاجة صعبة اوي طحن و لسه معامل الناسا مكتشفاه من اول امبارح

فالشعب المصري مارس هوايته المفضلة من ايام جنرالات المقاهي فتي فتيه و بعض الناس صدقوها و بيرددوها

نوع يعني من توخي الحذر في قرار الشراء