اسعار قطع غيار شيفروليه ( اوبترا - افيو - سبارك )

**akram000** · 10-12-2008 02:09 PM

بصراحه انا مش فاكر سعر الزجاج فى الاوبترا كام بس هو قريب من السعر فى الافيو فى التوكيل اكتر من نوع اولا الزجاج الكورى انا سألت عليه فى الافيو 2000 جنيه غير سعر الضريبه والتركيب على فكرة التركيب لوحدة 200 او 250 جنيه سعر المادة ال بيركب بيها الزجاج والنوع التانى المصرى دكتور جريش ومفيش فرق انا سألت فى التوكيل راجل معرفه وقالى الكورى بيتكسر والمصرى بيتكسر بردو للاسف كان فى عربيه اوبترا جنبى والله الراجل اتكسر الزجاج من اسبوع عندة وجه ركب الزجاج الكورى وبعد اسبوع اتكسر برضو وجه ركب المصرى عشان ارخص بكتيرررر وبردو نصحنى انى اركب المصرى مش الكورى عشان الاتنين بيتكسرو والنوع التانى نوع اسمه امانى فى التوكيل بس دكتور جريش مشهور عنه

**mohamed farouk abo ala** · 10-12-2008 04:18 PM

المشاركة الأصلية كتبت بواسطة akram000

شكرا للاستاذ محمد فاروق وياريت تقولنا سعر الشبكه الاماميه فى التوكيل ولا من برة وشكرا مرة اخرة للتعاون معنا

تحت أمر حضرتك

بالنسبة لسعر الشبكة ألامامية دة برة التوكيل عند محل أسمة الحرميين بجانب محل المنير
بشارع فيصل المحل دة عند قطع غيار شيفرلية (ابترا وأفيو) وحاجتة كويسة ومضمونة
وأرخص من التوكيل طبعا وعن تجربة وعلى فكرة سعر الشبكة أمامية غير شاملة علامة
شيفورلية ألى لونها أصفر داكن دية سعرها لوحدة 20ج وبتتلزق بالشبكة وأنشاء الله هاصورلكو الشبكة بعد ماركبت بعربية أخويا أفيو وهانزلها على منتدى أنشاء الله وعلفكرة بالنسبة لفوانيس ألابترا موجودة عندة ماركة debo أصلية بيقول صاحب المحل أن التوكيل بياخد من الفوانيس ألابترا ولكن ألافيو فوانسها الى موجودة عنده صينى أنا جبت الفانوس الامامى يمين 185 صينى وعلى فكرة مايفرءش عن الاصلى بحاجة وبعد ماركب بالعربية مايفرءش عن الفانوس الشمال الاصلى

**menabigboss** · 11-12-2008 12:32 PM

شكرا جزيلا لحضرتك ......يا استاذ Akram000

**akram000** · 11-12-2008 06:22 PM

العفو يا باشا تحت امرك

**islam_6110** · 12-01-2009 02:47 PM

ياريت حد يقولنا الاسعار الخاصه بالسبارك جميع قطع الغيار زى المرايات و الكشفات و ما شابه

**mahmoudhegazy** · 13-01-2009 05:12 AM

اكصدام خلفي كامل للافيو ب 1300 من التوكيل..

**Kareem Khattab** · 14-01-2009 02:57 AM

المشاركة الأصلية كتبت بواسطة mahmoudhegazy

اكصدام خلفي كامل للافيو ب 1300 من التوكيل..

بالرش ولا من غير يا استاذ محمود

**باسم انور** · 17-01-2009 09:39 PM

اتكسر الزجاج الخلفى وبعدين اتصلت بالتوكيل فى طريق الاسكندرية قالى 250+160 تركيب دة المصرى والكورى 1060 غير التركيب المهم اتصلت بفرع مقار قالى350+100 تركيب قلت لة لية فرق السعر دة قالى انا عندى زجاج الدكتور جريش قلت لة شكرا اتصلت بالدليل 140 اسال عن د/جريش ادانى الرقم اتصلت علية قالى موجود ب200 بالتركب اخدت العنوان ورحت ركبتة والحمد للة موديل العربية افيو 2007 المفاجئة انى لقيتة 177 +ضريبة مبيعات يعنى كلة195 فقط والله دعوة اى حد يتكسر الزجاج يروح على طول د/جريش

**shetos_basha** · 19-01-2009 02:38 PM

طقم جوان كامل 800 جنيه

ريدياتير 1100 جنيه

سربنتينة تكييف 1200 جنيه

**hafeztamer** · 19-01-2009 07:48 PM

المشاركة الأصلية كتبت بواسطة باسم انور

اتكسر الزجاج الخلفى وبعدين اتصلت بالتوكيل فى طريق الاسكندرية قالى 250+160 تركيب دة المصرى والكورى 1060 غير التركيب المهم اتصلت بفرع مقار قالى350+100 تركيب قلت لة لية فرق السعر دة قالى انا عندى زجاج الدكتور جريش قلت لة شكرا اتصلت بالدليل 140 اسال عن د/جريش ادانى الرقم اتصلت علية قالى موجود ب200 بالتركب اخدت العنوان ورحت ركبتة والحمد للة موديل العربية افيو 2007 المفاجئة انى لقيتة 177 +ضريبة مبيعات يعنى كلة195 فقط والله دعوة اى حد يتكسر الزجاج يروح على طول د/جريش

حضرتك الزجاج فيه حرارى ومكان الاريال وشكرا